ბავშვთა დაცვის საერთაშორისო დღე მთელს მსოფლიოში აღინიშნება
იცოდი, რომ ბავშვთა დაცვის საერთაშორისო დღე ყოველწლიურად 1 ივნისს აღინიშნება?
1925 წელს, ჟენევაში, მთელი მსოფლიო გაერთიანდა ერთი მიზნის გარშემო, რომელიც მიმართული იყო ბავშვებზე ძალადობის შეწყვეტის, მათი უფლებების დაცვისა და ცხოვრების ხარისხის გაუმჯობესებაზე!
რატომ აღინიშნება ბავშვთა დაცვის საერთაშორისო დღე 1 ივნისს?
ეს დღე, მსოფლიოს სხვადასხვა კუთხეში სხვადასხვა თარიღში აღინიშნება. ზოგი ქვეყანა ივნისში აღნიშნავს, ზოგი – ნოემბერში, თუმცა, მიზანი ყველასთვის ერთია
მიზანია, საზოგადოებრივი აზრის მობილიზება და ბავშვების დაცვა ახალი ომების საშიშროებისგან. ასევე, მათ ჯანმრთელობასა და აღზრდა-განვითარებაზე ზრუნვა
მსოფლიო ომების შემდეგ დაფიქსირდა, რომ ბავშვებზე სასტიკად ძალადობდნენ, ავიწროებდნენ მათ და ართმევნდნენ ძირითად უფლებას. ხშირი იყო ექსპლუატაცია და მათით მანიპულირება. იმიტომ, რომ ბავშვები სუსტები და მორცხვები არიან, ადვილია მათი იძულებით ჩართვა უსამართლო, არაეთიკურ და ამორალურ ქმედებებში
მსოფლიოს ცივილიზებული ნაწილი ბავშვების უფლებების დასაცავად!
მას შემდეგ, რაც ჟენევის კონფერენციაზე მიიღეს კანონი მსოფლიოს ბავშვების დასაცავად, იმდროინდელმა განვითარებულმა ქვეყნებმა დაუყონებლივ დაიწყეს მოქმედება ბავშვების პირობების გასაუმჯობესებლად
განვითარებად ქვეყნებში დონორი სააგენტოების დახმარებით, მოეწყო სხვადასხვა კამპანიები და გაკეთდა სოციალური მოწოდებები მოხალისეებისთვის. ძირითადი სფეროები, რომელსაც უდიდესი მნიშვნელობა ენიჭებოდა იყო ბავშვების განათლება, კვება, ტრეფიკინგის საწინააღმდეგო ღონისძიებები, ასევე, ბავშვების შრომითი ექსპლუატაცია
ყველა ამ ინიციატივის განსახორციელებლად, საჭირო გახდა ბავშვთა უფლებების შესახებ ცნობიერების ამაღლების დღის დაწესება, რომელიც გლობალურად აღინიშებოდა!
რომელ ქვეყნებში აღნიშნავენ ბავშვთა დღეს 1 ივნისს?
1 ივნისს, ბავშვთა დაცვის საერთაშორისო დღე აღინიშნება ისეთ ქვეყნებში, როგორებიცაა საქართველო, აზერბაიჯანი, სომხეთი, ბელორუსია, ესტონეთი, ყაზახეთი, ყირგიზეთი, ლატვია, ლიტვა, მოლდოვა, რუსეთი, ტაჯიკეთი, თურქმენეთი, უკრაინა, უზბეკეთი!
ყოველწლიურად, საქართველო მრავალფეროვანი ღონისძიებებით აღნიშნავს ბავშთა დაცვის საერთაშორისო დღეს! თვალსაჩინოა, კერძო ბიზნესის ჩართულობა ამ დღის პოპულარიზაციის საქმეში. კომპანიები, სოციალური პასულისხმგებლობის ფარგლებში, ძალ-ღონეს არ იშურებენ, რათა ეს დღე ბავშვებისთვის დღესასწაულად იქცეს.
სპეციალურად ამ დღისთვის, ბაშვებისთვის საჭირო ნივთების სია შეიქმნა, რომელსაც ექსკლუზიურად extra.ge -ზე, საუკეთესო პირობებით შეიძენ. არ გამოტოვო!
როგორ აღვნიშნოთ ბავშვთა საერთაშორისო დღე?
როგორ აღვნიშნოთ ბავშვთა საერთაშორისო დღე?
ამ დღეს ჩვეულებრივ იმართება სხვადასხვა აქტივობები და ღონისძიებები, როგორიცაა აღლუმები, კულტურული წარმოდგენები და საქველმოქმედო ფონდების მიერ ორგანიზებული კამპანიები. მოიძიე ინფორმაცია 1 ივნისს დაგეგმილი ღონისძიებების შესახებ და შეურთდი შვილთან/ოჯახთან ერთად
გაიღე შემოწირულობა ფონდისთვის და გახდი მაგალითი საკუთარი შვილისთვის
მოძებნე ფონდი, რომელიც შექმნილია საჭიროებებს მოკლებული ბავშვებისთვის. დაფიქრდი, ოჯახის და შვილების ბიუჯეტიდან შეძლებ თანხის სხვისთვის განაწილებას?
ეს თანხა ხელს შეუწყობს მათთვის უკეთესი პირობების შექმნას. გახსოვდეს, თითოეული შენი ნაბიჯი, ემპათიის მაგალითია შენი შვილისთვის
გახდი მოხალისე და ჩაერთე კეთილი საქმის კეთებაში შვილთან/ოჯახთან ერთად
მთელს მსოფლიოში, მრავალი ორგანიზაცია მუშაობს ბავშვებისთვის პირობების გამჯობესებაზე და ეძებს მოხალისეებს. ჩაერთე და ჩართე ოჯახის წევრები მოხალისეობრივ აქტივობებში, როგორიცაა ტანსაცმლის, საკვებისა ან სათამაშოების შეგროვება და ა.შ.
ამ ტიპის მოხალისეობა დაფასებული ნაკლებად არის, თუმცა, დამერწმუნე აუცილებლად გაგრძნობინებთ სიამაყეს მთელს ოჯახს!
მზრუნველობაში აიყვანე ბავშვი, რომელსაც შვილივით გაუფრთხილდები
ფინანსური შემოწირულობები, რომელიც ფონდებში გროვდება, ფართო მიზნებს ხმარდება. ბავშვის სპონსორობა, ეს სხვა ტიპის დახმარებაა!
ბავშვის ზრუნვაში აყვანა, უზრუნველყოფს მის სრულფასოვან განვითარებას სრულწლოვანებამდე! გააბედნიერე კიდევ ერთი ბავშვი დედამიწაზე. ამით, შენი საკუთარი შვილების მომავალსაც აშენებ!
