უპილოტო საფრენი აპარატი – დრონი უპირობოდ შეიძლება ჩავთვალოთ ჩვენი დროის ინოვაციურ და უმნიშვნელოვანეს ტექნოლოგიურ გამოგონებად, რომელმაც რევოლუციურად შეცვალა როგორც ინდუსტრიული საქმიანობა და სხვადასხვა სფეროს სპეციფიკა, ისე რიგითი ადამიანების შესაძლებლობები.
ვიდეოგრაფია, ფოტოგრაფია, კინემატოგრაფია, ტელევიზია, მოგზაურობა და ტურიზმი, თავგადასავლების მოყვარულთა ჰობი, აგროსფერო, სპორტი, სამხედრო მიმართულებაც კი – თანამედროვე დრონების შესაძლებლობები ნამდვილად მასშტაბურია.
როგორ შეცვალა დრონის გამოგონებამ ფოტო-ვიდეო კონტენტი მსოფლიო მასშტაბით?
არ აქვს მნიშვნელობა პროფესიონალი ფოტოგრაფი ან ვიდეოგრაფი ხარ თუ უბრალოდ მოყვარული, უპილოტო საფრენი აპარატი უსაზღვრო შესაძლებლობებს გაძლევს.
ლამაზ ადგილას მოგზაურობა და ცხოვრების მნიშვნელოვანი მომენტების დაფიქსირება გინდა?
შეგიძლია შენს წარმოსახვას მაქსიმალური თავისუფლება მიანიჭო და მისწვდე დიდ მასშტაბებს, აღბეჭდო განსხვავებული კადრები, განსხვავებული რაკურსით და თუნდაც, პირველი ნაბიჯების გადადგმა სცადო ინფლუენსერების სამყაროში, რაც დღეს ასეთი ტრენდულია.
ბლოგში მოგიყვებით მსოფლიო მასშტაბით ყველაზე პოპულარული და უკონკურენტო ბრენდის DJI-ის შესახებ, რომელიც სამომხმარებლო და კომერციული დანიშნულების უპილოტო საფრენი აპარატების მწარმოებელია და რომელმაც ბაზარზე თამაშის წესები 80%-იანი უპირატესობით შეცვალა.
DJI ბრენდის მოკლე ისტორია
ჩინური ტექნოლოგიური კომპანია DJI 2006 წელს ჩინელმა მეწარმემ და ინჟინერმა ფრენკ ვანგმა დააარსა.
სამომხმარებლო დრონების ინდუსტრიაში პირველი რევოლუციური პროდუქტი იყო DJI Phantom 1 რომელიც 2013 წელს შეიქმნა სივრცითი ვიდეოგრაფიისა და ფოტოგრაფიისთვის.
მოწყობილობას ჰქონდა 14 მეგაპიქსელიანი კამერა და 1080 პიქსელიანი ვიდეო რეზოლუცია, შეეძლო ჰაერში 10-15 წუთის განმავლობაში ფრენა და იმართებოდა დისტანციური მართვის პულტით ან სმარტფონის აპლიკაციით.
Phantom 1-ის შემდეგ ბრენდი მუდმივად გვთავაზობს დრონების ინოვაციურ მოდელებს გაუმჯობესებული შესაძლებლობებით და გვპირდება კიდევ უფრო მეტ ტექნოლოგიურ სიახლეს.
დღეს DJI მიჩნეულია ლიდერ ბრენდად სამომხმარებლო და კომერციული დრონების წარმოებაში, მოდელების ფართო ასორტიმენტით. ბრენდს მიღებული აქვს არაერთი ჯილდო და აღიარება ხარისხის, ინოვაციურობისა და საუკეთესო პერფორმანსისთვის.
Copter Tech – DJI-ის ოფიციალური დილერი საქართველოში
DJI-ის უპილოტო საფრენი აპარატების – დრონების ოფიციალური დილერი საქართველოში კომპანია Copter Tech 2017 წლიდან ოპერირებს.
Copter Tech extra.ge-ის ოფიციალური პარტნიორი გახდა, რაც იმას ნიშნავს, რომ სამომხმარებლო თუ კომერციული მიზნებისთვის დრონების და სრული ეკიპირების შეძენა ონლაინ რეჟიმში უმარტივესად შეგიძლია.
