ფილტრი
განთავსების თარიღით
განთავსების თარიღით
რატომ უნდა იყიდო პლანშეტი ექსტრაზე
ტაბლეტი, იგივე პლანშეტური კომპიუტერი, უკვე დიდი ხანია რაც საქმიანობის ნებისმიერ სფეროში წარმატებით გამოიყენება და ხშირ შემთხვევაში, ლეპტოპის იდეალურ ალტერნატივასაც წარმოადგენს.
არ აქვს მნიშვნელობა პლანშეტური კომპიუტერის გამოყენებას რა დანიშნულებით აპირებ. თუ, უბრალოდ, მოყვარული მომხმარებელი ხარ, მოწყობილობის გამოყენება მრავალმხრივია. შეგიძლია უყურო ფილმებს, კომფორტული და მსუბუქია სატარებლად, მარტივად ააწყობ პრეზენტაციებს, ითამაშებ, გაერთობი. არსებობს სახატავი პლანშეტებიც, რომელიც გრაფიკული შედევრების შექმნაში დაგეხმარება.
ექსტრაზე პლანშეტების ფართო ასორტიმენტი გელოდება. მარტივად შეგიძლია იყიდო პლანშეტი ტელეფონის ფუნქციით ან შენთვის მნიშვნელოვანი სხვა მახასიათებლებით. აღმოაჩენ ისეთ ცნობილ ბრენდებს, როგორებიცაა SAMSUNG, Apple, Huion, VORCOM, BOOX, Veikk, BLIC, Blackview და სხვა.
სამსუნგის პლანშეტები, როგორც ხელმისაწვდომი ფასის, ისე ხარისხის გამო, მთელი მსოფლიოს მასშტაბით, განსაკუთრებით მოთხოვნადია.
როგორ შევარჩიოთ პლანშეტები იმისთვის, რომ ტაბლეტი იყოს შენთვის მოსახერხებელი, კომფორტული და ყველა საჭიროება დაგიკმაყოფილოს? აუცილებელია, ყიდვისას რამდენიმე მნიშვნელოვან დეტალს მიაქციო ყურადღება.
პირველ რიგში, განსაზღვრე რისთვის გჭირდება ტაბლეტი? ეს მნიშვნელოვანია, რომ საქმის კეთების პროცესში არ გაგიჭედოს და ყველა ფუნქციას ფლობდეს რაც შენი ყოველდღიურობისთვის მნიშვნელოვანია.
პლანშეტის ოპერაციული სისტემა
ტაბლეტები, ისევე როგორც სხვა ციფრული მოწყობილობები, მუშაობს სამი ოპერაციული სისტემიდან ერთ-ერთზე: iOS (Apple), Android (Google) ან Windows (Microsoft). თითოეულ ოპერაციულ სისტემას აქვს თავისი ძლიერი და სუსტი მხარეები. აირჩიე ტაბლეტი იმ ოპერაციული სისტემის მხარდაჭერით, რომელიც შენთვის უფრო კომფორტული იქნება.
ტაბლეტის ეკრანის ზომა და ტექნოლოგია
ეკრანის ზომა და კარგი რეზოლუიცია, პირველ რიგში, მნიშვნელოვანია შენი თვალის სიჯანსაღისთვის. აირჩიე, მინიმუმ, 1080 პიქსელიანი ეკრანი მკვეთრი ჩვენებით.
პლანშეტის სიმძლავრე
თუ მძლავრი მოწყობილობის შეძენა გსურს, აუცილებელია, რომ პლანშეტს ჰქონდეს ძლიერი პროცესორი, მაგ: Apple-ის A-სერია ან Qualcomm Snapdragon და მინიმუმ, 4 გიგაბაიტიანი ოპერატიული მეხსიერების მოცულობა.
პლანშეტის მეხსიერება
რაც შეეხება შემნახველ მეხსიერებას, გადახედე შენს მიმდინარე საქმიანობას, თუ რამდენი და რა მოცულობის ფაილების შენახვა გჭირდება ყოველდღიურად და ამის მიხედვით აირჩიე შიდა მეხსიერება.
პლანშეტის ელემენტის ხანგრძლივობა
თუ პლანშეტის გამოყენებას მაღალი ინტენსივობით აპირებ, ეცადე, აირჩიო მძლავრი ელემენტის მქონე მოდელი, რომელიც მთელი დღის განმავლობაში უპრობლემოდ მოგემსახურება.
პლანშეტის პორტები, სიმ-ბარათი და bluetooth კავშირი
თუ ყოველდღიურობაში გჭირდება პლანშეტი, რომელიც გადაადგილების პროცესში გინდა დაუკავშირო ინტერნეტს, აირჩიე მოდელი სიმ-ბარათის მხარდაჭერით. არანაკლებ, მნიშვნელოვანია bluetooth კავშირი, USB-C, Lightning და სხვა პორტების მხარდაჭერა, რაც დაგჭირდება.
ტაბლეტის კამერის მეგაპიქსელები
თუ მუშაობის პროცესში ვიდეო ზარების განხორციელება გიწევს, აირჩიე პლანშეტი კარგი ხარისხის ვიდეო კამერით. ყურადღება მიაქციე კამერის მეგაპიქსელების რაოდენობას, დიაფრაგმის ზომას, გამოსახულების ოპტიკურ სტაბილიზაციას (OIS) ან კამერის გაფართოების რეჟიმებს.
სახატავი პლანშეტი დამწყები მხატვრებისთვის და მოქმედი გრაფიკსოებისთვის
არსებობს სახატავი პლანშეტებიც. გრაფიკული პლანშეტი ექსტრაზე საუკეთესო ფასად გეგულება.
