დედამიწის საერთაშორისო დღე, 1970 წლიდან აღინიშნება!
დედამიწის დღე, პირველად, ამერიკის შეერთებულ შტატებში აღნიშნეს, რომელსაც საფუძვლად ძალიან საინტერესო ისტორია დაედო
1969 წელს, კალიფორნიის შტატში, ნავთობის დიდი მასის დაღვრა მოხდა, რამაც, ოკეანის დაბინძურება და წყლის ბინადართა განადგურება გამოიწვია
ამ ფაქტის შემდეგ, გარემოსდამცველმა ამერიკელმა სენატორმა ხალხს დედამიწის დაცვისკენ მოუწოდა. მის მიერ ორგანიზებულ, გარემოს დაცვასა და მასზე ზრუნვის კამპანიას, 20 მილიონზე მეტი ადამიანი შეურთდა
სწორედ, ამ ადამიანებმა ჩაუყარეს საფუძველი დედამიწის დღის აღნიშვნას
დედამიწის დღე 22 აპრილს აღინიშნება!
მსოფლიოს 193 ქვეყანაში, დედამიწის დღე ყოველწლიურად აღნიშნება. 1990 წლიდან საქართველოც შეუერთდა აღნიშნულ კამპანიას. აქტივობები გარემოს იმ პრობლემებს ეხება, რის წინაშეც დგას ჩვენი პლანეტა და მიზნად ისახავს ეკოსისტემის მოფრთხილებასა და ბუნებრივი კატასტროფების თავიდან აცილებას
- 21-ე საუკუნის მთავარ ეკოლოგიურ პრობლემად კლიმატის ცვლილებები მიიჩნევა
- სწრაფი ტემპით მინდინარეობს პოლუსებზე ყინულის დნობის პროცესები
- მნიშვნელოვნადაა გახშირებული მყინვარების დნობა, რაც ბუნებრივად იწვევეს ოკეანეებში წყლის დონის მატებას
- გაზრდილია დედამიწის საშუალო ტემპერატურის მაჩვენებელი
- სწრაფი ტემპით მიმდინარეობს ტროპიკული ტყეების გაჩეხვა/განადგურება და ა.შ.
გამოსავალი არსებობს! ამ საკითხზე უამრავი საერთაშორისო ორგანიზაცია მუშაობს მოხალისეებთან ერთად. ისინი, ადამიანებისთვის ქმნიან რეკომენდაციებს, თუ როგორ იცხოვრონ ეკომეგობრულად
რეკომენდაციები, დედამიწაზე სიცოცხლის გადასარჩენად
პირველი რეკომენდაცია ეხება ენერგოეფექტურობას
- გამორთე ნათურები, როცა სინათლე არ გჭირდება და გამოიყენე ენერგოეფექტური ნათურები, რომელიც ეკონომიური და იაფია
- არ დატოვო ჩართული ტექნიკა. მათ შორის, სიფრთხილით მოეკიდე დამტენების ჩამრთველში დატოვებას. ასეთ შემთხვევაში, ელ.ენერგიის მოხმარება მაინც ხდება და შესაძლოა, ხანძრის გამომწვევი მიზეზი გახდეს
ძალიან მნიშვნელოვანი რეკომენდაცია ქაღალდის მოხმარებასთან დაკავშირებით
- გამოიყენე მეორადი ფურცლები
- გამოიყენე ქაღალდის ჩანთები/პარკები, ნაცვლად პოლიეთილენისა
- შეაგროვე მაკულატურა და ჩააბარე. ორგანიზაციები წამახალისებებელ კამპანიებს ატარებენ ამ კუთხით და სანაცვლოდ, წიგნებს ან/და სხვადასხვა საჩუქრებს სთავაზობენ მოხალისეებს
გაუფრთხილდი წყალს
- ნუ დატოვებ უყურადღებოდ ღია ონკანს. დარწმუნდი, რომ მისი საჭიროება აღარ არის და გადაკეტე
- ხშირად შეამოწმე მილები და დაზიანების შემთხვევაში, დროულად შეაკეთე, რომ სასმელი წყალი არ დაბინძურდეს
- სარწყავად წვიმის წყალი გამოიყენე
გადააფასე შენი ყოველდღიურობა, ქცევები და დამოკიდებულებები! გახსოვდეს! ქცევები, რომელიც შესაძლოა უმნიშვნელო გგონია, დიდ გავლებას ახდენს დედამიწაზე!
