მე ვარ ნინია, კანის მოვლის ენთუზიასტი და Beauty Advisor.  ვიღაცისთვის, ყოველდღიური რუტინა, ჩემთვის მნიშვნელოვანი და სასიამოვნო რიტუალია, რომელიც კანის გაჯანსაღებაში მეხმარება.

კანის მოვლა არ უნდა იყოს დამღლელი და მრავალეტაპიანი. ცოდნის სრულყოფილებისათვის, მუდმივად ვეცნობი სიახლეებს კოსმეტიკის ფორმულირების ინდუსტრიაში, სამეცნიერო კვლევებს და დერმატოლოგების რეკომენდაციებს.

ვცდილობ, მუდმივად ვიყო სიახლეების ეპიცენტრში და არ გამომრჩეს ახალი და ეფექტური ინგრედიენტები. როგორც პრობლემური და მგრძნობიარე კანის მფლობელს, ჩემი მიზანია, გავაზიარო ცოდნა და დავეხმარო ჩემს გამომწერებს კანის მოვლის ეტაპების სრულყოფაში!

სახის დასაბანების გიდი დამწყებთათვის!

დავიწყოთ კანის მოვლის რუტინის შედგენა? რომელია ის რამდენიმე მთავარი პროდუქტი რაც აუცილებლად უნდა გვქონდეს თაროზე? – ეს, ალბათ, ერთ-ერთი ყველაზე ხშირად დასმული შეკითხვაა. 

კანის მოვლის საბაზისო რუტინის დასაწყებად საჭიროა მხოლოდ 3 ეტაპი.  

• დაბანა 
• დატენიანება 
• მზისგან დაცვა 

როგორ უნდა შევარჩიოთ დასაბანი საშუალება? 

მნიშვნელოვანია, რომ სანამ პროდუქტს შევიძენთ განვსაზღვროთ კანის ტიპი, მისი მდგომარეობა და საჭიროებები.   

დასაბანი საშუალებით ჩვენ ვიშორებთ დღის განმავლობაში დაგროვილ ჭუჭყს, ცხიმს, მკვდარ უჯრედებს, ბაქტერიებს, მაკიაჟის და მზისგან დამცავის ნარჩენებს. ამ ნაბიჯით ვეხმარებით კანს, აითვისოს შემდეგ ეტაპზე გამოყენებული პროდუქტები. შესაბამისად ეს ეტაპი ძალიან მნიშვნელოვანია კომედონების, აკნეს პრევენციისთვის, ჯანსაღი კანის შესანარჩუნებლად. 

აქაფებადი დასაბანი / დასაბანი გელი – ცხიმიანი ან კომბინირებული კანისთვის 

აქვს კრემოვანი ან გელის ტექსტურა, მარტივად ქაფდება. ეფექტურად აშორებს ცხიმს და დღის განმავლობაში დაგროვილ დაბინძურებას. 

აკნესკენ მიდრეკილი კანისთვის იდეალური იქნება პროდუქტები სალიცილის ან გლიკოლის მჟავის, თიხის, ბენზოლის ზეჟანგის შემცველობით. 

Soskin AKN Foaming Cleansing Gel შეიცავს სალიცილის და აზელაინის მჟავას, ასევე, გლუკონოლაქტონს. ეფექტურად ახდენს კანის ქიმიურ ექსფოლიაციას, სიღრმისეულად ასუფთავებს ფორებს. პროდუქტში შემავალი გლიცერინი და დამატენიანებელი ინგრედიენტები ხელს უშლის კანის გამოშრობას. კარგი პროდუქტია ცხიმიანი, აკნესკენ მიდრეკილი კანისთვის. გასათვალისწინებელია რომ შეიცავს ალკოჰოლს და პარფიუმს. 

AVENE CICALFATE+ Purifying Cleansing Gel  ჩემი აღმოჩენა გახდა, იდეალური იქნება მგრძნობიარე / კომბინირებული კანისთვის, მათთვის ვინც აკნეს ან როზაცეას ებრძვის შეიცავს თუთიას, პოსტბიოტიკებს და ძალიან ნაზ ამაქაფებელ ნივთიერებებს. გამოიყენებთ ანთებითი კერების, სამკურნალო პროცედურების შემდგომ, როდესაც ბარიერი დაზიანებულია და განსაკუთრებული მოვლა სჭირდება. არ შეიცავს პარფიუმს

კრემოვანი / რძისებრი დასაბანი 

არ ქაფდება, აქვს რძისებრი მსუყე კონსისტენცია იდეალურია მშრალი, მგრძნობიარე კანის ნაზად გასასუფთავებლად. ხშირ შემთხვევაში არ შეიცავს სურნელოვან დანამატებს, რაც დამატებითი ბენეფიტია კანის ქრონიკული დაავადებების შემთხვევაშიც. 

 მგრძნობიარე/ მშრალი კანის შემთხვევაში ეძებეთ დასაბანი, რომელიც არ შეიცავს სურნელს და აქვს კანის დამამშვიდებელი ინგრედიენტები, მაგალითად მინერალური ზეთი, კერამიდები, პანთენოლი, აზიური ცენტელა, ნაზი ასაქაფებელი საშუალებები.  

