ფილტრი
ფასი კლებადობით
ფასი კლებადობით
შეიძინე თუჯის ტაფა და მოამზადე გემრიელი კერძები
თუ გინდა სამზარეულოში ისეთი ტაფა, რომელიც გამძლეობით, გემოს შენარჩუნებით და მრავალფუნქციურობით გამოირჩევა, მაშინ თუჯის ტაფა ის იდეალური არჩევანია, რომელიც შენს ყოველდღიურ კერძებს განსაკუთრებულ არომატს შემატებს. ექსტრაზე შეგიძლია მოიძიო სხვადასხვა ზომისა და დიზაინის თუჯის ტაფები, რომლებსაც მუდმივად გამოიყენებ.
თუჯის მასალას გამორჩეული თვისებები აქვს - თუჯი არის მასალა, რომელიც საუკუნეების განმავლობაში გამოიყენება, როგორც პროფესიონალურ, ისე საყოფაცხოვრებო სამზარეულოში.
მისი მთავარი ძალა იმაშია, რომ ინარჩუნებს მაღალ ტემპერატურას და თანაბრად ანაწილებს სიცხეს, რის შედეგადაც კერძი უფრო კარგად და გემრიელად მზადდება. თუჯის ტაფაზე შეგიძლია მოამზადო ბოსტნეული, ხორცი, თევზი და ნებისმიერი პროდუქტი, რომლისთვისაც მნიშვნელოვანია სწორი ტემპერატურა და სტრუქტურა.
რატომ უნდა იყიდო თუჯის ტაფა
თუჯის ტაფა გაძლევს მრავალ უპირატესობას, რაც მას სხვა მასალისგან დამზადებულ ტაფებთან შედარებით ბევრად უფრო პრაქტიკულს ხდის. თუჯის ტაფის მთავარი უპირატესობებია:
- მაღალი ტემპერატურის შენარჩუნება – კერძი თანაბრად იბრაწება და არ იწვება.
- გამძლეობა – თუჯის ტაფა, ფაქტობრივად, უკვდავ მასალად ითვლება.
- თუჯი არ იკავს პროდუქტს – სწორი მოვლის შემთხვევაში ტაფა თვითონ ქმნის ბუნებრივ საფარს.
- ბევრი ტიპის მოხმარება – შესაძლებელია გაზზე, ელექტრო ქურაზე, ღუმელსა და გრილზეც.
- განსაკუთრებული არომატი – კერძები იღებს მძაფრ, უფრო ინტენსიურ გემოს, რაც სხვა ტაფაზე ვერ მიიღება.
უპირატესობები სხვა მასალებთან შედარებით
ალუმინისა და სხვა მასალისგან დამზადებული სტანდარტული ტაფები, ხშირად, სწრაფად ცვდება და მაღალი ტემპერატურაზე მომზადებისას ფორმას კარგავს.
თუჯის ტაფა კი პირიქით - კიდევ უფრო ძლიერდება და წლების განმავლობაში ინარჩუნებს თავის თვისებებს. საკმარისია ერთხელ იყიდო და აღარ გჭირდება ხშირი ჩანაცვლება. რატომ სჯობს თუჯის ტაფა სხვა მასალებს?
- უკეთესი სითბური გადანაწილება აქვს
- არ გამოყოფს მავნე ნივთიერებებს მაღალი ტემპერატურის დროს
- მრავალწლიანი რესურსი აქვს და პრაქტიკულად, არ იკაწრება
- უნივერსალურია - მასში მოამზადებ ნებისმიერ პროდუქტს
როგორ უნდა მოვუაროთ თუჯის ტაფას
იმისთვის, რომ თუჯის ტაფა დიდი ხნის განმავლობაში მოგვემსახუროს, არ დაჟანგდეს და ლამაზი იერსახეც შეინარჩუნოს, საჭიროა რამდენიმე მნიშვნელოვანი რჩევის გათვალისწინება:
1. არ გარეცხო ჭურჭლის სარეცხი საშუალებით: თუჯის ტაფის ბუნებრივი, მიწებების საწინააღმდეგო საფარი ცვდება ქიმიური საშუალებებით. საუკეთესო ვარიანტია, უბრალოდ, თბილი წყალი და რბილი ღრუბელი. თუ ტაფაზე გამაგრებული ნარჩენებია, დაასხი წყალი და ცოტა ხნით დადგი გათბობაზე, რომ რბილად მოიშოროს.
2. არ გააჩერო წყალში დიდხანს: თუჯი მეტალია და წყალში დიდხანს დატოვების შემთხვევაში, ჟანგდება. გარეცხვის შემდეგ, აუცილებლად, სწრაფად გაამშრალე.
3. ყოველი რეცხვის შემდეგ გადაუსვი ზეთი: როცა ტაფა მშრალია და ოდნავ თბილი, გადაუსვი მცირეოდენი მზესუმზირის ან სხვა მცენარეული ზეთი. ეს დაეხმარება ტაფას ბუნებრივი საფარის შენარჩუნებაში და დაიცავს ჟანგისგან.
4. არ გამოიყენო მეტალის შპატელები: მიუხედავად იმისა, რომ თუჯი ძალიან გამძლეა, მუდმივად მეტალის აქსესუარები ბუნებრივ საფარს აცილებს. ჯობს, ხის ან სილიკონის აქსესუარები გამოიყენო.
5. თუ შეამჩნევ, რომ ტაფა წებოვანია ან ზედაპირი გაუმუქდა, უბრალოდ, გადაუსვი ზეთი და ღუმელში 45–60 წუთით 180–200°C-ზე დატოვე. ეს პროცესი აღადგენს ბუნებრივ საფარს.
6. შეინახე თუჯის ტაფა მშრალ ადგილას: თუ სახლში ტენიანობა მაღალია, ტაფა, აუცილებლად, კარგად უნდა გაამშრალო და ზეთით დაფარო, რომ ჟანგი არ მოედოს.
7. ნუ შეშინდები, თუ ზედაპირი ოდნავ შეიცვალა: თუჯის ტაფა "ცოცხალი" მასალაა - დროთა განმავლობაში ფერს იცვლის და უფრო უკეთ იკეთებს ბუნებრივ საფარს. ეს ნორმალურია და ნიშნავს, რომ სწორად იყენებ.
თუ ამ მარტივ წესებს დაიცავ, შენი თუჯის ტაფა მრავალი წლის განმავლობაში გექნება.
როგორც ხედავ, თუ გინდა სამზარეულოში გქონდეს ტაფა, რომელიც გამძლე იქნება და მასში მომზადებული კერძები უგემრიელესი, მაშინ აუცილებლად შეიძინე თუჯის ტაფა ექსტრაზე და აღმოაჩინე, რამდენად მარტივად შეგიძლია გემრიელი და პროფესიონალური კერძების მომზადება.
თუ სხვა მასალისგან დამზადებული ტაფებით ხარ დაინტერესებული და ჯერ კიდევ არ იცი რას მიაქციო ყურადღება, გაეცანი ექსტრა ბლოგს.
გაითვალისწინე ისიც, რომ ექსტრაზე სამზარეულოს კატეგორიაში შეგიძლია შეიძინო ნებისმიერი ტიპის ტაფა და ქვაბი, ასევე, სამზარეულოს აქსესუარები და ყველაფერი რაც სახლისთვის გჭირდება.
ხშირად დასმული კითხვები
როგორ შევიძინო პროდუქტი ექსტრაზე?
გადახდის რომელი მეთოდით შემიძლია ვისარგებლო?
შემიძლია თუ არა ნივთების განვადებით ან განაწილებით შეძენა?
