რა ზომის ლეპტოპი აირჩიო?

ახალი ლეპტოპის შერჩევისას, ალბათ, პირველი, რასაც გუგლში ეძებ, პროცესორის, ვიდეობარათის ან ოპერატიული მეხსიერების მონაცემებია. თუმცა, ხშირად გვავიწყდება ერთი უმთავრესი დეტალი, რომელიც ჩვენს ყოველდღიურ კომფორტს განსაზღვრავს: ეკრანის ზომა.

სწორედ ზომაზეა დამოკიდებული, შეძლებ თუ არა მის მარტივად ტარებას, კომფორტულად წაიკითხავ თუ არა ტექსტს და გექნება თუ არა საკმარისი სამუშაო სივრცე ეკრანზე.

იმისათვის, რომ იდეალური არჩევანი გააკეთო, დეტალურად განვიხილოთ თითოეული კატეგორია. დაგპირდი, რომ ამ ბლოგის წაკითხვის შემდეგ ზუსტად გეცოდინება, რა გჭირდება, ხოლო შენზე მორგებული მოდელის პოვნა ექსტრა მარკეტფლეისზე სახლიდან გაუსვლელად, საუკეთესო პირობებით შეგეძლება.

11 – 12 ინჩი: მათთვის, ვინც სულ მოძრაობაშია

თუ შენი ცხოვრების სტილი მუდმივ გადაადგილებას, მოგზაურობასა და კაფეებიდან მუშაობას გულისხმობს, ეს ზომა შენთვისაა. ასეთი ლეპტოპები ყველაზე თხელი და მსუბუქია (ხშირად 1 კილოგრამზე ნაკლები).

• იდეალურია: მოგზაურებისთვის, ბლოგერებისთვის და მათთვის, ვისაც ლეპტოპი ძირითადად ტექსტების ასაკრეფად, მეილების შესამოწმებლად და ინტერნეტში სამუშაოდ სჭირდება.
• გასათვალისწინებელია: მცირე ზომის გამო, კლავიატურაც კომპაქტურია და ეკრანზე ერთდროულად ბევრი ფანჯრის გახსნა არაკომფორტულია.

13 – 14 ინჩი: ოქროს შუალედი (ყველაზე მოთხოვნადი)

ეს არის ბალანსი პორტატულობასა და წარმადობას შორის. 13 და 14-ინჩიანი მოდელები საკმარისად მსუბუქია იმისთვის, რომ ჩანთით ატარო, მაგრამ საკმარისად დიდი ეკრანი აქვთ იმისთვის, რომ თვალები არ დაგეღალოს.

• იდეალურია: სტუდენტებისთვის, ოფისის თანამშრომლებისთვის, მარკეტერებისთვის და პროგრამისტებისთვისაც კი.
• გასათვალისწინებელია: თანამედროვე მოდელებს იმდენად თხელი ჩარჩოები აქვთ, რომ ხშირად 14-ინჩიანი ეკრანი ძველი თაობის 13-ინჩიანი ლეპტოპის კორპუსშია მოთავსებული.

15 – 16 ინჩი: უნივერსალური და სტანდარტული არჩევანი

თუ ლეპტოპს ძირითადად სახლში ან ოფისში, მაგიდაზე დებ და იშვიათად გიწევს მისი ტარება, ეს ყველაზე პოპულარული ზომაა. 15.6 და 16-ინჩიანი მოდელები გაძლევს დიდ სამუშაო სივრცეს და, რაც მთავარია, კლავიატურაზე ხშირად ინტეგრირებულია ციფრული ბლოკი (Numpad).

• იდეალურია: დიზაინერებისთვის, ფინანსისტებისთვის (ვისაც ექსელში მუშაობა უწევს), გრაფიკული მონტაჟის სპეციალისტებისთვის და ლაითი გეიმერებისთვის.
• გასათვალისწინებელია: ეს ზომა უკვე შესამჩნევად მძიმეა (1.8 – 2.5 კგ) და ყოველდღიურად ზურგჩანთით ტარება შეიძლება დამღლელი აღმოჩნდეს.

17+ ინჩი: დესკტოპის სრულფასოვანი ალტერნატივა

ეს გიგანტები შექმნილია მათთვის, ვისაც მაქსიმალური სიმძლავრე და დიდი ეკრანი სჭირდება, მაგრამ მაინც უნდა, რომ მოწყობილობის ერთი ოთახიდან მეორეში გადატანა შეეძლოს.

