მზისგან დამცავები ბევრი ადამიანისთვის ზაფხულთან, მზესთან, ზღვასთან და რუჯის მიღებასთან ასოცირდება. თუმცა, სინამდვილეში ჩვენს კანს მზის მავნე, ულტრაიისფერი სხივებისგან დაცვა ყველა სეზონზე სჭირდება.
იმისთვის, რომ კანის დამწვრობა და ნაადრევი დაბერება აირიდო, აუცილებელია, მზისგან დამცავის ყოველდღიურად გამოყენება.
მზისგან დამცავი საშუალებები ხელს უწყობს კანის ტენიანობისა და ელასტიკურობის შენარჩუნებას.
თუ რას უნდა მივაქციოთ მზისგან დამცავების შერჩევისას განსაკუთრებული ყურადღება, ამას ბლოგიდან შეიტყობ.
SPF – მზისგან დაცვის ფაქტორი
მზისგან დამცავ კრემებსა და ლოსიონებზე გვხვდება აბრევიატურა – SPF, რომელიც იშიფრება, როგორც მზისგან დაცვის ფაქტორი.
- SPF გიჩვენებს, თუ რამდენად კარგად დაიცავს პროდუქტი კანს მზის ულტრაიისფერი სხივებისგან, დამწვრობისგან და დაზიანებისგან
- დერმატოლოგთა რეკომენდაციით, მზისგან დაცვის ფაქტორი (SPF) უნდა აღემატებოდეს 15-ს
- რაც უფრო მაღალია SPF კოეფიციენტი, მით მეტია დაცვა
- აუცილებელია, მზისგან დამცავის, ყოველდღიურად, მთელ სხეულზე, ყოველ 2 საათში წასმა, ღრუბლიან ამინდშიც
მზის ულტრაიისფერი სხივები – UVA/UVB
მზის მავნე, ულტრაიისფერი სხივები ორ ჯგუფად იყოფა:
- UVA – სხივები ღრმად აღწევს კანში და ხელს უწყობს ნაადრევ დაბერებას
- UVB – სხივები იწვევს მზის დამწვრობას
ეფექტური დაცვისთვის, უმჯობესია, აირჩიო მზისგან დამცავი, რომელიც ორივე ტიპის სხივს გაუმკლავდება.
ექსტრაზე მზისგან დამცავების დიდი მრავალფეროვნება გელოდება.
გახსოვდეს, მზისგან დამცავის წასმა უნდა მოხდეს კანის ყველა დაუცველ ზონაზე, მზეზე გასვლამდე, სულ მცირე, 15 წუთით ადრე.
შეარჩიე სასურველი ბრენდი შენი კანის ტიპის შესაბამისად.
