„ფულით ვერ იყიდი ბედნიერებას, მაგრამ შეგიძლია შეიძინო კანის მოვლის საშუალებები.“
უცნობია, ვის ეკუთვნის ეს სიტყვები, თუმცა, ვისთვისაც საკუთარ თავზე ზრუნვა ყოველდღიური და სასიამოვნო რუტინაა, უპირობოდ დაეთანხმება. თანამედროვე სამყარო უხვად გვთავაზობს თავის მოვლის საშუალებებს, არსებობს და იქმნება უამრავი ბრენდი, რომელიც სხეულის, თმისა და კანის სიჯანსაღეს და სილამაზეს გვპირდება. ამ ყველაფრის ფონზე, მთავარი პრინციპი უცვლელი რჩება – კანის მოვლა აუცილებელია, ხოლო მაკიაჟი პირადი არჩევანია.
როგორ მივხვდე რა გჭირდება
იმისთვის, რომ ჯანსაღი კანი გქონდეს და მოვლის ყოველდღიური რუტინისთვის პროდუქტები სწორად შერჩიო, პირველ რიგში, აუცილებელია კანის ტიპის განსაზღვრა. არსებობს კანის 4 ძირითადი ტიპი:
- მშრალი
- ნორმალური
- ცხიმიანი
- კომბინირებული
დარწმუნდი, რომელ ტიპს მიეკუთვნები და მხოლოდ ამის შემდეგ დაიწყე შენთვის საჭირო პროდუქტების შერჩევა.
კანის მოვლის 10 ძირითადი საშუალება, რომელსაც თავის მოვლის რუტინა უნდა მოიცავდეს:
- მაკიაჟის მოსაშორებელი
- სახის დასაბანი გელი
- ტონერი
- სახის შრატი
- თვალის კრემი
- სახის კრემი
- მზისგან დამცავი
- ტუჩის ბალზამი
- სახის ნიღაბი
- თვალის პაჩები
როგორ და რა თანმიმდევრობით უნდა ჩაიტარო კანის მოვლის პროცედურები?
კანის მოვლის ყოველდღიური პროცედურა იწყება წმენდით, ბოლო ეტაპი კი დატენიანებაა. მაკიაჟის მოშორების შემდეგ, შეარჩიე შენს კანზე მორგებული, ნაზად გამწმენდი და დასაბანი საშუალება, შემდეგ გამოიყენე ტონერი, რომელიც იდეალური საშუალებაა კანის pH ბალანსის შენარჩუნებისთვის. დაიტანე შრატი, რომელიც გაჯერებული იქნება ვიტამინებით, რეტინოლით და სხვა სასარგებლო ნივთიერებებით. აუცილებელია, თვალის ირგვლივ წრიული მოძრაობით წაისვა სპეციალური კრემი ან შრატი, რათა ხელი შეუშალო ნაოჭების წარმოქმნას, ხოლო მთლიან სახეზე – დამატენიანებელი კრემი.
პროდუქტი, რომელსაც ბევრი ჩვენგანი უგულებელყოფს თავის მოვლის რუტინაში არის მზისგან დამცავი კრემი, მას ძირითადად, ზღვის სეზონზე, გარუჯვისას გამოვიყენებთ. ამ დროს გვავიწყდება, რომ ყოველდღიურად, მზის ულტრაიისფერი სხივების პირდაპირი ზემოქმედება იწვევს კანის ნაადრევ დაბერებას. დღეს უამრავი ბრენდი აწარმოებს სახის კრემებს მზისგან დამცავი ფაქტორით (SPF) რაც თავიდან აგარიდებს ორმაგ ფინანსურ დანახარჯსაც. რაც შეეხება ტუჩის მოვლას, შეგიძლია შეარჩიო ჰიგიენური ტუჩსაცხი ან ტუჩის ბალზამი დამატენიანებელი, მკვებავი ან აღმდგენი ეფექტით. საღამოს დაღლილობის მოხსნის და აღდგენისთვის იდეალურია სახის ნიღბების და თვალის პაჩების გამოყენება.
სად შეიძენ მარტივად, სახლიდან გაუსვლელად?
extra.ge-ზე შეგიძლია შეარჩიო წამყვანი ბრენდების პროდუქტები, როგორებიცაა Sebocalm, Eveline, აქვე, სახლიდან გაუსვლელად, მთელი საქართველოს მასშტაბით შეიძინო „ქალთა ბედნიერების“ და „პირველი კორეულის“ პროდუქცია. აღმოაჩენ ქართული წარმოების ბრენდსაც, როგორიც არის ნატურალე.
