ნაძვის ხის ფორმის მანქანის არომატიზატორი Little Trees – ყველასთვის კარგად ნაცნობი გლობალური სიმბოლო ათეულობით წლებია უკანა ხედვის სარკის განუყოფელი აქსესუარია.
ეჭვი გვაქვს, აქამდე მხოლოდ მცირე ნაწილს გვსმენია ის საინტერესო, რეალური ისტორია, რაც საფუძვლად დაედო მასობრივი ცნობადობის პროდუქტის გამოგონებას.
Little Trees – კანადური ფიჭვით შთაგონებული იდეა
ისტორია 1952 წელს იწყება. გამოგონება ეკუთვნის ებრაელ ქიმიკოსს იულიუს სამანს, რომელმაც თავისი ცხოვრების დიდი ნაწილი მიუძღვნა კანადური ფიჭვის ხეებისგან არომატული ზეთის წარმოებას.
ერთ დღეს. სამანს რძის ფურგონის მძღოლმა შესჩივლა მანქანის კაბინაში გაფუჭებული რძის მჟავე სუნის შესახებ. სწორედ მაშინ დაებადა ქიმიკოსს იდეა, თავისი ცოდნის გამოყენებით, ქაღალდისგან შეექმნა ჰაერის არომატიზატორი.
მისთვის ვიზუალური შთაგონების წყარო გახდა კანადის ტყის ფიჭვები. ასე შეიქმნა აქსესუარის უკვდავი ფორმა – ნაძვი და პირველი სურნელი – სამეფო ფიჭვი.
სამანი განსაკუთრებულად ზრუნავდა ხარისხზე და მაღალ სტანდარტებთან შესაბამისობაზე. ითხოვდა საგულდაგულო ტესტირებას რომ პროდუქტი ყოფილიყო სურნელოვანი, ხანგრძლივად გამყოლი და ყველასთვის ხელმისაწვდომი.
Little Trees მასობრივი პოპულარობა
- დღეს Little Trees 60-ზე მეტ სხვადასხვა სურნელს ქმნის, რომელთა სიცოცხლის ხანგრძლივობა 1-დან 2 თვემდეა (სურნელის დაკარგვამდე)
- კომპანიის მზარდ წარმატებაზე მეტყველებს სტატისტიკა, რომლის თანახმადაც, Little Trees-მა 2015 წელს 1 მილიონი დოლარი გამოიმუშავა, 2022 წლისთვის კი ეს მაჩვენებელი 84.5 მილიონი გახდა.
Little Trees, როგორც გლობალური სიმბოლო გვხვდება უამრავ ფილმსა თუ სატელევიზიო შოუში:
არ გაგვიკვირდება, თუ Little Trees ნაძვის ხის ფორმის მანქანის აქსესუარის დანახვისას, მომენტალურად, შენი საყვარელი ფილმის რომელიმე ეპიზოდი გახსენდება.
წლებია, გლობალური ბრენდი კინო ინდუსტრიასა და პოპულარული კულტურის არაერთ მიმდინარეობაში ჩანს და დღემდე არაერთი ხელოვანის შთაგონების წყაროც გამხდარა.
1. Repo Man
1984 წელს გადაღებულ საკულტო ფილმში “Repo Man” Little Trees ჰაერის არომატიზატორებს ვხედავთ თითქმის ყველა სახის ავტომობილში, მათ შორის მოტოციკლზეც.
კადრები იმდენად ხშირია, შეიქმნა მოსაზრება, თითქოს ფილმი მთლიანად კომპანიამ Little Trees დააფინანსა, რაც სიმართლეს არ შეესაბამება. ამის დასტურია ისიც, რომ ფილმი ნაკლებად იყო მეინსტრიმული და ძირითადად, ჰოლივუდის ახალგაზრდა რეჟისორებში სარგებლობდა პოპულარობით.
2. Ocean’s Eleven
სტივენ სოდერბერგის მიერ 2001 წელს გადაღებულ ფილმში “ოუშენის 11 მეგობარი,” არომატიზატორს მნიშვნელოვანი ფუნქცია აქვს. ერთ-ერთ ეპიზოდში, კადრში მწვანე ფერის არომატიზატორი ჩნდება, რაც წარმოადგენს მინიშნებას თაღლითთა ჯგუფის მიერ გამოყენებული მანქანის იდენტიფიცირებისთვის.
3. Lorelei
Little Trees ვხედავთ 2020 წელს გადაღებულ სოციალურ დრამაში ლორელაი. მანქანის ეპიზოდში, სადაც ფილმის მთავარი პერსონაჟი ვეილანდი ლოლასთან ერთად იმყოფება, კადრში ჩანს მწვანე ფერის არომატიზატორი.
4. Impractical Jokers
უკანა ხედვის სარკეზე ლურჯი ფერის მანქანის არომატიზატორი გვხვდება 2020 წელს გადაღებულ კომედიურ ფილმში სახელწოდებით “არაპრაქტიკული ხუმარები”. ფილმის მსვლელობისას, Little Trees ყველა მხიარული მომენტის თანმდევია.
5. Hooking Up
2020 წელს გადაღებულ ამერიკულ კომედიურ დრამაში “კავშირი,” ბეილის და დარლას ყველა სამანქანო ეპიზოდში ვხედავთ Little Trees გლობალურ სიმბოლოს.
6. Big sky – “A Brief History of Crime”
2022 წელს გადაღებულ ამერიკულ სატელევიზიო სერიალ Big Sky-ს მესამე ეპიზოდში “A Brief History of Crime” – კრიმინალურ დრამაში, მაშინ, როცა ფილმის სიუჟეტში კესი და დენისი მანქანაში გამოძიებისთვის საინტერესო დოკუმენტს აღმოაჩენენ, სარკეზე ისევ ჩვენთვის კარგად ნაცნობი ბრენდის არომატიზატორი მოჩანს.
რეალურად, უცნობია, როდიდან გახდა Little Trees არომატიზატორები ტრენდული კინო ინდუსტრიაში, თუმცა, ფაქტები ამაზე მეტყველებს. თუ კარგად დააკვირდები, მას შენს საყვარელ ფილმშიც აუცილებლად აღმოაჩენ.
Little Trees-ის პროდუქტები
კლასიკური, სამეფო ფიჭვის არომატის შემდეგ ამერიკულმა ბრენდმა, წლების განმავლობაში, უამრავი სურნელი შექმნა: ყვავილები, ვანილი, ახალი მანქანის სურნელი, შავი ყინული, კარიბიული კოლადა და სხვა. გაიზარდა პროდუქციის ასორტიმენტიც.
ტრადიციული, ნაძვის ფორმის ჰაერის არომატიზატორების გარდა, კომპანიამ შექმნა ორი განსხვავებული სტილი:
ეს პროდუქტები გვაძლევს სტილის არჩევანს, თუმცა, სურნელის მრავალფეროვნება რჩება ტრადიციული – ის, რაც მომხმარებელმა წლების წინ შეიყვარა.
Little Trees სრული ასორტიმენტის ნახვა ექსტრას ვებგვერდზე შეგიძლია.