• იდეალურია: პროფესიონალი გეიმერებისთვის, 3D არქიტექტორებისთვის და მძიმე ვიდეომონტაჟის სპეციალისტებისთვის.
• გასათვალისწინებელია: ეს ლეპტოპები რთული სატარებელია, მოითხოვს დიდ ჩანთას და ელემენტიც შედარებით მალე ჯდება დიდი ეკრანის გამო.

მთავარი კითხვები შერჩევის პროცესში

შესაძლოა, კონკრეტულ ზომაზე უკვე დაფიქრდი, მაგრამ საბოლოო გადაწყვეტილებამდე რამდენიმე ტექნიკური დეტალის დაზუსტება გინდა. მოდი, სწრაფად გავიაროთ ის ძირითადი კითხვები, რაც მომხმარებლებს ყველაზე ხშირად უჩნდებათ:

• რომელი ზომაა ყველაზე უსაფრთხო თვალებისთვის, თუ დღეში 8 საათი მიწევს მუშაობა?

თუ შენი სამუშაო გრძელვადიანია და დამატებითი მონიტორი არ გაქვს, უმჯობესია არჩევანი 15-16 ინჩზე შეაჩერო. უფრო დიდი შრიფტი და სამუშაო სივრცე თვალის კუნთებს ნაკლებად ძაბავს. 13-ინჩიანზე ხანგრძლივი მუშაობისას კი აუცილებლად დაგჭირდება მასშტაბირების (Scale) გაზრდა.

• წონაში რამდენად დიდია სხვაობა 14 და 15-ინჩიან ლეპტოპებს შორის?

სხვაობა საკმაოდ საგრძნობია, როცა მოწყობილობის ტარება ყოველდღიურად გიწევს. 14-ინჩიანი მოდელები საშუალოდ 1.2-დან 1.5 კილოგრამამდე იწონის, მაშინ როცა 15-ინჩიანების წონა 1.8 კილოგრამიდან იწყება და ძლიერი გაგრილების სისტემის მქონე მოდელებში 2.5 კგ-საც აღწევს.

• შემიძლია თუ არა 13 ან 14-ინჩიანი ლეპტოპი გეიმინგისთვის გამოვიყენო?

ტექნიკურად კი, რადგან დღეს უკვე გამოდის 14-ინჩიანი მძლავრი გეიმინგ ლეპტოპები, თუმცა პატარა კორპუსში გაგრილების სისტემა ნაკლებად ეფექტურია და ეკრანის მცირე ზომაც თამაშის პროცესს ნაკლებად შთამბეჭდავს ხდის. გეიმინგისთვის 15.6 ინჩი მინიმალური კომფორტული ზომაა.

ეს ყველაფერი რომ შევაჯამოთ: აირჩიე 13-14 ინჩი, თუ სულ მოძრაობაში ხარ და ლეპტოპი ყველგან თან დაგაქვს; შეჩერდი 15-16 ინჩზე, თუ ძირითადად მაგიდასთან მუშაობ და დიდი ეკრანი გჭირდება; ხოლო 17+ ინჩი მხოლოდ მაშინ განიხილე, თუ ზუსტად იცი, რომ დესკტოპის სიმძლავრე და უზარმაზარი ეკრანი პორტატულობაზე ბევრად მნიშვნელოვანია.

ახლა, როცა უკვე ზუსტად იცი რა ზომის ლეპტოპი გჭირდება შენი ამოცანებისთვის, დროა, თეორიიდან პრაქტიკაზე გადახვიდე. დაათვალიერე ექსტრაზე, გამოიყენე მოსახერხებელი ფილტრები ეკრანის ზომის მიხედვით და შეარჩიე მოდელი, რომელიც შენს მოთხოვნებს იდეალურად დააკმაყოფილებს.

არ იცი რა ტექნიკური შესაძლებლობის, ან როგორი ლეპტოპი უნდა აირჩიო სტუდენტობისთვის, ოფისისა თუ გეიმინგისთვის? გაეცანი ჩვენს წინა ბლოგებს და იპოვე ყველა კითხვაზე პასუხი.