აიფონი ერთ-ერთი ყველაზე სტაბილური და სწრაფი სმარტფონია, თუმცა როგორც ნებისმიერ ტექნიკას, მასაც შეიძლება ზოგჯერ მცირე შეფერხებები ჰქონდეს. მაგალითად, შესაძლოა აპლიკაცია გაიჭედოს, ტელეფონი შენელდეს, ეკრანი დროებით არ რეაგირებდეს ან რომელიმე ფუნქცია სწორად აღარ მუშაობდეს.
ასეთ დროს ერთ-ერთი ყველაზე მარტივი გამოსავალი iPhone-ის გადარესტარტებაა. მოწყობილობის გადატვირთვა ხშირად ეხმარება სისტემას თავიდან დაიწყოს მუშაობა და მცირე ტექნიკური ხარვეზებიც სწრაფად მოგვარდეს.
თუ გაინტერესებს, როგორ გადავარესტარტოთ აიფონი, მნიშვნელოვანია იცოდე, რომ პროცესი განსხვავდება მოდელის მიხედვით.
როგორ გადავარესტარტოთ ახალი მოდელის iPhone
iPhone X-ისა და ახალი მოდელების შემთხვევაში, რომლებშიც Home ღილაკი აღარ არის, გადარესტარტება შემდეგი ნაბიჯებით შეგიძლია:
- დააჭირე და გეჭიროს გვერდითა ღილაკი და ხმის აწევის ან დაწევის ერთ-ერთი ღილაკი, ეკრანზე გამოჩნდება გამორთვის სლაიდერი.
- გადაადგილე სლაიდერი და დაელოდე, სანამ iPhone მთლიანად გამოირთვება.
- რამდენიმე წამის შემდეგ კვლავ დააჭირე გვერდითა ღილაკს, სანამ Apple-ის ლოგო არ გამოჩნდება.
ამ პროცესის დასრულების შემდეგ შენი iPhone თავიდან ჩაირთვება და ჩვეულ რეჟიმში გააგრძელებს მუშაობას.
როგორ გადავარესტარტოთ აიფონი Home ღილაკით
ზოგიერთ ძველ მოდელს, მაგალითად iPhone 6, iPhone 7, iPhone 8 და მათ მსგავს ვერსიებს, აქვს ფიზიკური Home ღილაკი. ასეთ მოწყობილობებზე გადარესტარტების პროცესი ოდნავ განსხვავებულია:
- დააჭირე გვერდითა ან ზედა ღილაკს და გააჩერე
- როცა ეკრანზე გამორთვის სლაიდერი გამოჩნდება, გადაადგილე
- ტელეფონის გამორთვის შემდეგ კვლავ ჩართე გვერდითა ღილაკით
როგორ გავაკეთოთ იძულებითი გადარესტარტება – Force Restart
ზოგჯერ iPhone იმდენად “იყინება”, რომ ეკრანზე შეხება აღარ მუშაობს. ასეთ შემთხვევაში ჩვეულებრივი გამორთვა შეუძლებელია და საჭიროა იძულებითი გადარესტარტება.
ახალ მოდელებზე:
- სწრაფად დააჭირე ხმის აწევის ღილაკს და გაუშვი
- სწრაფად დააჭირე ხმის დაწევის ღილაკს და გაუშვი
- შემდეგ დააჭირე გვერდითა ღილაკს და გააჩერე, სანამ Apple-ის ლოგო არ გამოჩნდება.
iPhone 7-ის შემთხვევაში ერთდროულად დააჭირე გვერდითა ღილაკს და ხმის დაწევის ღილაკს და გააჩერე, სანამ Apple-ის ლოგო არ გამოჩნდება.
iPhone 6s და უფრო ძველ მოდელებზე ერთდროულად დააჭირე Home ღილაკს და გვერდითა ან ზედა ღილაკს და გააჩერე, სანამ Apple-ის ლოგო არ გამოჩნდება.
iPhone-ის ჩვეულებრივი გადატვირთვის დროს ინფორმაცია არ იშლება – ეს მხოლოდ მოწყობილობის სისტემის თავიდან გაშვებაა.
რამდენად ხშირად არის საჭირო iPhone-ის გადარესტარტება
თუ შენი აიფონი გამართულად მუშაობს, მისი ხშირი გადატვირთვა აუცილებელი არ არის. თუმცა, პერიოდული გადარესტარტება შეიძლება სასარგებლო იყოს, განსაკუთრებით მაშინ, თუ დიდხანს არ გაგითიშავს მოწყობილობა ან შეამჩნიე მცირე შეფერხებები მუშაობაში.
ასევე, მნიშვნელოვანია, რომ iPhone ყოველთვის განახლებული გქონდეს – iOS-ის ახალი ვერსიები აუმჯობესებს სისტემის სტაბილურობასა და უსაფრთხოებას.
შეიძინე ახალი iPhone ექსტრა მარკეტფლეისზე
თუ ძველი აიფონი ვეღარ აკმაყოფილებს შენს მოთხოვნებს ან ახალი მოდელის შეძენა გინდა, სასურველი მოწყობილობის მოძებნა მარტივად შეგიძლია ექსტრა მარკეტფლეისზე.
დაათვალიერე ექსტრაზე სხვადასხვა მოდელები, შეადარე ტექნიკური მახასიათებლები, შეამოწმე ფასები და იყიდე სასურველი სმარტფონი ონლაინ – სახლიდან გაუსვლელად. ექსტრა მარკეტფლეისზე iPhone-ის არჩევა მარტივია.
