დღევანდელი ბლოგი შინაურ ცხოველებზე ზრუნვის კვირეულს ეძღვნება. ვისაუბრებთ შინაური ცხოველების პასუხისმგებლობით მოვლასა და აღზრდაზე. ასევე, მათ ჯანმრთელობასთან დაკავშირებულ საკითხებზე!
შინაურ ცხოველებზე ზრუნვის კვირეული ივნისის პირველ კვირას, 4 ივნისს იწყება და 11 ივნისს სრულდება! მიზანია, ადამიანების ცნობიერების ამაღლება და ცხოველებისთვის ღირსეული პირობების შექმნა!
შინაურ ცხოველებზე ზრუნვის კვირეულის შექმნის ისტორია!
შინაურ ცხოველებზე ზრუნვის კვირეული 1981 წლიდან აღინიშნება! კვირეულის აღნიშვნის ინიციატივა ამერიკის ვეტერინარულ სამედიცინო ასოციაციას ეკუთვნის, რომელიც ადამიანებში ცნობიერების ამაღლებასა და ჩვენს ყოველდღიურობაში, შინაური ცხოველების სარგებლიანობას ემსახურება!
ასოციაციამ მიზნად დაისახა, შინაურ ცხოველებზე ზრუნვის კვირეულის ფარგლებში, უზრუნველყოს ადამიანების ინფორმირება სასარგებლო რჩევებით და ამით, შინაური ცხოველების მფლობელებს ეხმარება, გააუმჯობესონ მათი ოთხფეხა მეგობრების ცხოვრების ხარისხი!
დღეს უკვე, ამერიკის ვეტერინარულ სამედიცინო ასოციაციას 91 000-მდე აქტიური წევრი ჰყავს, რომლებიც ზრუნავენ ნებისმიერი შინაური ცხოველის ჯანმრთელობაზე!
როგორ შეიძლება გავართოთ ჩვენი მეგობარი შინაური ცხოველი?
აღნიშნული კვირეულის ფარგლებში, მთელი მსოფლიოს მასშტაბით სხვადასხვა ღონისძიებები იმართება. ადამიანები, საკუთარ შინაურ ცხოველებთან ერთად ერთვებიან მრავალ განსხვავებულ აქტივობებში და ამით მათ სიყვარულსა და მზურველობას აგრძნობინებენ!
ბოლო დროს, სოციალური მედიის პლათფორმებზე ძალიან აქტუალურია ჰეშთეგი #National PetWeek, რომელიც შინაური ცხოველების მფლობელების მიერ, თავიანთი შინაური ცხოველების პატივისცემისა და დაფასების მიზნით გამოიყენება
თუ გაგიჩნდა კითხვა, როგორ შეიძლება შინაური ცხოველების ყოველდღიურობის გამრავალფეროვნება, გააგრძელე კითხვა!..
როგორ წავახალისოთ ჩვენი შინაური ცხოველები?
ითვლება, რომ შინაური ცხოველები ბედნიერები და თავდაჯერებულები არიან, როდესაც მათ ურთიერთობა აქვთ სხვა შინაურ ცხოველებთან ან/და ეუფლებიან ახალ უნარებს
- ერთ-ერთი გზა, შინაური ცხოველის გასაბედნიერებად სპეციალურ მომზადების კურსებზე ჩაწერაა. სადაც, მფლობელი ცხოველთან ერთად არის ჩართული სწავლების პროცესში
- ცხოველების წახალისების ერთ-ერთი ეფექტური საშუალებაა საჩუქრები. საჩუქრის მიღება ყველას უყვარს და არც შინაური ცხოველები არიან გამონაკლისები. მაგალითად, ეს შეიძლება იყოს საღეჭი სათამაშო, საყვარელი საკვები, აქსესუარი, მოსასვენებელი ბალიში და ა.შ. გადაათვალიერე ცხოველთა სამყაროს კატეგორია და შეარჩიე საჩუქარი შენი მეგობარი შინაური ცხოველისთვის
შინაური ცხოველების დადებითი გავლენა ადამიანებზე!
