ყველა ადამიანს და განსაკუთრებით ბავშვს, საკუთარი გმირი ჰყავს! სუპერგმირები, მათთვის სიმამაცის ნიმუშები არიან. ალბათ, ერთხელ მაინც უოცნებიათ, რომ თავადაც ჰქონოდათ საყვარელი სუპერგმირის ძალა!
ბაშვებისთვის, Superman, Betman, Capitan America და Hulk არიან სუპერგმირები. თუმცა, ნამდვილ სუპერგმირებს ისინი რეალურ ცხოვრებაში ხვდებიან. ისინი, შესაძლოა არ ფლობდნენ ზესახელმწიფოებს გამოგონილი სუპერგმირებივით, მაგრამ პატივისცემას თავიანთი სიმამაცის და გაკეთებული საქმის გამო იმსახურებენ!
თუ გაინტერესებს სუპერგმირების დღის შექმნის ისტორია, განაგრძე კითხვა!
მოგიყვები რა აქტივობების დაგეგმვა სჯობს, რომ შექმნა დაუვიწყარი დღე შენი შვილისთვის!
ასევე, მოგიყვები extra.ge – ის გააზრებულ სოციალურ პასუხისმგებლობაზე, რომელიც ბავშვებისთვის სიხარულის მინიჭებას და მომავალი თაობისთვის, სასარგებლო საქმის კეთებაში წვლილის შეტანას გულისხმობს!
როდის აღინიშნება სუპერგმირების დღე?
28 აპრილი სუპერგმირების დღეა!
შესაძლოა, ვინმესთვის უცნაურია გამოგონილი პერსონაჟებისთვის დღესასწაულის გამართვა. თუმცა, სუპერგმირები არიან პერსონაჟები, რომლებიც საზოგადოებას და კაცობრიობას ბოროტებისგან იცავენ. ისინი, კეთილშობილური მესიჯებით, გავლენას ახდნენენ მოზარდ თაობაზე და მისაბაძი მაგალითები ხდებიან ბავშვებისთვის მთელს მსოფლიოში!
რეალურ ცხოვრებასაც ჰყავს სუპერგმირები! ნამდვილ ცხოვრებაში ჯარისკაცები, პოლიციელები, ექიმები და მეხანძრეები არიან ის სუპერგმირები, რომლებიც ემსახურებიან და იცავენ კაცობრიობას!
სუპერგმირების დღის აღნიშვნა 1995 წლიდან დაიწყეს ამერიკაში. ბავშვებს იმ სუპერ ძალების შესახებ ჰკითხეს, რომლებიც სურდათ რომ ჰქონოდათ
ბევრი მათგანი, სუპერ ადამიანზე საუბრობდა რეალური ცხოვრებიდან, რომელიც მეტი იყო ვიდრე გამოგონილი სუპერგმირი! ამიტომაც, ეს დღე არამხოლოდ გამოგონილი სუპერგმირების დღესასწაულია, არამედ ისეთი გმირი ადამიანების, რომლებიც საჭირო დროს საჭირო ადგილზე ჩნდებიან!
რატომ აღინიშნება სუპერგმირების დღე?
სუპერგმირები ბავშვებს შთააგონებენ, რომ სიკეთე აკეთონ! ბავშვები მათგან სწავლობენ, რომ სიკეთე ყოველთვის იმარჯვებს ბოროტებაზე
სუპერგმირებს, რეალური ცხოვრებიდან, აქვთ განსხვავებული უნარები და როლები, მაგრამ მიზანი – იგივე, ებრძოლონ ბოროტებას საზოგადოების საკეთილდღეოდ!
როგორ აღვნიშნოთ სუპერგმირების დღე ბავშვებთან ერთად?
შენს ბავშვს ჰყავს თუნდაც ერთი ფავორიტი სუპერგმირი? თუ კი, მაშინ, ამ დღის აღნიშვნით მას აუცილებლად გაახარებ. გსურს ეს დღე დაუვიწყარი გახადო? გთავაზობ რამდენიმე გზას, როგორ აღნიშნო სუპერგმირების დღე!
- ბავშვებთან ერთად ამ დღის აღნიშვნის ყველაზე პოპულარული გზაა, ბავშვის საყვარელი სუპერგმირის ფორმის მორგება. ჩაიცვი ბავშვის მსგავსად ან მოირგე ნიღაბი, რომელიც ყველაზე მარტივი გზაა საყვარელი სუპერგმირის გამოსახატად. უამრავი შემოთავაზებაა ინტერნეტში, მათ შორის extra.ge – ის ონლაინ პლატფორმაზე, სადაც მარტივად იპოვი საყვარელ სუპერგმირთან მაიდენტიფიცირებელ ნივთებს!
- ერთად მოიფიქრეთ თამაშები, რომლითაც სუპერგმირის ძალა კარგად გამოჩნდება. რამდენიმე ვარიანტი შესთავაზე და შემდეგ საშუალება მიეცი, თავად ჩამოაყალიბოს თამაშის იდეა. არჩევანის საშუალებაც მას დაუტოვე!
