ფილტრი
განთავსების თარიღით
განთავსების თარიღით
შეიძინე კომპიუტერის ქეისი საუკეთესო ფასად ექსტრაზე
თუ შენ გინდა შეიძინო ახალი პერსონალური კომპიუტერი ან უკვე არსებულს გაუკეთო განახლება, პირველი რაც უნდა გაითვალისწინო არის კომპიუტერის ქეისი. ქეისი არა მხოლოდ დიზაინის ელემენტია, არამედ კომპიუტერის უსაფრთხოებისა და სწორი მუშაობის მთავარი საფუძველიც. სწორედ ამიტომ, არჩევისას ყურადღება უნდა მიაქციო ზომას, ვენტილაციას, დამატებით პორტებს და შენს საჭიროებებს.
PC ქეისი არის გარე კონსტრუქცია, რომელიც შენს კომპიუტერს იცავს მტვრისგან, დაზიანებისგან და უზრუნველყოფს ყველა კომპონენტის სწორ განთავსებას. ბაზარზე შეხვდები სხვადასხვა ზომის ქეისებს: Mini Tower, Mid Tower და Full Tower.
თუ გსურს ოფისისთვის კომპაქტური მოდელი, უმჯობესია, აირჩიო პატარა ქეისი, ხოლო თუ გეიმინგისთვის აწყობ კომპიუტერს - დიდი სივრცე და ძლიერი გაგრილების სისტემა დაგჭირდება.
კომპიუტერის ქეისი
კომპიუტერის ქეისი მხოლოდ უბრალო ყუთი არ არის. ის განსაზღვრავს როგორ იმუშავებს შენი სისტემა გრძელვადიან პერსპექტივაში. ქეისის შიგნით არის ადგილი დედაპლატის, ვიდეო ბარათის, პროცესორის გაგრილების და მეხსიერების დასამონტაჟებლად.
თანამედროვე ქეისებში, ხშირად, დამატებულია გამჭვირვალე გვერდები და RGB განათება, რაც უფრო მიმზიდველს ხდის დიზაინს. კომპიუტერის ქეისები იაფად თუ ბიუჯეტი შეზღუდული გაქვს, შეგიძლია იპოვო კომპიუტერის ქეისები იაფად.
მნიშვნელოვანია იცოდე, რომ იაფი ყოველთვის არ ნიშნავს ცუდს. ბევრ მწარმოებელს აქვს ბიუჯეტური სერიები, სადაც შენ იღებ აუცილებელ ფუნქციებს - ხარისხიან მასალას, საკმარის ვენტილაციას და საჭირო სლოტებს. ფასდაკლებებზე ყურადღება გამახვილე, რადგან, ხშირად, სწორედ აქ შეგიძლია საუკეთესო შემოთავაზებების პოვნა.
პერსონალური კომპიუტერის ქეისი
პერსონალური კომპიუტერის ქეისი უნდა შეირჩეს შენი მოთხოვნების მიხედვით. თუ სახლში ყოველდღიური გამოყენებისთვის გჭირდება, სტანდარტული ზომა სრულიად საკმარისი იქნება. ხოლო თუ გეიმინგის ან გრაფიკული პროგრამებისთვის აწყობ სისტემას, გჭირდება ძლიერი ქულერები, მეტი ადგილი ვიდეო ბარათებისთვის და დამატებითი დისკების დასამონტაჟებლად.
პერსონალური ქეისის არჩევა პირდაპირ განსაზღვრავს კომპიუტერის სიმძლავრეს და მუშაობის კომფორტს.
მიმოვიხილოთ რამდენიმე მოდელი:
2E 2E-V510W - თუ გინდა ბიუჯეტური, მაგრამ ვიზუალურად დახვეწილი და ფუნქციური მოდელი ეს ქეისი კარგი არჩევანია. გამოირჩევა მინიმალისტური დიზაინით და გამჭვირვალე გვერდითი პანელით, რაც საშუალებას გაძლევს შენი სისტემის შიდა ნაწილი ეფექტურად წარმოაჩინო.
ამ ქეისში საკმარისი სივრცეა ATX და micro-ATX პლატებისთვის, ასევე, სტანდარტული სიგრძის ვიდეო ბარათებისთვის. კაბელების მენეჯმენტი საკმაოდ მოსახერხებელია ამ ფასის კატეგორიისთვის, თუმცა თუ ძალიან მასიური გაგრილების სისტემა გაქვს, წინასწარ გადაამოწმე ზომები. კარგი ვარიანტია საოფისე, სასწავლო ან საშუალო დონის გეიმინგ სისტემისთვის, როცა არ გინდა ზედმეტი გადახდა.
ZALMAN-ის N4REV.1 - უფრო უხეში დიზაინის მქონე კორპუსია, რომელიც გეიმერულ სტილზეა ორიენტირებული. წინა პანელი ჰაერის კარგ ცირკულაციას უზრუნველყოფს, რაც მნიშვნელოვანია, თუ მაღალტემპერატურულ კომპონენტებს იყენებ. ხშირად, ამ მოდელს მოყვება რამდენიმე წინასწარ დაყენებული ქულერი, რაც დამატებით ხარჯს ზოგავს.
