წიგნები, რომელიც ბავშვებს კითხვას შეაყვარებს!
როგორ შევაყვაროთ ბავშვს წიგნი და როგორ გავხადოთ წიგნის კითხვის პროცესი საინტერესო? ამ თემაზე ვისაუბრებთ სკოლამდელი ასაკის ბავშვის აღზრდის სპეციალისტთან, მასწავლებლის ეროვნული ჯილდოს მფლობელ – ხათუნა რაზმაძესთან!
„დავიწყოთ იმით, რომ ძალიან მნიშვნელოვანია ბავშვი აღვზარდოთ წიგნიერი უნარებით აღჭურვილი
რაც ადრე დავიწყებთ ბავშვის სათავგადასავლო ურთიერთობებში შეყვანას, მით უკეთესი მკითხველი გახდება. უკეთესი მოსწავლეც, მათ შორის!
წიგნს უნდა მოჰქონდეს ემოცია. თავგადასავლების სურვილი. ახალი ინტერესები, ახალი ლექსიკური შესაძლებლობები. რაც მთავარია, შემოქმედებითი უნარები
შემოქმედებითი უნარების ნაბიჯ-ნაბიჯ განვითარება, ხელშემწყობი გარემოა ბავშვისთვის, გადაშალოს წიგნი!
ახალი წლისა და საშობაო პერიოდში, როდესაც პირველკლასელს ექნება პირველი მცდელობები, თავად წაიკითხოს წიგნი, ნიადაგი მომზადებული უნდა გვქონდეს!
მე, შევარჩიე ორი წიგნი, რომელიც განსაკუთრებით დიდ ინტერესს გამოიწვევს წინასასკოლო ასაკის ბავშვებში და მოამზადებს მას სასკოლო წიგნებთან შესახვედრად
საოცარი საშობაო ამბები
“წიგნთან შეხება, სათაურთან მისი შეხვედრით იწყება. სათაური ამბობს, რომ საოცარი საშობაო ზღაპრების შესახებაა წიგნი
ბავშვი გრძნობს, რომ საოცრებათა სამყაროში უნდა იმოგზაუროს. ამ წიგნს, საოცრად ლამაზი და ფერადი ილუსტრაცია აქვს. რაც, ერთ-ერთი მთავარი ფაქტორია, განსაკუთრებით დაწყებითი საფეხურის ბავშვებში
ილუსტრაციებმა უნდა შეძლოს, ბავშვს გაუჩინოს ინტერესი, მოტივაცია, სურვილი, რაც შეიძლება ხშირად გადაშალოს წიგნი. სწორედ, ამ ინტერესის გაღვიძება შეუძლია წიგნის სათაურს და ილუსტრაციებს ერთად!”
თოვლის კაცი შინ დაბრუნდა
„დიდი მნიშვნელობა აქვს ბავშვისთვის სენსორულ ინტეგრაციას. ანუ, რამდენად შეუძლია წიგნთან ურთიერთობა: შეხება, პირთან მიტანა, ჩახუტება. აღმოვაჩინე, კიდევ ერთი ძალიან საინტერესო წიგნი – „თოვლის კაცი შინ დაბრუნდა“
“წიგნს, კაცუნა ახატია, რომელიც თოვლისგანაა დამზადებული და სახასიათო წითელი ქუდი ახურავს. ბავშვს, შეუძლია, ამ კაცუნასთან გააბას საბავშვო ურთიერთობები. დაელაპარაკოს, ჩაეხუტოს, განეწყოს მისდამი და გაიხადოს მის ერთ-ერთ სათამაშოდ. თუ, წიგნი გახდა თან სათამაშო, ეს კარგის ნიშანია. ბავშვები სწავლობენ მაშინ, როდესაც თამაში მათთვის ყველაზე საინტერესო და აქტიურ ფაზაზე გადადის”
ექსტრას ონლაინ ბიბლიოთეკაში, ბევრი საინტერესო წიგნი დაგხვდება!
გიტოვებ ბმულებს. გაიცანი, საბავშვო კლასიკის განსაკუთრებული გმირები, რომლებიც მოსაწყენ რეალობას ჯადოსნურ დღესასწაულად გარდაქმნიან
- პ.ლ ტრევერსი – მერი პოპინსი
- მოკლე კატოს თავგადასავალი
- იაკობ გოგებაშვილი – მოთხრობები
- რევაზ ინანიშვილი – კეთილი ბებერი ბუები
- დიდი დაგის ორდენი (ახალი)