როგორც წესი, სახატავი პლანშეტები კალმით არის წარმოდგენილი. არსებობს სახატავი პლანშეტები ეკრანით და ეკრანის გარეშე. ეკრანიანი მოდელები, შედარებით მაღალბიუჯეტური ფასით პიზიციონირებს ბაზარზე.
მეტი თვალსაჩინოებისთვის, განვიხილოთ ეკრანის გარეშე მოდელი - Huion Q620M. ეს არ არის ტაბლეტი კლასიკური გაგებით, არამედ გრაფიკული პლანშეტია - პატარა ზედაპირით, სადაც სტილუსით ხატავ და მუშაობ ანიმაციაზე, ილუსტრაციებზე ან დიზაინზე. იმის გამო, რომ მას არ აქვს საკუთარი ეკრანი, აუცილებლად, კომპიუტერთან უნდა იყო დაკავშირებული. ეს არის იდეალური არჩევანი, თუ გინდა ზუსტად და ბუნებრივად ხატვა და მუშაობა გრაფიკული პროგრამებით.
სახატავი ტაბლეტის გამოყენებით, შექმნი გამორჩეულ ციფრულ გამოსახულებებს. საბავშვო პლანშეტი პლანშეტები ბავშვების საყვარელი მოწყობილობებია.
საბავშვო პლანშეტის შერჩევისას, პირველ რიგში, გასათვალისწინებელია მოსწავლის ასაკი:
- მცირეწლოვანი ბავშვებისთვის, პლანშეტს უნდა ჰქონდეს მშობლის კონტროლის ფუნქცია.
- 8-12 წლის ბავშვებისთვის, იდეალური იქნება, ტაბლეტი საგანმანათლებლო და გასართობი აპლიკაციების მხარდაჭერით.
- აირჩიე საბავშვო პლანშეტი დარტყმა გამძლე, წყალგაუმტარი კორპუსით.
შეიძინე პლანშეტები იაფად
პლანშეტების ფასი განისაზღვრება იმ ტექნიკური და ფუნქციური პარამეტრების მიხედვით, რომლის შესახებაც ზემოთ უკვე ვისაუბრეთ. სტანდარტული პლანშეტების ფასები ექსტრაზე 277 ლარიდან იწყება და ყველაზე ძვირადღირებული მოდელის ფასი 4799 ლარია. სახატავი, გასართობი პლანშეტების ფასი 35 ლარიდან იწყება, პროფესიონალურ გრაფიკულ პლანშეტს კი 243 ლარიდან იყიდი. მიმოვიხილოთ რამდენიმე მოდელი:
APPLE iPad Pro 13” 12/256 GB არის ძალიან ძლიერი ტაბლეტი, რომლის დიდი, 13 ინჩიანი ეკრანი და სწრაფი პროცესორი საშუალებას გაძლევს აკეთო ყველაფერს - ვიდეო მონტაჟიდან რთული დიზაინერული ამოცანებამდე. აქვს დიდი შენახველი მეხსიერება და თავსებადია Apple Pencil-თან, რაც მას პროფესიონალური მუშაობისთვის ან შემოქმედებითი სამყაროსთვის იდეალურს ხდის. ეს არის პრემიუმ კლასის მოწყობილობა, მაგრამ ასევე მისი ფასი ბევრად უფრო მაღალია ვიდრე სხვა ტაბლეტების.
Samsung Tab A9+ 11” 4/64 GB არის კომფორტული ყოველდღიური ტაბლეტი, რომელზეც შეგიძლია უყურო ვიდეოებს, გამოიყენო აპლიკაციები და დაუკავშირო ინტერნეტს. ის შედარებით უფრო იაფი და მარტივი მოწყობილობაა, ვიდრე iPad Pro. ამის მიუხედავად, აქვს კარგი ტექნიკური შესაძლებლობები. მძიმე აპლიკაციებისთვის ან თამაშისთვის გამოყენებისას, შეიძლება, გამოყენება გაგიჭირდეს, მაგრამ ყოველდღიური გამოყენებისთვის იდეალური არჩევანია.
მართალია, ბაზარზე მეორადი პლანშეტები იაფად შეგიძლია იყიდო, თუმცა, აჯობებს თანხის გადახდა ხარისხსა და საიმედოობაში. ამიტომ შეარჩიე ახალი მოწყობილობა შენთვის სასურველი ფასის დიაპაზონში ექსტრაზე:
პლანშეტი განვადებით
ექსტრა საშუალებას გაძლევს, შენთვის სასურველი პლანშეტი განვადებით რომ იყიდო. ამისთვის შეავსე მარტივი ონლაინ განვადება. განვადების დამტკიცებისთანავე, კურიერი ტაბლეტს სახლში მოგიტანს, საქართველოს მასშტაბით ნებისმიერ მისამართზე. ექსტრაზე განვადებით ან 6 თვიანი ნაწილ-ნაწილით ყიდვა შეგიძლია ნებისმიერი სხვა ტექნიკისა, მაგალითად, ყველაზე მოთხოვნადი სმარტ საათის. შეიძინე ტაბლეტებთან ერთად სხვა ციფრული მოწყობილობებიც ექსტრაზე: მობილური ტელეფონი, ნოუთბუქი, პლანშეტური კომპიუტერი, მონიტორი, სათამაშო კონსოლი, ფოტოაპარატები, ვიდეო კამერა და სხვა.
ექსტრაზე - საქართველოს მასშტაბით, ყველაზე დიდ ინტერნეტ მაღაზიაში ყველაფერი გეგულება.
ხშირად დასმული კითხვები
როგორ შევიძინო პროდუქტი ექსტრაზე?
გადახდის რომელი მეთოდით შემიძლია ვისარგებლო?
შემიძლია თუ არა ნივთების განვადებით ან განაწილებით შეძენა?
