მაცივრის შერჩევისას, ალბათ, გაიგებდი, რომ არსებობს მშრალი და ნახევრად მშრალი მოდელები.
ამ ორ ტერმინს მომხმარებლები შეცდომაში შეჰყავს, რადგან ერთი და იგივე ტექნოლოგიად მიიჩნევენ და ხშირად, ყიდვის გადაწყვეტილებასაც გაუაზრებლად იღებენ.
No Frost და ნახევრად მშრალი მაცივრები ერთმანეთს ძალიან ჰგავს, თუმცა, სინამდვილეში, მათ შორის გარკვეული განსხვავებები არსებობს. ბლოგში სწორედ ამ საკითხზე მივიპყრობთ შენს ყურადღებას.
პირველ რიგში, გავარკვიოთ, როგორ მუშაობს თითოეული ტექნოლოგია.
მშრალი მაცივარი – No Frost ტექნოლოგია
No Frost ტექნოლოგიით აღჭურვილი მაცივრები მთლიანად მშრალი სისტემით მუშაობს. ეს ნიშნავს, რომ მაცივრის შიგნით არ ჩნდება ყინული, ხოლო ტემპერატურა თანაბრად ნაწილდება მაცივრის ყველა ნაწილში.
რას გულისხმობს ნახევრად მშრალი მაცივარი
- ნახევრად მშრალი მაცივარი No Frost სისტემისგან იმით განსხვავდება, რომ მასში, შესაძლოა, წვეთების ფორმირება მოხდეს, თუმცა, ყინული არ წარმოიქმნება.
- ამ ტიპის მაცივარში ტენიანობის უკეთ კონტროლი შეგიძლია და ყინულის აკუმულაციის მინიმალური შესაძლებლობა არსებობს.
ნახევრად მშრალ მაცივრებს აქვს რამდენიმე უპირატესობა, რაც მას სრულად მშრალი მაცივრებისგან განასხვავებს.
ნახევრად მშრალი მაცივრის უპირატესობები
- უკეთესი ტენიანობის კონტროლი – ნახევრად მშრალი მაცივრები ფლობს როგორც მშრალი გაგრილების, ასევე ტენიანობის შენარჩუნების ტექნოლოგიებს, რაც ხელს უწყობს პროდუქტების უფრო დიდხანს შენახვას.
- ტენიანობის კონტროლის გამო, ხილი და ბოსტნეული უფრო დიდხანს ინარჩუნებს სიხასხასეს და არ შრება ისე, როგორც No Frost სისტემაში.
- ნახევრად მშრალ მაცივარში არ წარმოიქმნება ზედმეტი ყინული, ტენიანობის კონტროლის სისტემა კი ხელს უშლის არასასიამოვნო სუნის გაჩენას.
- ნახევრად მშრალი სისტემის მქონე მაცივრები უფრო ეკონომიურია და ნაკლებ ენერგიას მოიხმარს, ვიდრე ტრადიციული, No Frost მაცივრები.
რომელი მაცივარი ინახავს პროდუქტებს უკეთესად
- ნახევრად მშრალი მაცივარი უკეთესია ისეთი პროდუქტებისთვის, რომლებიც საჭიროებს ტენიან გარემოს, მაგალითად ხილი, ბოსტნეული, მწვანილი.
- მშრალი (No Frost) მაცივარი კარგია ისეთი პროდუქტებისთვის, რომლებსაც არ სჭირდება მაღალი ტენიანობა, მაგალითად თევზი, ხორცი და პაკეტებში დაფასოებული საკვები.
როგორც ხედავ, განსხვავება მშრალ და ნახევრად მშრალ მაცივრებს შორის არსებობს, ხოლო ის თუ რომელ მოდელზე შეაჩერებ ყურადღებას, სრულად არის დამოკიდებული შენს საჭიროებებსა და ცხოვრების წესზე.
თუ შენი კვების რაციონში ხილ-ბოსტნეული ჭარბობს, შეგიძლია, უპირატესობა ნახევრად მშრალ მაცივარს მიანიჭო.
