ყოველთვის, როცა ჩვენთვის ძვირფასი ადამიანის დაბადების დღის თარიღი ახლოვდება ვიწყებთ ფიქრს თუ როგორ გავხადოთ ეს დღე მისთვის განსაკუთრებული. რას აჩუქებ, როგორ გაახარებ, რა იქნება ის პატარა დეტალი, რომელიც მის ღიმილს ყველაზე გულწრფელს გახდის.
საყვარელი ადამიანისთვის დაბადების დღის სამზადისი მხოლოდ საჩუქრის ყიდვა არ არის. ეს არის პროცესი – დაკვირვება ან გახსენება იმის თუ რა ნივთის ყიდვას გეგმავდა ბოლო დროს.
ეს არის დღე, როცა გვინდა ვაჩვენოთ რამდენად მნიშვნელოვანია ის ჩვენს ცხოვრებაში. სწორედ ამიტომ, დაბადების დღის სამზადისი ხშირად იწყება ერთი მთავარი კითხვით – რა საჩუქარი შევარჩიო, რომ მართლა გაახაროს.
ემოციით დაწყებული არჩევანი
საჩუქრის შერჩევა არ უნდა იყოს მხოლოდ ნივთის ყიდვა. პირველ რიგში, დაფიქრდი ემოციაზე: რას გინდა, რომ იგრძნოს მან, როცა ყუთს გახსნის? სიურპრიზი? სითბო? აღფრთოვანება?
საყვარელი ადამიანისთვის საუკეთესო საჩუქარი ისაა, რომელიც ამბობს: “მე შენ გიცნობ”. შესაძლოა ეს იყოს ის ნივთი, რომელზეც დიდი ხანია ოცნებობს, ან ისეთი დეტალი, რომელიც მის ყოველდღიურობას უფრო კომფორტულს და სასიამოვნოს გახდის.
დააკვირდი მის სურვილებს
ხშირად ადამიანები უნებლიეთ გვაძლევენ მინიშნებებს, საუბარში ახსენებენ სასურველ ნივთს, აჩერებენ მზერას ვიტრინასთან, ან სოციალურ ქსელში აზიარებენ კონკრეტულ ბრენდს.
სწორედ ეს პატარა დეტალები გვეხმარება იდეალური საჩუქრის პოვნაში.
თუ ტექნოლოგიები უყვარს, შეგიძლია გადახედო ისეთი ბრენდების პროდუქტებს, როგორებიცაა Apple ან Samsung.
თუ სტილი და არომატები მისთვის მნიშვნელოვანია, დაფიქრდი ტრენდული მოდის სახლების სუნამოებზე, მაგალითად Chanel ან Dior. სწორად შერჩეული სუნამო ყოველთვის განსაკუთრებული ჟესტია.
პრაქტიკული თუ რომანტიკული?
საჩუქარი შეიძლება იყოს პრაქტიკული, ისეთი, რასაც ყოველდღიურად გამოიყენებს, ან ემოციური – სიმბოლური ნივთი, რომელიც თქვენს ისტორიას უკავშირდება
მთავარია, საჩუქარი მის ხასიათს შეესაბამებოდეს. თუ თავგადასავლების მოყვარულია – გამოცდილება აჯობებს. თუ ნივთებზე ოცნებობს – ხარისხიანი ბრენდი ნამდვილად გაახარებს.
დაბადების დღის საჩუქრის შერჩევა გაგიმარტივდება, თუ საკუთარ თავს ერთ კითხვას დაუსვამ: როგორი ინტერესების მქონე მამაკაცისთვის არჩევ?
საჩუქარი საქმიანი და კლასიკური სტილის მამაკაცისთვის
- საქმიანი და კლასიკური სტილის მამაკაცისთვის საჩუქარი უფრო განსხვავებულია, ვიდრე სპორტული, ტექნოლოგიებზე შეყვარებული ან თავგადასავლების მოყვარული ადამიანისთვის.
- თუ იმიჯს დიდ მნიშვნელობას ანიჭებს, სტილური აქსესუარი – სუნამო, საათი, ჩანთა, საფულე – ყოველთვის განსაკუთრებული არჩევანია. ამ ნივთებს ყოველდღიურობაში გამოიყენებს და ყოველ ჯერზე შენს თავს გაახსენებს.
- ტექნოლოგიების მოყვარულებისთვის სმარტ საათი, ყურსასმენი, სათამაშო კონსოლი, დრონი ან სპორტული კამერა უფრო ძლიერი ემოციის მომტანი იქნება. წვერსაპარსი და საკრეჭი კი ყოველდღიურ კომფორტს შეუქმნის.
საჩუქარი აქტიური და თავგადასავლების მოყვარულისთვის
თუ სახლში ჯდომა არ უყვარს და მუდმივად მოძრაობაშია, შეგიძლია არჩევანი აქტიურ მიმართულებაზე გააკეთო.
- თუ აქტიური და სპორტულია, ტრენაჟორი, სალაშქრო აღჭურვილობა ან სამგზავრო აქსესუარები აჩვენებს, რომ მისი ცხოვრების სტილს აფასებ.
- გეიმერებისთვის ჯოისტიკი, Gaming საჭე ან კონსოლი უბრალოდ ნივთი კი არა – ახალი, დაუვიწყარი გამოცდილება იქნება.
მათთვის ვინც ინტელექტუალურ ჰობებს ანიჭებს უპირატესობას, წიგნები, ვინილები ან სამაგიდო თამაშები საჩუქრად იდეალური ვარიანტია.
შეფუთვაც მნიშვნელოვანია
საჩუქრის არჩევის შემდეგ, მისი შეფუთვაც არ დაგავიწყდეს. ხშირად, ემოცია სწორედ საჩუქრის გახსნის მომენტში იქმნება. ლამაზი შეფუთვა, ხელით დაწერილი ბარათი და თბილი სიტყვები საჩუქარს უფრო პერსონალურს ხდის.
დაბადების დღის საჩუქარი მამაკაცისთვის იდეალური მაშინ ხდება, როცა მასში მისდამი სიყვარული და პატივისცემა ერთიანდება, ასევე, მის ხასიათს, ინტერესებს და ცხოვრების სტილს ერგება.
ამიტომაც, საჩუქრის შერჩევისას, მნიშვნელოვანია, რომ შენი არჩევანი იყოს ნაფიქრი და კარგად გააზრებული. სწორედ ეს ქმნის იმ ემოციას, რომელსაც ვერასდროს დაივიწყებს.
ამ ყველაფერთან ერთად გახსოვდეს, იდეალური საჩუქარი არ იზომება ფასით. ის იზომება იმ გრძნობით, რომელსაც აჩუქებ. როცა არჩევანს გულით აკეთებ ეს ყოველთვის იგრძნობა.
