თუ ძველი სარეცხი მანქანის შეცვლა ან უბრალოდ, ახლის შეძენა გადაწყვიტე გაეცანი ჩვენ მიერ მომზადებულ რეკომენდაციებს, რომელიც გაგიმარტივებს შერჩევის პროცესს და ყურადღებას გაგამახვილებინებს დეტალებზე, რომელთა გათვალისწინებაც აუცილებელია.
წლიდან წლამდე, მწარმოებელი ბრენდები გვთავაზობენ განახლებებს, ახალ ფუნქციონალებს, დიზაინს. Samsung, Indesit, Bosch, Hotpoint-Ariston, LG, Midea, Whirpool და კიდევ ბევრი სხვა საყოველთაოდ ცნობილი ბრენდის სია საკმაოდ ვრცელია. ამიტომ, საყვარელი ბრენდის განსაზღვრა, ფინანსებიდან გამომდინარეც, შენთვის მოგვინდია.
ტექნიკური მახასიათებლების სწორად შერჩევით დაზოგავთ ფულს, ელექტრო ენერგიას და წყლის მოხმარებას.
1. სარეცხი მანქანის ტიპები
დღეს ბაზარზე ორი ტიპის სარეცხ მანქანას ვხვდებით, ფრონტალური და ვერტიკალური ჩატვირთვით.
- სარეცხი მანქანები ფრონტალური ჩატვირთვით – მასობრივად მოხმარებადია და განასხვავებენ მხოლოდ ინსტალაციის ტიპის მიხედვით, ჩასაშენებელ და ცალკე მდგომ მოდელებს.
- ვერტიკალური ჩატვირთვით სარეცხი მანქანები – არის ვიწრო და კომპაქტური და იდეალური არჩევანია ისეთი ბინისთვის სადაც ადგილის სიმცირეა.
სტანდარტის მიხედვით, სარეცხი მანქანის ზომებია: სიმაღლე – 85 სმ, სიგანე – 60 სმ, სიღრმე – 60 სმ. თუმცა, ვხვდებით არასტანდარტულ მოდელებსაც სიგანით 35-დან 55 სანტიმეტრამდე.
2. ჩატვირთვის მოცულობა
ჩატვირთვის მოცულობის ზუსტად განსაზღვრა თავიდან აგარიდებს ზედმეტი თანხის გადახდას. თუ შენი ოჯახი მხოლოდ 2 ადამიანისგან შედგება, სარეცხი მანქანა 4-5 კგ ტევადობით სრულიად საკმარისია, 3-4 წევრიანი ოჯახისთვის ოპტიმალურია 6-7 კილოგრამიანი, 5 და მეტი წევრის შემთხვევაში უნდა აირჩიო 8-10 კგ ტევადობის სარეცხი მანქანა.
3. ძრავის ტიპი
არსებობს სარეცხი მანქანები სტანდარტული ან ინვერტორული ძრავით.
- ინვერტორული ძრავი 70%-ით დაგიზოგავს ელექტრო ენერგიის მოხმარებას, სტანდარტულ ძრავიანი სარეცხის მანქანისგან განსხვავებით;
- უზრუნველყოფს შედარებით უხმო რეჟიმში მუშაობას, დაბალი ვიბრაციით.
ინვერტორული ძრავის შემთხვევაში, ბრენდებს ცალკე საგარანტიო პირობა აქვთ განსაზღვრული და უმეტესი მათგანი 10 წლამდე საგარანტიო ვადას აწესებს, მაგალითად, SAMSUNG.
4. ენერგოეფექტურობის კლასი
არის თუ არა შენ მიერ შერჩეული სარეცხი მანქანა ენერგოეფექტური, ამის შესახებ ლათინური ანბანის ასოები და + ნიშნები გაწვდის ინფორმაციას. ენერგომოხმარების უმაღლეს კლასად აღიარებულია A, მის გასწვრივ + ნიშანი კი გამცნობს, რომ მანქანა დამატებით, 10%-ით ნაკლებ ელექტროენერგიას მოიხმარს. ყოველ დამატებით + ნიშანში დამატებითი 10% ივარაუდება, მაგალითად, ნიშანი A+++ უმაღლესი კლასის სარეცხ მანქანაზე მიგითითებთ, რომელიც 30%-ით ენერგოეფექტურია. ეს ნიშნები სტიკერის სახით დატანებულია მოწყობილობის კორპუსზეც. ლათინური ანბანის ასოებით ფასდება, აგრეთვე, რეცხვის და გაწურვის ენერგოეფექტურობის კლასიც.
5. სარეცხის ჩამატების ფუნქცია
ბოლო რამდენიმე წელია, სარეცხ მანქანებს, მეტი კომფორტისთვის, დამატებული აქვს რეცხვის პროცესში სარეცხის ჩამატების ფუნქცია, ამისთვის ზოგიერთი მოდელს კარზე დამატებული აქვს მინი ფანჯარა, ხოლო ზოგიერთი მოდელი რეცხვის პროცესის დაპაუზების და კარის გახსნის საშუალებასაც იძლევა.
6. შრობის ფუნქცია
თუ ისეთ ზონაში ცხოვრობ, სადაც სარეცხის გარეთ გაფენა და შრობა აკრძალულია ან კლიმატი არ გიწყობს ხელს, შეგიძლია შეარჩიო მაღალბიუჯეტური სარეცხი მანქანა შრობის ფუნქციით, სხვა შემთხვევაში, შეგიძლია ფინანსები დაზოგო და იყიდო სარეცხი მანქანა მაღალი ბრუნვის პარამეტრით, რაც მსუბუქ შრობას და დაუთოვებას უზრუნველყოფს. გაითვალისწინე, რომ შრობის ფუნქცია და სარეცხის მაღალი ბრუნვით გაწურვა ქსოვილის ცვეთას აჩქარებს.
7. სასარგებლო ფუნქციები
სარეცხი მანქანის ცალკეულ მოდელებს აქვს განსაკუთრებულად საჭირო და საინტერესო ფუნქციები:
- 15 წუთიანი სწრაფი რეცხვა
- ანტიალერგიული რეცხვა სენსიტიური კანის მქონე ადამიანებისთვის
- რეცხვის რეჟიმის დამახსოვრება და შემდგომში მისი 1 ღილაკით გააქტიურება
იმედია, რჩევები დაგეხმარება სწორი გადაწყვეტილების მიღებაში. Extra.ge-ზე აღმოაჩენ ყველა ცნობილი თუ ნაკლებად ცნობილი ბრენდის სარეცხის მანქანებს შენთვის საჭირო ტექნიკური მახასიათებლებით. ჩვენთან შეგიძლია იყიდო განვადებით და გადაიხადო ნაწილ-ნაწილ, თანხის ზუსტად ის რაოდენობა, რაც ფასდაკლებით ჩვენს საიტზე დაგხვდება. ან აირჩიო 3-დან 6 თვემდე 0%-იანი განვადება. extra.ge გთავაზობს 6 ბანკის განვადებას – საქართველოს ბანკი, სფეისი, თიბისი, კრისტალი, ტერა ბანკი და კრედო.
