10 რჩევა, როგორ გავრეცხოთ ტანსაცმელი სწორად

ტანსაცმლის სწორად რეცხვა ბევრად მეტია, ვიდრე მხოლოდ სარეცხ მანქანაში ტანსაცმლის ჩაყრა და ღილაკზე თითის დაჭერა.

თუ გინდა, რომ ტანსაცმელი არ გაცვდეს, სუფთა და სასიამოვნოდ სურნელოვანი იყოს, რამდენიმე მარტივი რჩევა ნამდვილად გამოგადგება.

1. დაახარისხე ტანსაცმელი ფერების მიხედვით

ყოველთვის სცადე ცალკე გარეცხო ღია და მუქი ფერის ტანსაცმელი. ასე თავიდან აიცილებ გადაღებვას და უსიამოვნო სიურპრიზებს.

2. გადაამოწმე ტანსაცმლის ეტიკეტები

ყველა ნივთს აქვს თავისი ეტიკეტი, რომელიც გიჩვენებს, რა ტემპერატურაზე ან რეცხვის რეჟიმზე უნდა გარეცხო ისინი. ნუ დაიზარებ წაკითხვას – ამით დაიცავ ტანსაცმელს დაზიანებისგან.

3. წინასწარ ამოიღე ჯიბეებიდან ყველაფერი

არ დაგავიწყდეს ტანსაცმლის ჯიბეების შემოწმება, რადგან სხვადასხვა ნივთების დოლურაში მოხვედრამ, შეიძლება, გააფუჭოს სარეცხი მანქანა ან დაგიზიანოს ტანსაცმელი.

4. წინასწარ დაამუშავე დაბინძურებული ადგილები

თუ ტანსაცმელს აქვს ლაქები, წინასწარ დაამუშავე სპეციალური ლაქის მოსაშორებელი საშუალებით. ასე უკეთეს შედეგს მიიღებ.

5. არ გადაამეტო სარეცხ საშუალებას

უფრო მეტი სარეცხი საშუალება არ ნიშნავს უკეთეს რეცხვას. პირიქით – შეიძლება ტანსაცმელზე დარჩეს სარეცხი ნარჩენები და გამოიწვიოს კანის გაღიზიანება.

6. შეარჩიე რეცხვის სწორი რეჟიმი

ბამბეულს, სინთეტიკას, დელიკატურ თუ ყველა სხვა ტიპის ქსოვილს თავისი რეჟიმი სჭირდება. არასწორ რეჟიმზე რეცხვისას, შესაძლოა, ტანსაცმელი დაპატარავდეს ან დაზიანდეს.

7. არ გადაავსო სარეცხი მანქანა

როცა მანქანა გადაჭედილია, ტანსაცმელი ვერ ირეცხება კარგად. დატოვე ცოტაოდენი ადგილი, რომ ნივთებმა თავისუფლად იმოძრაოს.

8. გადააბრუნე ფერადი ტანსაცმელი რეცხვამდე

ფერადი ან პრინტიანი ტანსაცმელი, ჯობს, გადააბრუნო რეცხვის წინ – ეს დაეხმარება ფერების შენარჩუნებას და დაიცავს პრინტებს მექანიკური დაზიანებისგან.

9. დროულად ამოიღე ნივთები სარეცხი მანქანიდან

გარეცხილი ტანსაცმელი არ გააჩერო სარეცხ მანქანაში დიდხანს. წინააღმდეგ შემთხვევაში, უსიამოვნო სუნი გაუჩნდება.

10. იზრუნე შენს სარეცხ მანქანაზე

არ დაგავიწყდეს ყველაზე მთავარი, რეგულარულად გაწმინდე ფილტრი, კარგად გაამშრალე რეზინის ნაწილები და გაწმინდე მანქანის შიგთავსიც.

როცა მანქანა სუფთაა – ტანსაცმელსაც უკეთ რეცხავს.