ზაფხულის ცხელ დღეებში სახლში აუზის ქონა ნამდვილად საუკეთესო გადაწყვეტილებაა. ეს არის მარტივი გზა, რომ გაგრილდე, დაისვენო და დრო სასიამოვნოდ გაატარო ოჯახთან ან მეგობრებთან ერთად.
ვიდრე ამ კომფორტს მოიწყობ, ერთი მნიშვნელოვანი არჩევანის წინაშე დგები: კარკასული აუზი აირჩიო თუ გასაბერი?
ამ ბლოგში განვიხილავთ რა განსხვავებაა მათ შორის და რომელი იქნება შენთვის უკეთესი.
გაითვალისწინე აუზის ზომა
აუზის შერჩევისას, პირველი, რაც აუცილებლად უნდა გაითვალისწინო, არის ზომა. აქ შენი ეზოს ფართობიც გადამწყვეტ როლს თამაშობს.
- კარკასული აუზები, როგორც წესი, უფრო დიდი მოცულობისაა და საჭიროებს ფართო, სწორ და კარგად მომზადებულ სივრცეს, ამიტომ უკეთესად მოერგება დიდი ეზოს მქონე სახლებს. ასეთ აუზში თავისუფლად შეძლებ ცურვას და ერთდროულად რამდენიმე ადამიანიც ისარგებლებს.
- გასაბერი აუზები კი უფრო კომპაქტურია და იდეალურია მცირე ან საშუალო ზომის ეზოებისთვის – მარტივად თავსდება და საჭიროების შემთხვევაში, შეგიძლია სწრაფადაც გადაადგილო ან შეინახო. სწორედ ამიტომ, აუზის არჩევამდე აუცილებლად შეაფასე შენი ეზოს ზომა და განსაზღვრე, რამდენ სივრცეს დაუთმობ კომფორტულად.
რომელი აუზი უფრო გამძლეა
აუზის შერჩევისას მეორე მნიშვნელოვანი ფაქტორია გამძლეობა. ეს პირდაპირ განსაზღვრავს რამდენ ხანს და რამდენად უსაფრთხოდ გამოიყენებ მას.
კარკასული აუზები ამ მხრივ ბევრად უფრო საიმედოა, რადგან მათი კონსტრუქცია შედგება მყარი მეტალის ჩარჩოსგან და სქელი, მრავალშრიანი მასალისგან, რომელიც კარგად უძლებს წყლის წნევას, მზის სხივებს და აქტიურ გამოყენებას.
ასეთი აუზები გათვლილია მრავალ სეზონზე და ნაკლებად ზიანდება ყოველდღიური გამოყენებისას, განსაკუთრებით თუ სწორად მოუვლი.
გასაბერი აუზები უფრო მარტივი და მსუბუქი მასალისგან მზადდება და შესაბამისად, ნაკლებად გამძლეა. ისინი უფრო მგრძნობიარეა მექანიკური დაზიანების მიმართ – მაგალითად, ბასრი საგანი, ცხოველის ბრჭყალები ან ზედმეტი წნევა შეიძლება ადვილად გახდეს დაზიანების მიზეზი.
გარდა ამისა, ხშირი დაბერვა-დაცლა დროთა განმავლობაში აზიანებს მასალას. თუმცა, თუ სწორად გამოიყენებ, ზედმეტ დატვირთვას არ მისცემ და რეკომენდაციებსაც გაითვალისწინებ გასაბერი აუზი რამდენიმე სეზონს აუცილებლად გაუძლებს.
რომელი აუზი უფრო კომფორტულია
- კარკასული აუზები ამ მხრივ უფრო სრულყოფილ გამოცდილებას გაძლევს – უფრო ღრმა და ფართოა, რაც საშუალებას გაძლევს არა მხოლოდ გაგრილდე, არამედ, თავისუფლად იცურაო კიდეც. ხშირად, ასეთ მოდელებს მოყვება ფილტრაციის სისტემა, კიბე და სხვა დამატებითი აქსესუარები, რაც წყლის სისუფთავესა და შენს კომფორტს მნიშვნელოვნად ზრდის. სტაბილური კონსტრუქციის გამო, წყალში ყოფნისას თავს უფრო უსაფრთხოდ და მშვიდად იგრძნობ.
- გასაბერი აუზები კი კომფორტულია თავისი სიმარტივით – მათი მონტაჟი სწრაფი და მარტივია, არ საჭიროებს განსაკუთრებულ მომზადებას და შეგიძლია მაშინვე გამოიყენო. მათ რბილი კიდეები აქვს, რაც განსაკუთრებით მოსახერხებელია ბავშვებისთვის. თუმცა, შედარებით ნაკლები სიღრმე და ზომა ნიშნავს, რომ კომფორტი უფრო შეზღუდულია: უფრო მეტად გაგრილდები და დაისვენებ, ვიდრე აქტიურად ცურავებ.
საბოლოოდ, არჩევანი შენზეა, თუ ეძებ გრძელვადიან, მყარ და კომფორტულ ვარიანტს, კარკასული აუზი იდეალური იქნება. მაგრამ თუ მარტივი და ბიუჯეტური არჩევანი გჭირდება, გასაბერი აუზიც გაამართლებს. მთავარია, სწორად განსაზღვრო შენი საჭიროებები და გაითვალისწინო შენს საკუთრებაში არსებული სივრცე.
ექსტრაზე ნებისმიერი ტიპის აუზი და აქსესუარები გეგულება.
მოემზადე ზაფხულის გრილად და სასიამოვნოდ გასატარებლად.
