როგორ გამოიგონეს სასწორი

სასწორი ყოველდღიურობაში, თითქოს, ჩვეულებრივი ნივთია, ვწონით პროდუქტებს ან ვამოწმებთ ჩვენი სხეულის წონას.

დაფიქრებულხარ ოდესმე, როგორ გაჩნდა სასწორის იდეა? მაშინ განაგრძე ბლოგის კითხვა.

პირველი სასწორი – ეგვიპტეში დაბადებული წონასწორობის იდეა

წონას რომ ადამიანები ჯერ კიდევ ძველ დროში იმოწმებდნენ, ეს ფაქტია.

პირველი ცნობები სასწორის არსებობის შესახებ ძველი ეგვიპტიდან მოდის, რადგან ძველი წელთაღრიცხვის 5000 წლით დათარიღებული არქეოლოგიური მტკიცებულებებია ნაპოვნი.

• ეგვიპტელები იყენებდნენ ე.წ. ბალანსის ტიპის სასწორს, რომელზეც ორი თასი ეკიდა – მარცხნივ და მარჯვნივ.
• ერთ თასზე დებდნენ ასაწონ ნივთს, მეორე მხარეს კი სტანდარტულ წონებს. როგორც კი თასები ჰაერში დაბალანსდებოდა, იგებდნენ,  რამდენს იწონიდა კონკრეტული ობიექტი.
• რაც უფრო დაბლა ეშვებოდა ერთი მხარე, მით მეტი წონა ჰქონდა მასზე დადებულ ობიექტს თუ პროდუქტს.

ეგვიპტური მითოლოგიით, ადამიანების სული სიკვდილის შემდეგ სასწორზე იწონებოდა. თუ გული ბუმბულის წონაზე მძიმე აღმოჩნდებოდა, სამოთხეში ვერ მოხვდებოდა. ასე რომ, სასწორი მათთვის, არა მხოლოდ ყოველდღიური ხელსაწყო, არამედ სიმართლის და სამართლიანობის სიმბოლო გახდა.

მოგვიანებით, ძველი ბერძნები და რომაელებიც აქტიურად იყენებდნენ სასწორებს. ისინი განსაკუთრებულად ზუსტ სისტემებს ქმნიდნენ, განსაკუთრებით, ვაჭრობისთვის – ბაზრებში, ლითონის გადასამუშავებლად, წამლების დასამზადებლად და ა.შ.

როდის შეიქმნა თანამედროვე სასწორი

დღეს თასებიან სასწორს არავინ იყენებს და ამის ნაცვლად, გვაქვს ციფრული მოდელები, რომლებიც წამებში გვაძლევს ინფორმაციას წონის შესახებ.

პირველი ნაბიჯები მე-20 საუკუნის შუა წლებიდან დაიწყო. 1950-იან წლებში, ინჟინრებმა დაიწყეს ელექტრონული წნევის სენსორების გამოყენება.

ამ პერიოდში გაჩნდა იდეა, რომ წონის ციფრულად გაშიფვრა შესაძლებელი იყო სტრეინ გეიჯების (Strain Gauge) დახმარებით – ეს არის სპეციალური სენსორები, რომლებიც წნევის ცვლილებას ელექტრულ იმპულსად გარდაქმნის.

პირველი წარმატებული ციფრული სასწორები 1970-იან წლებში გაჩნდა და ის ტექნოლოგია, რაც მათ საფუძვლად უდევს, აქტიურად გამოიყენება დღესაც.

მიუხედავად იმისა, რომ სასწორის ერთი კონკრეტული გამომგონებელი არ არსებობს, მის განვითარებაში მნიშვნელოვანი წვლილი მიუძღვის ისეთ კომპანიებს, როგორებიცაა შვეიცარულ-ამერიკული Mettler Toledo და იაპონური Tanita.

ეს კომპანიები, მთელ მსოფლიოში, ლიდერობენ წონის საზომი ტექნოლოგიების ბაზარზე.

თანამედროვე სასწორი არა მხოლოდ წონას აჩვენებს, არამედ, შეუძლია სხეულის ცხიმის პროცენტულობა დაგითვალოს, მეტაბოლიზმი დაგიდგინოს და მობილურშიც გამოგიგზავნოს მონაცემები.

მოგეწონა ბლოგი? გამიზიარე კომენტარებში, შენ როგორ სასწორს იყენებ.