- შინაურ ცხოველებზე ზრუნვის კვირეული ხელს უწყობს ცხოველების მფლობელების ფსიქიკურ ჯანმრთელობას. კვირეულის ფარგლებში, კიდევ უფრო მყარდება ადამიანების კავშირი თავიანთ შინაურ ცხოველებთან
- ცხოველებთან დროის გატარება ამცირებს ადამიანებში სტრესის დონეს. დღევანდელ სწარფ ტემპში, როდესაც ადამიანების ყოველღიურობა სტრესის ფონზე მიმდინარეობს, შინაური ცხოველები ადამიანებს ეხმარებიან სტაბილური ჰორმონალური ბალანსის შენარჩუნებაში
- ადამაინები ყველაზე მძაფრად სოციალიზაციის ნაკლებობას განიცდიან. შინაური ცხოველების გასეირნება ან სასწავლო გაკვეთილებზე წაყვანა კი, ახალი ადამიანების გაცნობისა და დამეგობრების საშუალებას იძლევა. ეს არის კარგი საშუალება ადამიანებისთვის, საერთო ინტერესების შესახებ ინფორმაციები სხვა ადამიანებთან გაცვალონ
რის მიხედვით უნდა შეარჩიო შინაური ცხოველი?
შინაური ცხოველის შეძენა გადაწყვიტე? მაშინ ეს რჩევები გამოგადგება.!
- რჩევაა, წინასწარ მოიძიო ინფორმაცია მოვლის პირობების, საყვარელი საკვების, გამრავლების ტიპების შესახებ და შემდეგ მოიყვანო ცხოველი შინ
- გააჩნია რა პირობები გაქვს სახლში, იმის მიხედვით უნდა მოიშინაურო ცხოველი. კერძო სახლი გაქვს დიდი ეზოთი თუ პატარა ბინა? ბავშვის სურვილია ჰყავდეს შინაური ცხოველი თუ შენ გაქვს სიყვარული ცხოველების მიმართ?
- წინასწარ ჩამოწერე, რის მოყვანას შეძლებ სახლში, ისე რომ ფერმის აშენება არ დაგჭირდეს. არ გირჩევ ისეთი ცხოველის მოყვანას, რომელსაც განსაკუთრებული საცხოვრებელი პირობების შექმნა სჭირდება. არაშესაფერისი პირობების გამო, ცხოველის და შენი ურთიერთობა, ტანჯვად არ უნდა გადაიქცეს!
- გთავაზობ შესაძლო ვარიანტებს : კატა, ძაღლი, თუთიყუში, კურდღელი, ზაზუნა, ზღვის გოჭი. კიდევ რას დაამატებ? კომენტარების ველში დაგვიწერე, რომელი ცხოველის მოშინაურებას ისურვებდი და რატომ?
საინტერესო ფაქტები შინაური ცხოველების შესახებ!
- ძაღლი
- ძაღლებს ფერების გარჩევა შეუძლიათ. გადასარევად აღიქვამენ მწვანე, ყვითელ და ლურჯ ფერებს, თუმცა, ძაღლის თვალი ვერ აღიქვამს წითელ ფერს. ამ ფერს ისინი მუქ ნაცრისფრად ხედავენ
- ძაღლის ცხვირის ანაბეჭდი უნიკალურია, როგორც ადამიანის შემთხვევაში თითის ანაბეჭდი
- ძაღლები ხშირად იცინიან, თუმცა, მათი სიცილი მაინცდამაინც მხიარულებასთან კავშირში არაა. როგორც აღმოჩნდა, ძაღლები ხშირად იცინიან ნერვიულობის დროს და ამ ფორმით ისინი დახმარებას ითხოვენ
- ძაღლები ტკბილეულის მოყვარულები არიან
- კატა
- კატები ვერ შეიგრძნობენ სიტკბოს, ამიტომ ძაღლებისგან განსხვავებით მათ არ უყვართ დესერტები
- კატებს შეუძლიათ ყურების 180 გრადუსით როტაცია, რაც მათ ეხმარება სმენის უნარი 5-ჯერ უფრო მკვეთრი ჰქონდეთ, ვიდრე ადამიანს
- კატებს გააჩნიათ შემეცნებითი უნარების ნაკლებობა, რის გამოც არ შეუძლიათ ადამიანის ნათქვამის ინტერპრეტაცია
შინაური ცხოველები ცდილობენ შენს დახმარებას, ნუ იტყვი უარს დახმარებაზე. სცადე და იყავი კარგი პატრონი შენი შინაური ცხოველისთვის და გპირდები, გაცემული სითბო და სიყვარული ასმაგად დაგიბრუნდება მისგან!
ძაღლებისა და კატების კვებასთან დაკავშირებით რეკომენდაციები იხილე ჩვენს ერთ-ერთ წინა ბლოგში!
