ულიანა მესხი - მე დავბრუნდები

ტიპი: რომანი

ავტორი: ულიანა მესხი

გვერდების რაოდენობა: 48

ამ წიგნის გმირი, მშობლებთან ერთად, ერთ ლამაზ სოფელში ცხოვრობდა, ჰყავდა ბებია და ბაბუა, საყვარელი ძაღლი და თუთიყუში, დადიოდა სკოლაში... როგორი ჩვეულებრივი ამბავია, არა? ყველაფერი შეიცვლება, როგორც კი ვიტყვით, რომ ეს ლამაზი სოფელი აფხაზეთშია, ბებია და ბაბუა სოხუმში ცხოვრობდნენ, გოგონა კი დედას ყოველდღე მანქანით მიჰყავდა ქალაქ გაგრაში, სადაც იყო მისი სკოლა. ასე გრძელდებოდა მანამ, სანამ ზაფხულის ერთ მზიან დღეს, ბებია-ბაბუასთან სტუმრობისას, ქალაქი აფეთქების ხმამ არ გააყრუა. ამ დღის შემდეგ ოცდაათ წელზე მეტი გავიდა. პატარა გოგონა გაიზარდა, მაგრამ არასდროს დავიწყებია თავისი მშობლიური კუთხე, საიდანაც აფეთქებებმა გამოაქცია. არც დავიწყებია და არც იქ დაბრუნებაზე ფიქრი შეუწყვეტია. ეს მისი მოგონებების წიგნია. მოგონებებისა და იმედის.