22 აპრილს დედამიწის დღე აღინიშნება.
ამ დღეს მსოფლიო ერთიანდება, რომ დაიცვას გარემო, ბუნებრივი რესურსები და შეამციროს პლასტმასის მოხმარება დედამიწაზე.
ექსტრაზე ეკო-მეგობრული პროდუქტები გეგულება
გარემოზე ზრუნვა მარტივად, პატარა ცვლილებებით, არის შესაძლებელი, მაგალითად, პლატსმასის საწრუპის ეკო-მეგობრულით ჩანაცვლებით.ამ პატარა ცვლილებებისთვის კი ექსტრაზე სხვადასხვა ეკო-მეგობრული ნივთი გეგულება.
მაკუნა გოცაძისთვის, რომელიც ბრენდ ეკოალტის დამფუძნებელია, მთავარი პრინციპი მომხმარებლებისთვის ეკომეგობრული პროდუქტების შეთავაზებაა:
“ერთჯერადი გამოყენების პლასტმასის ნარჩენით დაბინძურებული გარემო ის ერთ-ერთი უდიდესი გამოწვევაა, რომლის წინაშეც ჩვენი პლანეტა დგას. ამ პრობლემის საპასუხოდ, შევქმენით ეკოალტი – ბრენდი, რომლის მიზანია ინოვაციური, ეკომეგობრული ალტერნატივების შექმნა მწვანე პლანეტისთვის.
ამ ეტაპზე, ჩვენი ბრენდი აწარმოებს ეკოსიპსს – პლასტმასის საწრუპის ალტერნატივას, რომელიც 100% ბუნებრივი და ბიოდეგრადირებადია.
ეკოსიპსი, გამოყენების შემდეგ, მცირე დროში ბუნებრივად იშლება და არ აზიანებს გარემოს.
პროდუქტის გარდა, ეკოსიპსის წარმოების პროცესიც სრულად ეფუძნება ეკომეგობრულ პრინციპებს – ჩვენი საწრუპები მზადდება ადგილობრივად, ლაგოდეხში მდებარე, მზის ენერგიაზე მომუშავე ქარხანაში.
ჩვენი ბრენდისთვის ყოველი დღე დედამიწის დღეა, რადგან ვქმნით პროდუქტს, რომელიც ჰარმონიაშია პლანეტასთან და, ამასთანავე, მომხმარებლის მოლოდინებთან.” – მაკუნა გოცაძე.
შეიტანე შენი წვლილი და აირჩიე ისეთი ნივთები, რომელიც არ აზიანებს გარემოს და ზოგავს ენერგიას:
მზის პანელები
- მზის პანელები მზის ენერგიას გარდაქმნის ელექტროენერგიად.
- არ სჭირდება საწვავი, არც ნახშირორჟანგს გამოყოფს და მნიშვნელოვნად ამცირებს გარემოზე მავნე ზემოქმედებას.
- ისინი ერთ-ერთი ყველაზე ეფექტური და ეკოლოგიურად სუფთა ტექნოლოგიაა
სკუტერები
- სკუტერებით გადაადგილება სწრაფი, ეკონომიური და გარემოსთვის უსაფრთხო არჩევანია.
- სკუტერები არ გამოყოფს მავნე აირებს და ეხმარება ტრანსპორტის მიერ წარმოქმნილი ნახშირბადის ნაკადის შემცირებას.
შეცვალე და გაამწვანე შენი ყოველდღიურობა
დედამიწის დღეს, მნიშვნელოვანია გავიხსენოთ, რომ ეს არ არის მხოლოდ ერთი დღის აქტივობა, ყოველდღიურობაში შეგიძლია, მცირე ცვლილებებით, დიდი გავლენა იქონიო გარემოზე.
დაიწყე ეკო-მეგობრული ნივთების გამოყენება და იზრუნე დედამიწაზე.
