კანი არის სხეულის ყველაზე დიდი ორგანო, რომელიც გიცავს მიკრობებისგან და ეხმარება შენს სხეულს ტემპერატურის რეგულირებაში!
ზაფხულის დადგომისთანავე, სიცხისა და ტენიანობის პირობებში, კანი იწყებს გამაფრთხილებელი ნიშნების გამოგზავნას, რომ დაცვა სჭირდება
ეს, ხშირად გამონაყარისა და დამწვრობების სახით ვლინდება. რაც, საკმარისი მიზეზია, დაუყონებლივ დაიწყო საკუთარ კანზე ზრუნვა!
გაინტერესებს, როგორ მოვუაროთ კანს ზაფხულში? გამომყევი!
რეკომენდაციები, ზაფხულში კანის მოვლასთან დაკავშირებით
კანის დაბანასა და დატენიანებაზე რეკომენდაციები, ყველა სეზონისთვის საერთოა! დაბანა, კანის ზედაპირიდან აშორებს ზეთებს, ჭუჭყსა და ბაქტერიებს, რომლებიც დღის განმავლობაში გროვდება
რეკომენდაციები, კანის მზისგან დაცვასთან დაკავშირებით, განსაკუთრებით ზაფხულში მკაცრდება! კოსმეტოლოგები მუდმივად გვიზიარებენ რჩევებს, რომლებიც ყოველდღიურობაში უნდა დავნერგოთ
როგორ დავიცვათ თავი მზის მავნე გამოსხივებისგან?
მზის მავნე გამოსხივებისგან თავის დაცვა, რეკომენდაციებს შორის ერთ-ერთი პირველია. ზაფხულში, როდესაც მზის მცხუნვარება ზენიტშია, ძალისხმევა უნდა გავაორმაგოთ. ამ დროს, მზის ზემოქმედება კანზე უფრო აქტიურდება და შეუძლია გამოიწვიოს ნაადრევი დაბერება, ლაქებისა და წვრილი ნაოჭების წარმოქმნა და ა.შ.
პროფესიონალები გვაფრთხილებენ მზის გამოსხივების ნეგატიურ შედეგებზე და გვირჩევენ მზისგან დამცავი კრემის სისტემატიურად გამოყენებას. კანის მოვლის დროს, მნიშვნელოვანია რუტინის ზედმიწევნით სწორად შესრულება!
მზისგან დამცავი UVA და UVB დამცავი ფილტრებით შეარჩიე! ყურადღება მიაქციე, რომ მზისგან დაცვის რეკომენდირებული ფაქტორი, იგივე SPF , მინიმუმ 30 იყოს!
რა არის კანის ეპიდერმალური ბარიერი და როგორ იცავს კანს?
გადავხედოთ კანის ფიზიოლოგიას, რისგან შედგება იგი?
კანი შედგება ჰიპოდერმას, დერმასა და ეპიდერმისისგან! ეპიდერმისი არის ზედაპირული, შეუღწევადი შრე, რომელსაც ვხედავთ და ვეხებით. ის წარმოადგენს ე.წ. ეპიდერმალურ ბარიერს, რომელიც კანს იცავს წყლის აორთქლებისა და გამოშრობისგან
როგორ ავიცილოთ თავიდან კანის გაუწყლოება?
- იმისათვის, რომ ზაფხულში ჩვენი კანი დავიცვათ გაუწყლოებისა და გამოშრობისგან, მიზანშეწონილია თერმული წყლის გამოყენება. ამ პროდუქტის დანიშნულება სახის კანის დატენიანება, გაგრილება და დამშვიდებაა. გამოსცადე!
- ასევე, კანის წყლით გამდიდრებისთვის, სპეციალისტები წყლის ბაზაზე დამზადებული პროდუქტების გამოყენებას გვირჩევენ. აღნიშნული პროდუქტები გამდიდრებული უნდა იყოს დამამშვიდებელი აგენტებით. ეს კანს ნამზეურის შემდგომ რეაბილიტირებაში დაეხმარება
როგორ მოვუაროთ კანს ზაფხულის სეზონზე, რჩევები სპეციალისტებისგან!
- სანამ სახის კანს რამე ინგრედიენტს მივაწვდით, აუცილებელია მისი სწორად გასუფთავება. კანის გასუფთავება ისე უნდა მოხდეს, რომ მას ზიანი არ მივაყენოთ
- ხშირია სხვადასხვა ეთერზეთებზე დამზადებული დასაბანი საშუალებების შემოთავაზებები
გაინტერესებს, როგორ მოიქცე ეპიდერმული ბარიერის დაზიანებისგან თავის ასარიდებლად?
- გირჩევ გადახვიდე მსუბუქ დასაბან საშალებებზე, რომელიც არ შეიცავს სულფატებს. გახსოვდეს, პროდუქტში სულფატების აღმოსაჩენი ერთ-ერთი ინდიკატორია ქაფი. რაც უფრო ნაკლებად ქაფდება პროდუქტი, უფრო ნაკლებ სულფატს შეიცავს!
- კანის გასასუფთავებლად, შეგიძლია გამოიყენო მიცელარული წყალი. ზოგ შემთხვევაში, მიცერალური წყლის გამოყენების შემდეგ, კანს ჩამობანა სჭირდება! თუ შეფუთვაზე დატანილ შემადგენლობაში ამოიკითხავ პოლოქსამერს, ჩამობანას არ საჭიროებს!
- მნიშვნევოვანია გახსოვდეს, რომ დარღვეული ეპიდერმალური ბარიერის აღდგენა მარტივად არ ხდება. საცხი, რომლის შემადგენლობაში მინერალური ზეთი, ვაზელინი ან პარაფინია, წარმოადგენს სილიკონის ნაერთს. სწორედ, ისინი ქმნიან ბაზას ეპიდერმალური ბარიერისთვის!
- რუტინაში აუცილებლად ჩასვი ტონიკი, რომელიც არის მატონიზირებელი სითხე. იგი აღადგენს PH ბალანსს და ამზადებს კანს, რათა დამატენიანებელი კრემი ან შრატი, უფრო მეტად შეღწევადი გახდეს
- მნიშვნელოვანი საფეხურია კანის დატენიანება. დამატენიანებელი საცხი, კანის ტიპის შესაბამისად უნდა შეირჩეს! თუ, ჭარბი ცხიმიანობა გაწუხებს, გამოიყენე ისეთი პროდუქტები, რომელიც ამცირებს ცხიმიანობას. მან, კანის დატენიანება ბზინვარების გარეშე უნდა შეძლოს. დამზადებული უნდა იყოს რბილ, ბუნებრივ ზეთებზე და არ უნდა შეიცავდეს მინერალურ ზეთებს. ასევე, შემადგენლობაში უნდა იკითხებოდეს NMF!
თვალი ადევნე ჩვენს ბლოგებს, რომელიც სილამაზისა და თავის მოვლის შესახებ იქმნება შენთვის! აქ, ბევრი საინტერესო რჩევა დაგხვდება!
კომენტარების ველში გაგვიზიარე, რა თემაზე ისურვებდი შემდეგ ბლოგს!
