პასკის მნიშვნელობა ქრისტიანულ სამყაროში
ქრისტიანულ სამყაროში, პასკას განსაკუთრებული დატვირთვა აქვს. იგი, სულიერი საზრდოს სიმბოლოდ მიიჩნევა. სიმბოლური დატვირთვა, ებრაული პასექის დღესასწაულთანაა დაკავშირებული. თავდაპირველად, პასკას უსაფუარო ცომისგან გამზადებული პურის სახე ჰქონდა და ეს იყო პასკის რეცეპტი
ბიბლიის მიხედვით, სწორედ მას მიირთმევდნენ იესო ქრისტე და 12 მოციქული საიდუმლო სერობაზე!
კონდიტერები, დიდი ხნის მანძილზე, თავდაუზოგავად შრომობდნენ, რომ მომხმარებლებისთვის მდიდარი გემოებით გაჯერებული სააღდგომო პასკები შეეთავაზებინათ!
შეფ დიმიტრი რჩეულიშვილი გვიყვება, როგორ მივიდა საკუთარ რეცეპტამდე, რომელიც გემრიელი და ამავდროულად, მარტივად მოსამზადებელია. ვიდრე, სააღდგომო პასკის ცხობას დაიწყებ, გადაამოწმე ყველაფერი გაქვს?
პასკის იგრედიენტები, moitane – ს აპლიკაციითაა გამოწერილი
Franko – ს ბრენდის მიქსერს, რომელსაც შეფ დიმიტრი იყენებს, extra.ge – ზე შეიძენ. იშოპინგე სახლიდან გაუსვლელად, ზედმეტი ძალისხმევის გარეშე და შეძენილ ნივთს კურიერი სახლში მოგიტანს
„სულ მესმოდა, რომ დიდი ძალისხმევა, მოთმინება და განსაკუთრებული ყურადღება სჭირდებოდა პასკის მომზადებას. რამდენიმე წლის წინ „გავბედე“ და პირველად გამოვაცხვე. თავდაპირველად, რამოდენიმე რეცეპტი ვცადე : ჩემი დიდი ბებიის, სხვისი დიდი ბებიის და ბევრი მცდელობის შემდეგ, მივედი ამ რეცეპტამდე, რომელიც ჩემი აზრით, ძალიან გემრიელია და ასევე, შედარებით მარტივად მოსამზადებელი. ძალიან მნიშვნელოვანია, რომ ამ რეცეპტით მომზადებული პასკა არის ნოტიო და მძიმე. პასკას საყვარელი ადამიანებისთვის ვამზადებ და ძალიან მიხარია, როდესაც მათ კმაყოფილ სახეებს ვხედავ და ვიღებ კომპლიმეტებს“
პასკის რეცეპტი შეფ დიმიტრი რჩეულიშვილისგან!
იგრედიენტები :
- კვერცხი – 5ც
- შაქარი – 600 გრ
- ფქვილი – 1.5 კგ
- მშრალი საფუარი – 2 ს.კ
- რძე – 0,5 ლ
- კარაქი – 250 გრ
- ზეთი – 160 გრ
- შაქრიანი ვანილი – 10გრ
- ქიშმიში- 300 გრ
- ლიმონი – 1ც
სააღდგომო პასკის მომზადების წესი :
- პირველ რიგში, რამოდენიმე დღით ადრე გაამზადე არომატული ბაზა: მიხაკს, მუსკატს და დარიჩინს დაასხი 2 ს.კ. კონიაკი, შედგი გრილ და ბნელ ადგილას და გამოცხობამდე დააყოვნე
- 250გრ თბილ რძეში გახსენი საფუარი და დაუმატე 1 ჩ.კ. შაქარი, კარგად რომ აფუვდეს
- 250გრ ცხელ რძეში დაუმატე კარაქი და ნახევარი ჭიქა ზეთი
- 5 კვერცხის ცილა ამოიყვანე კარგად, დაუმატე 5 ს.კ. შაქარი, ნახევარი ჩ.კ. მარილი და კარგად აურიე
- 5 კვერცხის გული, დარჩენილი შაქარი, 10 გრ შაქრიანი ვანილი და ათქვიფე
- დაუმატე ამოყვანილი ცილა და ნელი მოძრაობით აურიე
- დიდ ჯამში ჩაყარე 1.5 კგ ფქვილი, დაასხი საფუარიანი და ცხიმიანი რძე, კარგად აურიე და შეაზილე კვერცხიანი მასა
- კარგად შეზელვის შემდეგ, დაუმატე დარჩენილი ნახევარი ჭიქა ზეთი და მოზილე ცომი
- მოზელვას დიდი ძალისხმევა ჭირდება, არ დაიზარო, მინიმუმ 20 წუთი მაინც დაუთმე
- მოზელვის შემდეგ, თბილად შეფუთე
- 8 საათის შემდეგ ცომი კიდევ ერთხელ გადაზილე, დაუმატე ქიშმიში, 1 ცალი ლიმონის ცედრა, 1 ს.კ. წინასწარ გამზადებული კონიაკი
- გადაიტანე ფორმაში და გააჩერე 6 საათი
- შემდეგ, შედგი 150 გრადუსამდე გახურებულ ღუმელში, ზედა-ქვედა წვით
- 1 საათის ( ან 1.5 საათის, ღუმელს გააჩნია) შემდეგ გამოიღე და დაელოდე რომ გაგრილდეს
გიტოვებ ბმულს, სადაც ვიდეოს ნახავ, როგორ ამზადებს შეფ დიმიტრი სააღდგომო პასკას! გემრიელად მიირთვი!
