სათამაშო მნიშვნელოვან როლს ასრულებს ბავშვის სრულფასოვან განვითარებაში. თამაშის პროცესში ბავშვები გამოხატავენ გრძნობებს, ემოციებს, შეიმეცნებენ სამყაროს და საკუთარ თავს, უვითარდებათ წარმოსახვა, კომუნიკაციის უნარი, აზროვნება, მოტორული უნარები, მეხსიერება, მეტყველება. თამაში უნდა იყოს ერთდროულად გასართობი და უსაფრთხო. სწორედ ამიტომ, უდიდესი პასუხისმგებლობაა და დიდი სიფრთხილის გამოჩენა გვმართებს სათამაშოს შერჩევისას.
საფრთხეები, რომელიც თავიდან უნდა აირიდო:
- შეიძინე მხოლოდ იმ კომპანიის პროდუქცია და კონკრეტული ბრენდი რომელსაც ენდობი.
- შეარჩიე ნატურალური მასალისგან დამზადებული სათამაშო.
- დარწმუნდით, რომ სათამაშო არ შეიცავს მომწამლავ ქიმიურ ელემენტებს. გაეცანი ანოტაციას, სათამაშოს მოვლა-შენახვის ინსტრუქციას, წესებს და გაიდლაინებს. შეფუთვაზე მითითებული უნდა იყოს ინფორმაცია მოსალოდნელი საფრთხეების შესახებ.
მნიშვნელოვანი აბრევიატურები:
მწარმოებლები და ბრენდები უსაფრთხოებისა და ევროკავშირის სტანდარტებთან შესაბამისობის დამადასტურებლად, სათამაშოებს მიუთითებენ სპეციალურ აბრევიატურებს, რისი ცოდნა და გათვალისწინება მნიშვნელოვანია ყიდვის პროცესში:
- LEAD (Pb)-Free – არ შეიცავს მომწამლავ ქიმიურ ელემენტს ტყვიას;
- PHTHALATE-free – არ შეიცავს ფტალატებს. ეს არის ჯანმრთელობისთვის სახიფათო და საშიში ქიმიური ნივთიერებების ჯგუფი, რომელსაც ვხვდებით პლასტმასში. ფტალატების აღმნიშვნელ აბრევიატურებს შორის სახელდება: DBP, BBP, DBF, DEHP;
- PVC-free – არ შეიცავს პოლივინილ ქლორიდს, რომელიც არის ჯანმრთელობის და გარემოსთვის საშიში პლასტმასის ტიპი. (აღინიშნება კოდით #3);
- BPA-free – არ შეიცავს ბისპენოლ A-ს, ქიმიურ ნივთიერებას რომელსაც აქვს ესტროგენის მსგავსი სტრუქტურა და ბავშვის ორგანიზმში სერიოზული ჰორმონალური დარღვევის გამოწვევა შეუძლია;
- თავიდან აირიდე პლასტმასის სათამაშოები გადამუშავების კოდებით #3, #6 და #7;
- NON-TOXIC – დააკვირდი, რომ სათამაშოს მითითებული ჰქონდეს წარწერა – არატოქსიკური.
არსებობს დადგენილი ასაკობრივი რეკომენდაციები რაც განაპირობებს ბავშვის სწორად განვითარებას და უსაფრთხო თამაშს.
3 წლამდე ბავშვებისთვის გასათვალისწინებელი რჩევები:
- სათამაშოს უნდა ჰქონდეს ბლაგვი კიდეები;
- მასალა არ უნდა იყოს ტოქსიკური, ხოლო გარსი უნდა იყოს დაუზიანებელი, ნაკაწრებისა და ბზარების გარეშე;
- სათამაშო არ უნდა შეიცავდეს მცირე ნაწილებს, არ უნდა იყოს მსხვრევადი ან ტეხვადი.
სხვა მნიშვნელოვანი რეკომენდაციები:
- მაღალი ხმა – მუსიკალურმა სათამაშოებმა შესაძლოა დააზიანოს სმენა. აუცილებლად გაეცანი გაფრთხილებას და მითითებულ რეკომენდაციებს. ზედმეტად ხმამაღალი მუსიკა და ფერადი ნათებების ცვალებადობა უარყოფით გავლენას ახდენს ბავშვის ფსიქიკაზე;
- აირიდე სათამაშოები ბაფთებით, თოკით, თასმებით – მცირეწლოვანმა ბავშვმა შემთხვევით რომ არ მიიყენოს თვითდაზიანება სხეულის ცალკეულ ნაწილებზე შემოხვევით;
- სათამაშომ, რომელიც ისვრის ობიექტებს შესაძლოა ბავშვს დაუზიანოს თვალი.
- ელექტრო სათამაშოს შეძენისას ეძებე წარწერა “UL Approved” (Underwriters Laboratories) – ლაბორატორიულად შემოწმებული. აუცილებელია, ელემენტებზე მომუშავე სათამაშოს ელემენტის სათავსო ჰქონდეს კარგად დაცული ბავშვის წვდომისგან. სიფრთხილე გმართებთ, ასევე, მაგნიტიანი სათამაშოს ყიდვისას, რადგან უნდა გამოვრიცხოთ მისი გატეხვა თამაშის პროცესში.
Extra.ge-ზე შეგიძლია თამამად შეარჩიო სათამაშო შენი პატარისთვის. ვებგვერდზე სათამაშოების კატეგორიაში დაგხვდება მარტივი ნავიგაცია, რაც გულისხმობს ასაკის მიხედვით წინასწარ დაჯგუფებულ განყოფილებებს, ზედმეტი დრო რომ არ დაკარგო ძებნაში.
შენი ბავშვის უსაფრთხოებაზე წინასწარ ვიზრუნეთ და extra.ge-ზე ქართულ ბაზარზე არსებული მხოლოდ საუკეთესო კომპანიების სათამაშოები წამოგიდგინეთ. აქ დაგხვდება Pupazzo Toys -ის საყოველთაოდ ცნობილი ბრენდი Hape, რომელიც ყველა სათამაშოს ქმნის ეკოლოგიურად სუფთა ხის მასალისგან და განკუთვნილია ევროკავშირის ბაზარზე გასაყიდად. სანდო და ხარისხიანი სათამაშოების დიდ არჩევანს გთავაზობს XS TOYS, Pepela Toy Store, Toys, Super Toys და მრავალი სხვა რომლებიც, ასევე, აკმაყოფილებენ უსაფრთხოებისთვის ყველა საჭირო მოთხოვნას.
extra.ge-ზე ყიდვისას არ გჭირდება ეძებო აბრევიატურები და მასალის უსაფრთხოებაშიც შეგიძლია დარწმუნებული იყო. ის რაც სათამაშოს ყიდვის შემდეგ მოგეთხოვება, გამოყენების ინსტრუქციის გულდასმით წაკითხვაა. არ დაგავიწყდეს ყველაზე მთავარი: ყველაზე უსაფრთხოა თამაში, რომლის პროცესსაც მშობლები თვალს ადევნებენ. გახსოვდეს, სწორად შერჩეული სათამაშო ნიშნავს შენი პატარის ჯანსაღ, სწორ განვითარებას.
