მუსიკას ჩვენს ცხოვრებაში განსაკუთრებული ადგილი უჭირავს. მის გარეშე, ცხოვრება ნამდვილად ვერ იქნებოდა სრულყოფილი და დააკლდებოდა ყველაზე მთავარი – ემოცია. ალბათ, სწორედ ამიტომ, ყველა ჩვენგანისთვის ყურსასმენი ერთ-ერთი სასიცოცხლოდ მნიშვნელოვანი აქსესუარია და როცა შეძენის გადაწყვეტილებას ვიღებთ, მაქსიმალურად ვცდილობთ იყოს ის ხარისხიანი და კომფორტული.
პირველი ნაბიჯი ყურსასმენის შერჩევისას:
გამოცდილი მომხმარებლები, ყურსასმენის შერჩევას ბრენდის არჩევით იწყებენ, რადგან წლების განმავლობაში ხარისხიანი პროდუქციის შეთავაზებით მწარმოებლებმა მოიპოვეს ადამიანების ნდობა და ერთგულება. დღეს სამომხმარებლო ბაზარზე ყველაზე დიდი პოპულარობით ბრენდები JBL, Baseus, Marshall, Apple და Sony სარგებლობს. თუმცა, უნდა გვახსოვდეს, რომ ცალკეულ ბრენდს, როგორც უპირატესს ვერასდროს განვიხილავთ, რადგან სამართლიანობა მოითხოვს ერთმანეთს დავუპირისპიროთ კონკურენტი ბრენდების კონკრეტული მოდელები, ერთი და იმავე საფასო კატეგორიიდან.
საყვარელი ბრენდის შერჩევის შემდეგ, ვირჩევთ ჩვენთვის სასურველ დიზაინს. დღეს გვხვდება ყურსასმენის დიზაინის სამი ძირითადი ტიპი
- ყურზე დასამაგრებელი (On-ear Headphones)
- თავზე დასამაგრებელი (Over-ear Headphones)
- ყურში დასამაგრებელი (In-ear Headphones)
ყველაზე ტრენდული ყურში და თავზე დასამაგრებელი ყურსასმენებია, ყურზე დასამაგრებელ მოწყობილობას, როგორც წესი, სპორტული ცხოვრების წესის მქონე ადამიანები ირჩევენ, რადგან ყურიდან არ ძვრება. თუ რომელ დიზაინს აირჩევ, ეს შენი გადასაწყვეტია, მთავარია ყურსასმენი შენთვის იყოს მაქსიმალურად კომფორტული.
ელემენტი და სამუშაო არეალი
კავშირის რადიუსი ყველა ბლუთუზ ყურსასმენისთვის, დაახლოებით, 10 მეტრია, ამას ვერ შევცვლით. თუმცა, მნიშვნელოვანია ყურადღება მიაქციო ელემენტის მოცულობას, სრულად დამუხტვისთვის საჭირო დროს და მუშაობის ხანგრძლივობას მუსიკის მოსმენის რეჟიმში. იმისთვის, რომ იმედები არ გაგიცრუვდეს, ეცადე, შეარჩიო მაქსიმალურად გამძლე მოწყობილობა. რაც უფრო მეტია ელემენტის მოცულობა, მით მეტი დროა შენს განკარგულებაშიც. ამ კუთხით, სადენიანი ყურსასმენი გამორჩეული და შეუცვლელია.
ხმის იზოლაცია
მიაქციე ყურადღება აქვს თუ არა ყურსასმენს ხმის ჩახშობის ფუნქცია. არსებობს მოდელები გარემოდან შემომავალი ხმების სრული ან ნაწილობრივი იზოლაციით და ეს მონაცემი მათ ღირებულებასაც განსაზღვრავს. ვაკუუმური ყურსასმენები მაღალბიუჯეტურია, თუმცა, გასათვალისწინებელია უსაფრთხოებს ზომებიც – გარე ხმების სრული იზოლაცია ქუჩაში გადაადგილებისას და გზების გადაკვეთისას საფრთხის შემცველია. ეს განსაკუთრებით იმ შემთხვევაში უნდა გაითვალისწინო, თუ ყურსასმენის შეძენას მოზარდისთვის გეგმავ.
Stereo VS Mono – სიხშირის დიაპაზონი
დღეს ბაზარზე Mono ანუ ერთ არხიან მოწყობილობებს იშვიათად შევხვდებით. თანამედროვე ყურსასმენები აღჭურვილია Stereo – ორ არხიანი აუდიო სისტემით, შედეგად, გვესმის ძალიან სუფთა ხმა და ხმის აბსოლუტურად ყველა ნიუანსი. ყურადღება მიაქციე სიხშირის დიაპაზონს, მგრძნობელობას და წინაღობას. საუკეთესო სიხშირის დიაპაზონი სამომხმარებლო ყურსასმენებში 20 ჰერციდან 20K ჰერცამდე მერყეობს, ყველაზე ოპტიმალური მგრძნობელობა 60-85 დეციბელია, ხოლო წინაღობა – 20-50 ომი. გახსოვდეს, ოპტიმალურზე უფრო მაღალი სიხშირის დიაპაზონი ყოველთვის არ ნიშნავს უკეთესი ხმის ხარისხს.
ჩვენ მიერ შემოთავაზებული რჩევების გათვალისწინებით, ვფიქრობთ, შეგიძლია extra.ge ზე თამამად შეიძინო შენთვის ყველაზე კომფორტული ყურსასმენი. ვებგვერდზე ნახავ ყველა წამყვანი ბრენდის უახლოეს მოდელს, დიზაინის და ფერების მრავალფეროვნებით. შეძენა შეგიძლია როგორც ერთიანი გადახდით, ისე თანხის განაწილებით. მაგალითად საქართველოს ბანკის ნაწილ-ნაწილ გადახდისას ღირებულება 6 თვეზე ზუსტად გაიყოფა და გადაიხდი გაძვირების გარეშე, შენაძენს კი მთელი საქართველოს მასშტაბით უმოკლეს დროში მოგიტანთ.
