თუ ოჯახური შეკრებები ან მეგობრებთან ერთად დროის მხიარულად გატარება გიყვარს სამაგიდო თამაშები ამისთვის იდეალური საშუალებაა.
გართობის გარდა, სამაგიდო თამაშებს უამრავი დადებითი ემოცია მოაქვს და ხელს უწყობს ადამიანებს შორის ინტერაქციასაც.
დღეს უამრავი თანამედროვე სამაგიდო თამაში არსებობს, ნებისმიერი ასაკის, გემოვნებისა და ინტერესების მქონე ადამიანისთვის.
ზოგიერთ თამაშში გამარჯვება იღბალზეა დამოკიდებული, ზოგიერთში კი წარმატებას სწორი სტრატეგიები განსაზღვრავს. უმეტესად, სამაგიდო თამაშებში, წარმატების მოსაღწევად გჭირდება როგორც იღბალი, ისე დიპლომატია და გარკვეული უნარების ქონა.
ბლოგში იმ თამაშებს გაეცნობი, რომლებიც როგორც საქართველოში, ისე მთელი მსოფლიოს მასშტაბით განსაკუთრებით პოპულარულია.
1. სამაგიდო თამაში მონოპოლი
„მონოპოლია“ თამაში, რომელიც თავდაპირველად საგანმანათლებლო იდეით შეიქმნა დღეს მარადიული კლასიკაა. სამაგიდო თამაში აერთიანებს სტრატეგიას, იღბალს და მოლაპარაკების უნარებს, რადგან მოთამაშეები ყიდულობენ, ყიდიან და ვაჭრობენ უძრავი ქონებით, იმპერიების ასაშენებლად.
2. სამაგიდო თამაში კატანი
თამაშში მოქმედება ხდება გამოგონილ კატანის კუნძულზე, სადაც მოთამაშეები ირგებენ დევნილთა როლებს და იბრძვიან დომინირებისთვის. კატანი ითხოვს მონაწილეთა შორის ურთიერთქმედებას, დიპლომატიას, მოლაპარაკებებს, ცოცხალ დისკუსიებს და სტრატეგიების შემუშავებას.
3. სამაგიდო თამაში უნო
იტალიურ-ესპანური სამაგიდო თამაში UNO ყველას განსაკუთრებულად უყვარს. გამარჯვებულია ხდება ის, ვინც ყველაზე მალე დაამთავრებს ხელში არსებულ კარტებს. საბოლოო გამარჯვებისთვის 500 ქულის მოგროვება გჭირდება.
4. სამაგიდო თამაში რისკი
თამაში მასობრივ ომებზეა, რომლის მიზანიც სამყაროს დაპყრობაა. თუ მტრის ერთ ტერიტორიას წარმატებით დაეუფლები ბონუს ბარათი შენი იქნება და შეძლებ ჯარების მიმდებარე ტერიტორიებზე გადაადგილებას.
5. სამაგიდო თამაში მენეჯერი
სამაგიდო თამაში “მენეჯერი” მსოფლიოში განსაკუთრებულად პოპულარული ამერიკული თამაშის “მონოპოლის” ქართული ანალოგია. თამაშის წესები ეფუძნება ბიზნესის სწორ ურთიერთობას კონკურენტებთან, ბანკებთან და მოქმედ კანონებთან.
ექსტრაზე შენთვის საინტერესო ნებისმიერ სამაგიდო თამაშს მარტივად იპოვი.
შეკრიბე მეგობრები, ერთად შეარჩიეთ საინტერესო თამაში და ექსტრა ექსპრესი 35-50 წუთში სახლში მოგიტანს.
მაქსიმალური მხიარულებისთვის, სნექების გამოძახებაც არ დაგავიწყდეს.