DJI დრონების უპირატესობა – უკონკურენტო პროგრამული უზრუნველყოფა
- დახვეწილი სენსორები – დაბრკოლებების თავიდან არიდება, რაც გამორიცხავს შეჯახებას. ელექტრო-მაგნიტურ ველში მოხვედრისას DJI-ის დრონი არ კარგავს მართვას, კავშირის დაკარგვის შემთხვევაში კი, ავტომატურად დაუბრუნდება აფრენის წერტილს;
- მოწინავე ტექნოლოგია – ზუსტი GPS და ავტომატიზებული ფრენის რეჟიმები უზრუნველყოფს გამოყენების სიმარტივეს და უსაფრთხო ფრენას. უძლებს სხვადასხვა ამინდის პირობებს;
- 4G მხარდაჭერა – ურბანულ დასახლებაში, თუ დრონი რაიმე ობიექტს მოეფარება, მარტივად შეძლებ მოწყობილობის ანძასთან დაკავშირებას და მართვას;
- მაღალი ხარისხის კამერა – შთამბეჭდავი გამოსახულებისთვის;
- პორტაბელურობა – მსუბუქი და კომპაქტური დიზაინი;
- ფრენის უპრეცედენტო ხანგრძლივობა – ზოგიერთ მოდელს შეუძლია ჰაერში ოპერირება 47 წუთამდე;
- ფრენის დისტანცია: შეუძლია ფრენა 8 კილომეტრამდე;
- მარტივი გამოყენება – ინტერფეისი უმარტივესია დამწყებთათვისაც კი.
რომელი დრონია საუკეთესო დამწყებთათვის?
DJI Mini 2 – თუ დამწყები ხარ და დრონის ყიდვა გადაწყვიტე Mini 2 საუკეთესო არჩევანია. ეს არის ყველაზე ბიუჯეტური, მსუბუქი (249 გრ) და პორტატული მოწყობილობა მარტივი ინტერფეისით.
მნიშვნელოვანია იცოდე, რომ შენთვის მნიშვნელოვანი კადრების აღსაბეჭდად 30 წუთი გექნება, რაც საკმაოდ შთამბეჭდავი მაჩვენებელია მცირე ზომის დრონებისთვის. შეგიძლია დაფარო 8 კმ დისტანცია და ჰაერში 500 მეტრის სიმაღლიდან 4K რეზოლუციით გადაიღო საოცარი ხედები.
დრონი უძლებს 10 მ/წმ ქარის სიჩქარეს და აღჭურვილია დაბრკოლების თავიდან არიდების სენსორით
საუკეთესო დრონი კომერციული მიზნებისთვის
DJI Mavic 2 Pro – ერთ-ერთი საუკეთესო უპილოტო საფრენი აპარატია ბაზარზე და იდეალურია კომერციული და პროფესიონალური გამოყენებისთვის, ფოტოგრაფიაში, ვიდეოგრაფიაში, მეპინგში და ა.შ.
მისი 20 მეგაპიქსელიანი, 4K ვიდეო რეზოლუციის კამერა აღჭურვილია CMOS სენსორით, შედეგად, სურათს აქვს იდეალური ფერთა სიზუსტე და შესანიშნავი დეტალიზაცია.
მოდელი აღჭურვილია ყველა მოწინავე ტექნოლოგიით რაც უსაფრთხო ფრენას უზრუნველყოფს
DJI-ის სხვა პოპულარული მოდელები
DJI Mini 3 Pro – პორტატული დრონი სულ რაღაც 249 გრამს იწონის. აქვს მაღალი დინამიკური გამოსახულება და 4K ვიდეო რეზოლუცია.
ამ დრონით შეძლებ გადაიღო 1080 პიქსელიანი SLOW MOTION ვიდეოც წამში 120 კადრით.
DJI Mavic 3 – პროფესიონალურ, შედარებით მაღალბიუჯეტურ დრონებს შორის განსაკუთრებული პოპულარობით სარგებლობს.
მოწყობილობა 895 გრამს იწონის, აქვს 20 მეგაპიქსელიანი კამერა და ოპტიკური ზუმი. მოდელს განსაკუთრებულს ხდის:
- 4/3 CMOS Hasselblad-ის კამერა, ფერთა სიზუსტით და მაქსიმალური დეტალიზაციით
- 1K ვიდეო რეზოლუცია
- 46 წუთიანი ფრენის დრო, 8 კილომეტრის დისტანციაზე
- ღამის კადრების იდეალურად აღბეჭდვა
- აფრენის წერტილთან დაბრუნების გაუმჯობესებული ფუნქცია
DJI დრონებს და მის აქსესუარებს მარტივად და სახლიდან გაუსვლელად extra.ge-ზე ამ ბმულზე შეარჩევ.
განვადების მოქნილი და შენზე მორგებული მეთოდები რომ გვაქვს, წინა ბლოგებიდანაც გემახსოვრება. თუმცა, მაინც შეგახსენებ, რომ თუ ერთიანი თანხის გადახდას ვერ ახერხებ, ყიდვა შეგიძლია საქართველოს ბანკის დახმარებით – თანხის ზუსტად 6 თვეზე განაწილებით. შენაძენს კი სახლში უმოკლეს დროში მოგიტანთ.
