აღდგომა ერთ-ერთი ყველაზე მნიშვნელოვანი ქრისტიანული დღესასწაულია, რომელსაც მთელი მსოფლიო სხვადასხვა ტრადიციებით აღნიშნავს.
საქართველოში სააღდგომო სამზადისი განსაკუთრებული ემოციით მიმდინარეობს.
ადამიანები წინასწარ ემზადებიან, იცავენ მარხვას და დიდ ხუთშაბათს იწყებენ სააღდგომო კერძების მომზადებას.
ამ დღეს ყველაზე მნიშვნელოვანია პასკის ცხობა, რომელიც სიმბოლურად ქრისტეს აღდგომას განასახიერებს.
როგორ მოვამზადოთ საუკეთესო პასკა? თუ გინდა, რომ შენი სააღდგომო სუფრა ნამდვილად გამორჩეული იყოს, განაგრძე ამ ბლოგის კითხვა, მარტივ და გემრიელ რეცეპტს გაგიზიარებ:
რა ინგრედიენტები დაგჭირდება
- ნაბიჯი 1: თბილ რძეში გახსენი საფუარი და დაამატე 1 სუფრის კოვზი შაქარი და გააჩერე 10-15 წუთი.
- ნაბიჯი 2: ჯამში ათქვიფე კვერცხები, შაქართან ერთად, დაამატე დარბილებული კარაქი, ვანილი და ლიმონის ცედრა. შემდეგ, ჩაამატე მომზადებული საფუარი.
- ნაბიჯი 3: ეტაპობრივად, ჩაამატე გაცრილი ფქვილი და მოზილე რბილი, ელასტიური ცომი. ბოლოს, დაამატე ქიშმიში და ცუკატები.
- ნაბიჯი 4: ცომს დააფარე ქსოვილი და თბილ ადგილას გააჩერე 1.5-2 საათი, სანამ მოცულობაში გაორმაგდება.
- ნაბიჯი 5: კარგად ამოფუებული ცომი გადაიტანე პასკის ფორმებში, დატოვე ადგილი ამოსასვლელად და კვლავ გააჩერე 30-40 წუთი.
- ნაბიჯი 6: 180°C-ზე გახურებულ ღუმელში გამოაცხვე 40-50 წუთის განმავლობაში, სანამ ლამაზ, ოქროსფერ შეფერილობას არ მიიღებს.
დასკვნით ეტაპზე, სურვილისამებრ, მზად პასკას თავზე მოასხი შაქრის მინანქარი და მორთე.
სააღდგომო პასკის მომზადება მხოლოდ ტრადიცია კი არა, არამედ საოჯახო ურთიერთობების გამყარების, სითბოსა და სიყვარულის გაზიარების საუკეთესო საშუალებაა.
თუ ჯერ არ გაქვს გამოცდილი პასკის ცხობის სიამოვნება, წელს აუცილებლად სცადე და გაულამაზე ოჯახის წევრებს და ახლობლებს აღდგომის დღესასწაული.