შიგნით სივრცე ოპტიმალურადაა გადანაწილებული. შეგიძლია დააყენო სრული ზომის ვიდეო ბარათი და რამდენიმე საცავი. თუ შენთვის მნიშვნელოვანია ბალანსი ფასსა და გაგრილებას შორის, ეს მოდელი ერთ-ერთი პრაქტიკული არჩევანია საშუალო კლასის გეიმინგ სისტემისთვის.
Zalman I3 NEO Mid Tower - დახვეწილი სერიაა. დიზაინი შედარებით სუფთა და თანამედროვეა, წინ ხშირად mesh ტიპის პანელი აქვს, რაც ჰაერის ნაკადს აუმჯობესებს. თუ გეგმავ ძლიერი პროცესორისა და ვიდეო ბარათის გამოყენებას, კარგი გაგრილება გადამწყვეტია და ამ მხრივ I3 NEO საკმაოდ სანდო ვარიანტია.
შიდა სივრცე კარგად არის ორგანიზებული, კაბელების დამალვა მარტივია. საბოლოოდ, აწყობილი სისტემა უფრო სუფთად და პროფესიონალურად გამოიყურება.
Zalman I3 NEO TG - ეს მოდელი პრაქტიკულად I3 NEO-ს ვერსიაა Tempered Glass გვერდითი პანელით. თუ ვიზუალური მხარე შენთვის მნიშვნელოვანია და გინდა შიგნით არსებული კომპონენტები კარგად ჩანდეს, TG ვერსია უფრო ეფექტურად გამოიყურება. მხარს უჭერს ATX და M-ATX პლატებს, აქვს USB 3.0 პორტები წინა პანელზე, რაც ყოველდღიურ გამოყენებაში კომფორტულია. გაგრილების პოტენციალი იგივე ძლიერ მხარედ რჩება - შეგიძლია დაამატო დამატებითი ქულერები ან თუნდაც თხევადი გაგრილების სისტემა.
Zalman Z10DSBLACK უკვე უფრო მაღალი კლასის მოდელად ითვლება. დიზაინი პრემიუმ ხარისხის შეგრძნებას ტოვებს - მკაცრი, მუქი ტონით და დახვეწილი დეტალებით. შიგნით სივრცე ფართოა, რაც ნიშნავს, რომ შეგიძლია ჩაამონტაჟო გრძელი ვიდეო ბარათები და მასიური ქულერები, ყოველგვარი დისკომფორტის გარეშე.
ზოგადად, კომპიუტერის ქეისის აწყობა ძალიან საინტერესო პროცესია. ჯერ არჩევ ქეისს, შემდეგ მონტაჟი იწყება დედაპლატით. შემდეგი ეტაპებია: პროცესორის და RAM-ის დაყენება, ვიდეო ბარათის და დისკების ჩასმა. მნიშვნელოვანია, სწორად დაერთოს ყველა კაბელი, რათა ქეისის შიგნით ჰაერის ცირკულაცია არ შეიზღუდოს.
თუ გინდა, შეგიძლია დამატებით განათება და დამატებითი ვენტილატორები დაამატო, რაც სისტემას უფრო სტაბილურს გახდის.
კომპიუტერის ქეისები ექსტრაზე
დღეს ძალიან მარტივად შეგიძლია შეიძინო კომპიუტერის ქეისები ექსტრაზე - ონლაინ მაღაზიაში, სადაც მრავალფეროვანი მოდელები გხვდება. აქ ნახავ როგორც ბიუჯეტურ ვარიანტებს, ასევე პრემიუმ კლასის ქეისებს. შეგიძლია შეადარო სხვადასხვა ბრენდი და აირჩიო ის მოდელი, რომელიც შენი კომპიუტერისთვის საუკეთესო იქნება.
სწორად შერჩეული ქეისი უზრუნველყოფს ეფექტურ გაგრილებას, კომპონენტების საიმედო მუშაობას და დამატებით კომფორტს მომავალი განახლებისთვის. თუ ბიუჯეტი შეზღუდული გაქვს, ექსტრაზე შეგიძლია შეარჩიო კომპიუტერის ქეისები იაფად. აქ გეგულება ბრენდები: ZALMAN, 2E, Deepcool და სხვა.
ექსტრაზე შეგიძლია შეიძინო სხვადასხვა კომპიუტერის მაკომპლექტებელი მოწყობილობა: დედა დაფები, პროცესორები, ოპერატიული მეხსიერება, მყარი დისკები, ვიდეო ბარათი, კვების ბლოკი, ოპტიკური დისკის წამკითხველი, ქსელის ბარათი და სხვა.
ხშირად დასმული კითხვები
როგორ შევიძინო პროდუქტი ექსტრაზე?
გადახდის რომელი მეთოდით შემიძლია ვისარგებლო?
შემიძლია თუ არა ნივთების განვადებით ან განაწილებით შეძენა?
