ნიკო ლორთქიფანიძე - შელოცვა რადიოთი

ტიპი: ქართველი ავტორების წიგნი

ავტორი: ნიკო ლორთქიფანიძე

მოთხრობის კოსმოპოლიტურ გარემოს, უმნიშვნელოვანეს თემებს, ხელოვნების და მეცნიერების მიღწევებით, პოლიტიკური ინტრიგებით სავსე პასაჟებს საბოლოოდ მაინც ზედაპირული ფიქრისთვის მოუხელთებელ, არაცნობიერში გადაკარგულ, მაგრამ არსებობის ღერძად დარჩენილ ეროვნუl თვითშემეცნებასთან მივყავართ. ალბათ ამიტომაც აირჩია ნიკო ლორთქიფანიძემ მოთხრობის ქვესათაურად „დიდი გოდების მცირე ნაკადი~ _ ელის ცხოვრება, მისი ხანმოკლე თავგადასავალი, მე-20 საუკუნის დასაწყისის კვალდაკვალ, ელის სამშობლოსთვის უფრო ძველი, უფრო ხანგრძლივი, უფრო წამლეკავად მომდინარე „დიდი გოდების მცირე ნაკადია~. ერთი მხრივ, ეს დინება ქართველების ისტორიულ ბედისწერად უნდა დავინახოთ, უფრო ფართო თვალსაწიერში კი ის მთლიანად კაცობრიობის ისტორიის დინებაც არის _ მთელი თავისი მცირე და დიდი, მღვრიე და დაწმენდილი შენაკადებით.