დესკტოპის კომპიუტერი თუ ნოუთბუქი?
არსებობს მოსაზრება, რომ ნოუთბუქის გამოყენება უკეთესია, ვიდრე დესკტოპ კომპიუტერის!
მეტიც, ამ აზრის მიმდევრები, სტატისტიკებს იშველიებენ, თუ როგორ შემცირდა დესკტოპ კომპიუტერების გაყიდვები და ყოველწლიურად როგორ იზრდება გაყიდული ნოუთბუქების რიცხვი!
extra.ge – ს საიტზე, თანამედროვე ტენდენციების გათვალისწინებით, კომპიუტერული ტექნიკის კატეგორიაში საუკეთესო შეთავაზებები დაგხვდება
ასევე, თვალი ადევნე სიახლეებს და გაეცანი რეკომენდაციებს ექსტრას ბლოგზე
ექსტრა გირჩევს, რა უნდა გაითვალისწინო ნოუთბუქისა და დესკტოპ კომპიუტერის შედარებისას
განსაზღვრე შენი საჭიროებები, რისთვის გჭირდება კომპიუტერი და შემდეგ, გაითვალისწინე სხვა კრიტერიუმი
ორი კომპიუტერის შედარებისას, განსაზღვრე თითოეულის დადებითი და უარყოფითი მხარეები, რაც დაგეხმარება ინფორმირებული არჩევანის გაკეთებაში
1. პორტაბელურობა
- დესკტოპის კომპიუტერებს აქვს ფართო მონიტორები, რაც დადებითი კომპონენტია. თუმცა, ადგილის შეცვლა საკმაოდ შრომატევადი პროცესია, მონიტორის გაბარიტებისა და სიმძიმის გამო
- ნოუთბუქები, მათი კომპაქტური ზომის გამო, ძალიან პორტატულია. და, დიახ, ნოუთბუქი, სწორედ ზურგჩანთებით გადაადგილების მიზნით შეიქმნა
დასკვნა : პორტაბელურობის კატეგორიაში იმარჯვებს ნოუთბუქი
2. პროცესორი
- დესკტოპის კოპიუტერის პროცესორები ზომაში საკმაოდ დიდია, მაგრამ ეს იმას არ ნიშნავს, რომ უფრო მძლავრია, ვიდრე ნოუთბუქების პროცესორები. ახალი პროცესორები ბაზარზე, პირველ რიგში, ხელმისაწვდომია დესკტოპ კომპიუტერებში
- ნოუთბუქების პროცესორები თითქმის იმეორებენ დესკტოპის პროცესორების შესაძლებლობებს, თუმცა, არა სრულად. ნოუთბუქი, რომლის პროცესორსაც ექნება კონკრეტული მხარდაჭერა, გაცილებით ძვირია, ვიდრე დესკტოპის კომპიუტერი იგივე მონაცემების პროცესორით
დასკვნა : დესკტოპის კომპიუტერები იმარჯვებენ ამ კატეგორიაში, რადგან მათ უკეთესი პროცესორი აქვთ
3. შიდა მეხსიერება
- დესკტოპის კომპიუტერებს, შესაძლოა დაინსტალირებული ჰქონდეთ, მრავალი შიდა მეხსიერების დისკი
- ნოუთბუქს, რაც შეეხება, მას მხოლოდ ერთი ადგილი აქვს შიდა დისკისთვის. თუ, შიდა მეხსიერების საჭიროება დამატებით გაჩნდება, დისკი მთლიანად უნდა შეიცვალოს, გასუფთავდეს ან გამოიყენო Cloud მეხსიერება
დასკვნა : ორივე კომპიუტერთან შეიძლება გარე დისკის დაკავშირება. თუმცა, დესკტოპის კომპიუტერს, შეიძლება ჰქონდეს რამდენიმე შიდა მყარი დისკი, რაც მის უპირატესობას კვეთს ნოუთბუქებთან შედარებით. კატეგორიაში გაიმარჯვა დესკტოპის კომპიუტერმა
4. კლავიატურა
- დესკტოპის კომპიუტერებზე შეგვიძლია გამოვიყენოთ სრული ზომის კლავიატურა, შეზღუდვა არ არსებობს
- ნოუთბუქებს, 14 და 15 ინჩიანი ეკრანებით, აქვთ მცირე ზომის კლავიატურა. ამის გამო, მათ არ აქვთ ნომრების ასაკრები პანელი მარცხენა მხარეს. დიდი ზომის კლავიატურა დიდ ნოუთბუქს აქვს, მაგრამ ასეთი ნოუთბუქი მძიმეა
დასკვნა : დესკტოპის კომპიუტერები იმარჯვებენ ამ კეტოგორიაში, იმის მიუხედავად, რომ ნოუთბუქზე შეგვიძლია გარე კლავიატურის დაკავშირება
5. ენერგიის მოხმარება
- დესკტოპ კომპიუტერები უფრო მეტ ენერგიას მოიხმარენ, ვიდრე ნოუთბუქები. დესკტოპის კომპიუტერის პროცესორს სჭირდება მაღალი სიმძლავრის ელექტრო კავშირი, რადგან ის თავის მხრივ მონიტორისა და შიდა კომპონენტების ენერგიით მომარაგებაზეა პასუხისმგებელი. ელეტრო კავშირის შეფერხების ან მოულოდნელად შეწყვეტის შემთხვევაში, შესაძლოა დაიკარგოს მიმდინარე დოკუმენტი, რომელიც შენახული არ გქონდა
- ნოუთბუქები, ნაკლებ ენერგიას მოიხმარენ. შედარებით მცირე კომპონენტიანი მოწყობილობაა, რის გამოც ნაკლებ ენერგიას საჭიროებს. ნოუთბუქის მთავარი უპირატესობა ელემენტია, რომელიც შეუფერხებლად აგრძელებს მუშაობას, დენის წყაროს მოულოდნელად გათიშვის შემთხვევაშიც. შესაბამისად, არც დოკუმენტების დაკარგვის ალბათობაა
დასკვნა : ამ კატეგორიაში იმარჯვებენ ნოუთბუქები, რადგან მოიხმარენ ნაკლებ ენერგიას და აქვთ ჩაშენებული ელემენტი
მიმოხილვის მიზანია, ნათლად დაგანახო ორივე ტიპის კომპიუტერის დადებითი და უარყოფითი მხარეები. საბოლოო გადაწყვეტილება კი დამოკიდებულია შენს საჭიროებებზე!
