ტემპერატურის კლებასთან ერთად აქტიურად გვიწევს გათბობაზე ზრუნვა და ჩვენი მყუდრო სახლისთვის გამათბობლის სწორად შერჩევა. ეს ხშირად არც თუ მარტივი პროცესია, მითუმეტეს, მათთვის, ვინც სახლის ინტერიერის დიზაინს და დეტალებს განსაკუთრებულ ყურადღებას ანიჭებს.
ინტერიერის დიზაინერი თათა მარუაშვილი მოგიყვება დეკორატიული რადიატორების როლზე თანამედროვე სახლის დიზაინში.
“ინტერიერის დიზაინის ფორმირებისას განსაკუთრებულ ყურადღებას ვამახვილებთ ავეჯზე, ფერებზე და ყველა იმ ტექნიკურ ელემენტზე, რასაც ინტერიერი მოიაზრებს.
იმისთვის, რომ ინტერიერის დიზაინი იყოს სრულყოფილი საჭიროა ყველა ნიუანსის წინასწარ გათვალისწინება, მათ შორის რადიატორების.”
რადიატორი განსაკუთრებულ როლს ასრულებს ინტერიერში.
ჩვენთვის ცნობილია სამი ტიპის რადიატორი:
დღეს ვისაუბრებთ დეკორატიულ რადიატორებზე, რომელთა გამოყენებაც შესაძლებელია ნებისმიერი ტიპის დიზაინში და რომლებიც განსხვავდებიან მასალით, თბოგადაცემით და ვიზუალით.
დეკორატიული რადიატორის დასამზადებლად გამოიყენება ალუმინი და თუჯი, რაც ეკოლოგიურად სუფთა და საიმედოა.
გარდა ფუნქციურობისა, რადიატორი უნდა იყოს ესთეტიურიც რადგან ის დიზაინის განუყოფელი ნაწილია, სწორედ ამიტომ, სიფრთხილე გვმართებს მისი არჩევისას.
ინტერიერში არსებობს მრავალი სტილი – ზოგი კონკრეტულად ერთი მიმართულების, ზოგი – შერეული, ანუ ეკლექტური.
დეკორატიული რადიატორის გამოყენება შესაძლებელია როგორც ვერტიკალურად, ასევე, ჰორიზონტალურად, ამიტომ მარტივად ქმნის დიალოგს იმ ფორმებთან რაც კონკრეტულ სივრცეში გვექნება გამოყენებული. სწორედ ეს ხდის მას ყველაზე მნიშვნელოვანს და მოთხოვნადს ინტერიერში.
ამ ტიპის რადიატორები მოქნილია როგორც დიდი სივრცის ინტერიერისთვის ასევე ისეთი პატარა ფართისთვის სადაც არ გვაქვს დიდი რადიატორის გამოყენების საშუალება.
ერგონომიული გათვლები ჰორიზონტალური რადიატორის გამოყენებით გვაძლევს საშუალებას დავზოგოთ ფართი და მივაკუთვნოთ პატარა ადგილი, რის ხარჯზეც ბოლომდე შევძლებთ თავისუფლად დავგეგმოთ ზონები, ისე, როგორც ჩვენ წარმოგვიდგენია.
დეკორატიული რადიატორების ფერები
კიდევ ერთი დადებითი მხარე დეკორატიულ რადიატორებში ფერების ფართო არჩევანია.
დიდი ფართის მქონე ინტერიერში, საკმაოდ, თავისუფლად შეგვიძლია კონტრასტული ფერების გამოყენება, რადგან ნაკლებად დამღლელია და თვალისთვისაც მარტივი აღსაქმელია.
პატარა სივრცით ინტერიერში შეზღუდულები ვართ. საუკეთესო გამოსავალია, რადიატორისთვის იმ ფერის მინიჭება რაც უკვე გამოყენებული გვაქვს კედელზე. ეს მას თითქმის უხილავს, ამავდროულად საინტერესოს და ჰარმონიულს გახდის.
აქამდე, კლასიკური, სტანდარტული რადიატორების გამოყენებისას ვფიქრობდით იმაზე, თუ რამდენად მოუხდებოდა ის კონკრეტულ ინტერიერს, თუმცა, სითბოს და სიმყუდროვის შემოტანისთვის ინტერიერის დიზაინერებს მაინც გვიწევდა მათი გამოყენება.
დეკორატიული რადიატორების გამოჩენამ გადაჭრა უამრავი პრობლემა და საფიქრალი როგორც ერგონომიულად, ასევე, ვიზუალურად. დღეს, მათი გამოყენება ბევრად უფრო სასიამოვნოს ხდის დიზაინის განვითარების პროცესს.
გამორჩეულად დახვეწილი და მიმზიდველი ფორმები, ფერები და ფაქტურა – ეს სამი ძირითადი კომპონენტია იმ შედეგის მისაღებად, რასაც სრულყოფილი ინტერიერის დიზაინი ჰქვია.
ვფიქრობთ, ინტერიერის დიზაინერის რჩევები სახლის დიზაინის სწორად ფორმირებაში გამოგადგება.
აქვე, მოგაწვდი ინფორმაციას დეკორატიული რადიატორების თბოგადაცემის ეფექტურობასთან დაკავშირებითაც.
სპეციალისტთა აზრით, თბოგადაცემის კუთხით, დეკორატიული და სტანდარტული რადიატორების შედარებისას უპირატესობა სტანდარტულს ენიჭება თუმცა, გავრცელებული მითი, რომ დეკორატიული რადიატორი სითბოს არ გამოსცემს, სიმართლეს არ შეესაბამება.
მთავარია, სპეციალისტმა სწორად შეაფასოს შენი სახლის პროექტი, ჭერის სიმაღლე, თბოდანაკარგები და მხოლოდ ამის შემდეგ მოხდეს ყველაზე ეფექტური მოდელის შერჩევა.
გამათბობლის ყიდვას თუ აპირებ, extra.ge-ზე საუკეთესო შეთავაზებებს აღმოაჩენ. 30 ნოემბრის ჩათვლით, შერჩეულ ასორტიმენტზე მოქმედებს 40%-მდე ფასდაკლება. ხოლო შეძენის შემთხვევაში, დამატებით, Profy-ს 15%-იან ფასდაკლების ვაუჩერს მიიღებ მონტაჟის სერვისისთვის.
