23 აპრილს წიგნის საერთაშორისო დღეა, რაც იმას ნიშნავს, რომ ექსტრაზე ტრადიციულად, წიგნების კითხვის მოყვარულებს ფასდაკლებები გელოდებათ.
გაზაფხულის თბილი ამინდები ქალაქგარეთ გასვლისკენაც განსაკუთრებულად გვიბიძგებს, ამიტომ გადავწყვიტეთ, ეს ბლოგი გზაში საკითხავი, საინტერესო წიგნებისთვის მიგვეძღვნა.
კონტენტ კრეატორ მარიამ მეტრეველისთვის კითხვა მგზავრობის განუყოფელი ნაწილია.
“სულ ვკითხულობ, არამარტო შორ გზაზე, არამედ ყოველდღიურად სახლი-სამსახური-სახლის გზაზეც, მგზავრობისას ძლიერი შფოთვა მეწყება და ლიტერატურის დახმარებით სხვა სამყაროში გადასვლაში ვპოულობ ხოლმე გამოსავალს.
ის ორი წიგნიც, რომელსაც დღეს გირჩევთ, ამ კრიტერიუმებით შევარჩიე:
- ორივე მათგანი ქართველი თანამედროვე ავტორისაა
- რაც მთავარია, ორივე სხვადასხვა ტრანსპორტში მაქვს წაკითხული
მარი ბექაური – “ორ ზღვას შუა”
“მარი ბექაურის “ორ ზღვას შუა” თბილისი-ბათუმის მატარებელში წავიკითხე. თუ მატარებელში შეგხვდათ გოგო, რომელიც კიბესა და ჩემოდნებს შორის ძირს მორთხმული იცინოდა, მე ვიყავი და ხელში სწორედ ეს წიგნი მეჭირა. თუ დაღლილებს, ნანატრი შვებულების დროს მსუბუქი და იუმორით სავსე მგზავრობა გინდათ გირჩევთ გზად ეს წიგნი წაიყოლოთ. ამ მოთხრობებთან ერთად დრო ძალიან მალე გავა და პერსონაჟებს შორის ალბათ თქვენც იპოვით ნაცნობებს.”
აკა მორჩილაძე – ობოლე
“ჩემი საყვარელი ქართველი თანამედროვე ავტორის აკა მორჩილაძის ობოლეს კითხვა თბილისიდან დასავლეთისკენ მიმავალი მანქანის უკანა სავარძელზე დავიწყე და მალევე მივხვდი რომ გზაში საკითხავი წიგნის ასარჩევად გასვლამდე თაროს რომ ჩავურბინე და ზუსტად ობოლე ავარჩიე ძალიან გამიმართლა.
ამ წიგნთან ერთად ის გორის ტრასაც კი აღარ იყო შემაწუხებელი რომელიც მთხრობელს დიდად არ უყვარს. ყველა ადგილი, ყველა პერსონაჟი და სახლის შესაკეთებელი სახურავი თვალწინ მიდგებოდა. პერსონაჟების ხმებიც უკვე სხვადასხვაგვარად და განსაკუთრებულად მესმოდა და შეიძლება ითქვას რომ ობოლეს ფილმადაც ვხედავდი.
ჩემს წარმოსახვაში ცხადად დაიხატა თოფი ობოლეც (რომელიც წიგნის გადაშლამდე ფრანგული სიტყვა მეგონა). დანარჩენს აღარ მოგიყვებით და გაისვრის თუ არა ობოლე ბოლოს და ბოლოს თავად ამოიკითხეთ.”
თუ წიგნების სამყაროში მოგზაურობა შენი გატაცებაა, არ გამოტოვო 23 აპრილის ფასდაკლებები ექსტრაზე და იყიდე ყველაფერი, რაც შენს თავგადასავლებს განსაკუთრებულად დასამახსოვრებელს გახდის.