PRO TIP მშრალი კანისთვის, ხშირად, დილით მხოლოდ წყლით დაბანაც საკმარისია! 

La roche posay toleriane წლებია ამ დასაბანს ვუწევ რეკომენდაციას, აქვს იდეალური შემადგენლობა მგრძნობიარე, მშრალი, სიწითლისკენ მიდრეკილი კანისთვის, აქვს სასიამოვნო კრემოვანი ტექსტურა, შეიცავს ნიაცინამიდს, კერამიდებს, გლიცერინს და ასუფთავებს კანს გამოშრობის გარეშე. არ შეიცავს პარფიუმს. 

ზეთოვანი დასაბანები/ ზეთოვანი ბალზამები 

ძირითადად ორ ეტაპიანი წმენდისთვის გამოიყენება. 

ორ ეტაპიან წმენდაში იგულისხმება კანის გასუფთავების პროცესი, რომელიც შედგება ორი ნაწილისაგან. უმჯობესია თუ პირველ ეტაპზე გამოვიყენებთ ზეთის ბაზაზე დამზადებულ საშუალებებს, თუმცა პირველ ეტაპზე შეგვიძლია გამოვიყენოთ მიცელარული ან გამწმენდი წყალი, ლოსიონი, კრემი.  

ზეთი შლის ზეთს, შესაბამისად ზეთოვანი საშუალებები არბილებს თქვენს კანზე წარმოქმნილ ჭუჭყს, წყალგამძლე მაკიაჟს და მათ მარტივად მოშორებაში გვეხმარება.  

საკვები ზეთებისაგან განსხვავებით მსგავს პროდუქტებს დამატებული აქვს სხვადასხვა ინგრედიენტები, რომელიც მათ ემულსიად გარდაქმნას, კანიდან ჭუჭყის მოშორებას და მარტივად ჩამობანას უზრუნველყოფს. ეს მეთოდი იდეალურია, როგორც ცხიმიანი, ასევე მშრალი კანისთვის, მთავარია სწორად შევარჩიოთ გამწმენდი საშუალება ინგრედიენტების მიხედვით. 

Nuxe Very Rose Delicate Cleansing Oil ეფექტურად აშორებს წყალგამძლე მაკიაჟს, მზისგან დამცავს. არ ტოვებს ცხიმიან კვალს კანზე. აქვს მინიმალური და ეფექტური ინგრედიენტები, არ შეიცავს პარფიუმს. 

მეორე ეტაპის გამწმენდად უნდა გამოვიყენოთ წყლის ბაზაზე დამზადებული დასაბანი საშუალებები, კანის ტიპის მიხედვით, გამწმენდი გელი, კრემი, მუსი და ა.შ. 

რისთვის გვჭირდება მეორე ეტაპის წმენდა? 

იმისთვის, რომ ბოლომდე მოაშოროს კანს მაკიაჟის, ცხიმის, მზისგან დამცავის და პირველი ეტაპის გამწმენდი საშუალების ნარჩენები. 

გაასუფთავოს ფორები, რომ მომავალში მათი დაბინძურება და კომედონების ფორმირება არ მოხდეს.  

Vichy Pureté Thermale Fresh Cleansing Gel  მსუყე, აქაფებად გელს აქვს მინიმალური ინგრედიენტები, ძალიან ეფექტურად უმკლავდება მაკიაჟის და დამცავის ნარჩენებს, არ ტოვებს სიმშრალის და დაჭიმულობის შეგრძნებას. შეიცავს პარფიუმს. 

რა რაოდენობით უნდა გამოვიყენოთ დასაბანი?  

ამის თქმა რთულია, რადგან პროდუქტების კონსისტენცია განსხვავდება. თუმცა, დაახლოებით ნუშის ზომის უნდა დავისხათ ხელზე, ავაქაფოთ და დავიმასაჟოთ. 

რამდენი ხანი უნდა გავიჩეროთ დასაბანი სახეზე? 

ამ საკითხის შესახებ ბევრი მითი არსებობს, თუმცა კოსმეტიკის ქიმიკოსების კვლევების მიხედვით, 30 წამზე ნაკლებიც კი საკმარისია რომ დასაბანმა იმოქმედოს. თუმცა, გააჩნია რამდენად დაბინძურებულია კანი, გვისვია თუ არა წყალგამძლე პროდუქტები, როგორია მწარმოებლის რეკომენდაცია და ა.შ. 

იმედია, დაგეხმარებათ ეს საბაზისო რჩევები, შესაძლოა სიახლეც აღმოაჩინოთ ჩემს რეკომენდაციებში!

Extra-ზე თავის მოვლის კატეგორიაში მრავალფეროვანი არჩევანი დაგხვდება. 11 სექტემბრამდე კი, შერჩეული ბრენდების პროდუქტებს : Soskin,  La roche,  Vichy,  Art deco,  Nuxe,  Malibu,  Lierac 40% – მდე ფასდაკლებით შეიძენ!