მაცივარი ერთ-ერთი ყველაზე პრაქტიკული და ხშირად გამოყენებადი ნივთია სამზარეულოში. როცა საქმე საყოფაცხოვრებო ტექნიკის შეძენაზე მიდგება, სხვადასხვა ფაქტორია გასათვალისწინებელი, რათა ჩვენს ინდივიდუალურ საჭიროებებს სრულად მოერგოს. ერთი შეხედვით, მაცივრის შერჩევა მარტივი ჩანს, თუმცა ბაზარზე არსებული მრავალფეროვნება ხშირად არჩევანის გაკეთებას ართულებს. იმისათვის, რომ შეძენილი ნივთით კმაყოფილი დარჩეთ, არსებობს რამდენიმე მნიშვნელოვანი დეტალი, რომელიც აუცილებლად უნდა გაითვალისწინოთ.
ზომები და სამზარეულოს სივრცე
სამზარეულოს ტექნიკის არჩევისას, პირველი და ყველაზე მნიშვნელოვანი ნაბიჯი ოთახში სივრცის გაზომვაა. ბევრ მომხმარებელს ავიწყდება, რომ, ამ შემთხვევაში, მხოლოდ სიმაღლე და სიგანე საკმარისი არაა. აუცილებლად გაზომეთ მაცივრის სიღრმეც. მაცივარი სასადილო კარადების პროპორციებთან თანხვედრაში უნდა მოდიოდეს და გადაადგილებას არ უნდა გიზღუდავდეთ.
ასევე, ყურადღება მიაქციეთ კარის გაღების რადიუსს. დარწმუნდით, რომ საკმარისი თავისუფალი ადგილი გრჩებათ იმისთვის, რომ მაცივრის კარი სრულად იღებოდეს და თაროების გამოღებაც უპრობლემოდ შეძლოთ. კიდევ ერთი დეტალი, რომელიც ხშირად მხედველობის არეალის მიღმა რჩებათ, არის გზა სამზარეულომდე. დაფიქრდით, შეძლებთ თუ არა შერჩეული მოდელის შემოსასვლელ კარსა და ვიწრო დერეფანში შეტანას? ამ ფაქტორების წინასწარ გათვლა ზედმეტ დისკომფორტს აგაცილებთ თავიდან.
მაცივრის მოცულობა და შიდა განლაგება
მაცივრის მოცულობა პირდაპირ კავშირშია თქვენი ოჯახის წევრების რაოდენობასთან. ზოგადი რეკომენდაციით, ერთ ან ორ ადამიანს 250-300 ლიტრიანი მოდელი ჰყოფნის, ხოლო ოთხსულიანი ოჯახისთვის 400-500 ლიტრიანი ან უფრო დიდი ვარიანტია შესაბამისი.
გასათალისწინებელია თქვენი კვების რაციონიც. თუ ხშირად ყიდულობთ ახალ ბოსტნეულსა და ხილს, გჭირდებათ მოდელი დიდი და ტენიანობის კონტროლის მქონე უჯრებით. თუ ნახევარფაბრიკატების მომხმარებელი ხართ, უმჯობესია, აქცენტი დიდ საყინულეზე გააკეთოთ. ასევე დამატებითი პლუსია ტრანსფორმირებადი თაროები. ისინი საშუალებას გაძლევთ, სიმაღლე თავად დაარეგულიროთ დიდი ქვაბებისა თუ მაღალი ბოთლების მოსათავსებლად.
მაცივრის ტიპები და კონსტრუქცია
დღესდღეობით ქვედა საყინულის მქონე მაცივრები უფრო პოპულარულია, რადგან ასეთ მოდელებში სამაცივრე განყოფილება (რომელსაც უფრო ხშირად ვიყენებთ) თვალის დონეზე ხვდება. ზედა საყინულე კი კლასიკური და ხშირად უფრო ბიუჯეტური ვარიანტია.
დიდი ოჯახებისთვის იდეალურია ორკამერიანი მაცივრები ან “French Door” მოდელები, რომლებიც მაქსიმალურ ტევადობას გვთავაზობენ. ასევე, უნდა გადაწყვიტოთ, გირჩევნიათ ჩასაშენებელი მოდელი, თუ ცალკე მდგომი, პორტატული მაცივარი, რომელიც ხშირად უფრო ტევადი და მობილურია.
მაცივრების ტექნოლოგიური მახასიათებლები და ფუნქციები
თანამედროვე მაცივარი წარმოუდგენელია “No Frost” სისტემის გარეშე. ეს ტექნოლოგია ხელს უშლის ყინულის წარმოქმნას, რაც ნიშნავს, რომ მაცივრის ხელით გალღობა აღარასდროს მოგიწევთ. ასევე, ყურადღება მიაქციეთ ინვერტორულ კომპრესორს. ის მუშაობს უფრო ჩუმად, მოიხმარს ნაკლებ ენერგიას და გაცილებით დიდხანს ძლებს, ვიდრე სტანდარტული ძრავები.
ენერგოეფექტურობა კიდევ ერთი მნიშვნელოვანი პუნქტია. შეარჩიეთ მოდელები A, A+ ან A++ კლასით. ეს საგრძნობლად აისახება თქვენს კომუნალურ გადასახადებზე, ვინაიდან ბევრად ეკონიმიური ალტერნატივაა. დამატებითი ფუნქციებიდან კი ძალიან პრაქტიკულია “Freshness Zone” (ნულოვანი ზონა). ხორცი და თევზი უკეთ ინახება, როცა პროდუქტებს არ ყინავთ.
მაცივრის დიზაინი და მასალა
ცხადია, პრაქტიკულ მახასიათებლებთან ერთად ვიზუალური მხარეც გასათვალისწინებელია. უჟანგავი ფოლადის ზედაპირი დღემდე კლასიკად არის მიჩნეული, თუმცა, უნდა ითქვას, რომ ინტერიერის დიზაინის თანამედროვე ტენდენციებში სულ უფრო პოპულარული ხდება შავი მინა და მქრქალი ფერები. თუ ოჯახში ბავშვები გყავთ, შეარჩიეთ მოდელი, რომელიც ზედაპირზე ნაკლებად იტოვებს თითის ანაბეჭდებს. ამგვარად მაცივრის მოვლა ბევრად გაგიმარტივდებათ.
შეჯამება
საბოლოო ჯამში, სწორი არჩევანი ფასის, ხარისხისა და თქვენი პირადი საჭიროებების გათვალისწინებით უნდა გააკეთოთ. შეძენამდე აუცილებლად გადაამოწმეთ საგარანტიო პირობები და დარწმუნდით, რომ სერვის-ცენტრი საჭიროების შემთხვევაში, ხელმისაწვდომია.
თუ გადაწყვეტთ, რომ თქვენი სამზარეულო ახალი, თანამედროვე მაცივრით განაახლოთ, extra.ge-ზე მსოფლიო ბრენდების უდიდესი არჩევანი დაგხვდებათ. ჩვენთან შეგიძლიათ ისარგებლოთ ონლაინ განვადების მოქნილი პირობებით, მიიღოთ დეტალური კონსულტაცია და ისარგებლოთ სწრაფი საკურიერო მომსახურებით მთელი საქართველოს მასშტაბით.