- შეუქმენი ხელოვნური წინააღმდეგობები, რომ შეძლოს სახალისო გამოსავლის მოძებნა. ფიზიკურთან ერთად, გონებრივი სავარჯიშოც იქნება ეს ბავშვისთვის!
შეგიძლია გახვიდე ჩვეულებრივი იდეებისა და აქტივობების წრიდან და ამ დღის სრულიად უნიკალური ვარიანტი შექმნა!
- ერთ-ერთ ვარიანტად განიხილე კოსტიუმირებული წვეულება. დაპატიჟე ხალხი და მიეცი მათ საშუალება, მოირგონ თავიანთი საყვარელი სუპერგმირების ფორმები. კოსტიუმირებული წვეულება კარგი გზაა სუპერგმირების დღის პოპულარიზაციისა და მათი პატივისცემისათვის
- თუ, თვლი რომ ზემოთ ნახსენები აქტივობა დამღლელია, შეგიძლია სუპერგმირული ფილმების კინოჩვენებით შემოიფარგლო. წინასწარ აარჩიე ფილმი, რომელიც დღესასწაულის აღსანიშნავად შესაფერისი იქნება და შეძლებს წვეულებაზე მოწვეული ადამიანების გახალისებას
- შენ, შეგიძლია აირჩიო რეალური პერსონაჟები ნამდვილი ცხოვრებიდან, ბავშვთან ერთად ესტუმრო და მადლობა გადაუხადო მათ! მაგალითად, ესტუმრო პოლიციის განყოფილებას, სუპერგმირი პოლიციელების გასაცნობად. სახანძრო ან სამედიცინო დაწესებულებას, გმირი მეხანძრეებისა და ექიმების ისტორიების მოსასმენად, რასაც ისინი ყოველდღიურად აკეთებენ საზოგადოებისთვის. მათთვის ძალიან მნიშვნელოვანი იქნება ეს აღიარება!
შენც შეგიძლია გახდე სუპერგმირი!
სუპერგმირებისთვის ონლაინ პლატფორმა supergmiri.ge რომ არსებობს, იცოდი? მთელს საქართველოში დადიან და ეძებენ ბავშვებს, ვისაც სუპერგმირებთან მეგობრობა უნდათ. ისმენენ მათ ისტორიებს, უღებენ ფოტოებს და ამ პლატფორმის დახმარებით მათ ხმას სუპერგმირებს აწვდენენ!
სუპერგმირი, თავისი სურვილით ირჩევს ბავშვს და იწყებს მის დახმარებას. სუპერგმირის ყოველთვიური დონაცია 100% – ით ხმარდება ბენეფიციარს. მხარდაჭერა ბენეფიციარის მიმართ არ არის ერთჯერადი, არამედ გრძელდება ყოველთვიურად!
სუპერგმირს შეუძლია გახდეს ბავშვის მეგობარი, პერიოდულად მასთან ერთად გაატაროს დრო და ერთად შეასრულონ საინტერესო მისიები!
სუპერგმირების პლატფორმის წარმატებულად მუშაობის დეტალები!
supergmiri.ge და extra.ge წლების წინ დამეგობრდნენ! ამ კეთილ საქმეში ორივეს მნიშვნელოვანი როლი და მისია აქვს, რომელიც ამ ორგანიზაციების მაღალი სოციალური პასუხისმგებლობიდან გამომდინარეობს!
გაინტერესებს, რა არის extra.ge – ს როლი?
სუპერგმირები ყოველთვიურად იღებენ რეპორტებს, სადაც 100 % – იანი სიზუსტითაა აღწერილი, რა ნივთები გაეგზავნა ბენეფიციარს, რა ღირებულების იყო გზავნილი და ა.შ.
ბენეფიციარებისთვის პროდუქციის შეძენა extra.ge – ს ონლაინ პლატფორმაზე ხდება და მიწოდებასაც თავად უზრუნველყოფს. არ აქვს მნიშვნელობა სად იქნება ბენეფიციარი, სოფელსა თუ ქალაქში, extra.ge – ს კურიერები საქართველოს მთელს ტერიტორიაზე მიუტანენ გზავნილს უფასოდ!
რაც მთავარია, სრულიად გამჭვირვალეა ადმინისტრაციულ და საკომუნიკაციო ხარჯებზე ინფორმაცია!
იყავი შემდეგი, შენც გახდი სუპერგმირი და იამაყე საკუთარი თავით!
საკუთარი, პირადი მაგალითით ასწავლე შენს შვილს ყველა გზა, რომლითაც ის შეძლებს იყოს სასარგებლო წევრი საზოგადოებისთვის
უმცირესი ძალისხმევაც კი ახდენს შთაბეჭდილებას ბავშვზე და მის წარმოდგენებზე, რომელიც მომავალში ცვლის გადაწყვეტილებებს, როგორი დადებითი იქნება მისი გავლენა სამყაროზე!
