ძრავის ზეთები და დანამატები

ძრავის ზეთები და დანამატები

ძრავის ზეთი ავტომობილის გამართულ მუშაობაში მნიშვნელოვან როლს ასრულებს - ამცირებს ხახუნს, აგრილებს და წმენდს ძრავის დეტალებს, თამამად უნდა ითქვას, რომ ის გავლენას ახდენს ძრავის სიცოცხლისუნარიანობაზე.
 

როგორ შეარჩიოთ ძრავის ზეთი?

ზეთი ავტომობილისთვის მოდელის, საწვავის ტიპის, ძრავის გამოშვების თარიღისა და სხვა დამატებითი კრიტერიუმების მიხედვით უნდა შეირჩეს.

როგორც წესი, ავტომობილს პასპორტში მითითებული აქვს, კონკრეტულად რომელი ზეთი ესაჭიროება. ამიტომაც მწარმოებელი კომპანიები ითხოვენ, რომ ზეთს „ჰქონდეს“ წარწერა ნებართვის შესახებ, ანუ დასაშვებია თუ არა ის ზეთი ჩაისხას იმ კომპანიის მიერ წარმოებულ ავტომობილში. მაგალითად, თუ გყავთ Toyota, მასში ისეთი ზეთი უნდა ჩაასხათ, რომლის გამოყენებაც ნებადართულია ამ ბრენდის მანქანაში.
 

რამდენი ტიპის ძრავის ზეთი არსებობს?

აუცილებელია იცოდეთ, რომ ზეთები სტანდარტის მიხედვით იყოფა: სინთეტიკურად, ნახევრად სინთეტიკურად და მინერალურად.

მინერალური ზეთი 

მინერალური ზეთი ნავთობის ნედლი გადამუშავებით მიიღება. ის სხვა ზეთებთან შედარებით იაფია, თუმცა ვერ უძლებს მაღალ დატვირთვას და ძალიან სქელდება ყინვის დროს.

სინთეტიკური ზეთი 

სინთეტიკური ზეთი შექმნილია სხვადასხვა ქიმიური ნაერთებისგან. აქვს შეზეთვის უკეთესი ფუნქცია, ნაკლებად სქელდება ყინვის დროს და უძლებს მაღალ ტემპერატურას. სინთეტიკური ზეთი მინერალურისგან განსხვავებით არის უფრო თხელი, რის გამოც ადვილად აღწევს ძნელად შესაზეთ ვიწრო ჭრილებში. უფრო მეტად ამცირებს ხახუნის ძალას და უფრო ნაკლები ენერგია იხარჯება ძრავის მუშაობაზე, რაც ავტომატურად უდრის საწვავის ხარჯის შემცირებას.
 

ნახევრად სინთეტიკური ზეთი

ნახევრად სინთეტიკური ზეთი - ეს არის სინთეტიკურისა და მინერალური ზეთის შუალედური ვარიანტი, რომელიც შექმნილია მინერალური ზეთის საფუძველზე, მაგრამ დამატებული აქვს გაცილებით მეტი მინარევი, რითაც მისი მუშა კოეფიციენტი მიახლოებულია სინთეტიკური ზეთის მუშა კოეფიციენტთან, ღირებულებით კი მასზე იაფია.

როგორც წესი, თანამედროვე მანქანებისთვის სინთეტიკურ ან ნახევრად სინთეტიკურ ზეთებს იყენებენ.

ძრავის ზეთის ხარისხი 

ძრავის ზეთის ხარისხი მისი სიბლანტის მიხედვით დგინდება. მას, როგორც წესი, მითითებული აქვს მაჩვენებლები - 5W-40, 10W-40, 5W-30 და ა.შ, რომელსაც ყურადღება აუცილებლად უნდა მიაქციოთ.
 

ასო W (Winter/ზამთარო) მიუთითებს დაბალი ტემპერატურის პირობებში მისი გადამუშავების პროცესს. პირველი ციფრი აღნიშნავს, თუ რამდენად ადვილად იმოძრავებს ზეთი სისტემაში, რამდენად სწრაფად მოხვდება ის ძრავაში და რა ძალას ხარჯავს ავტომობილი მის გამოსაყენებლად, ხოლო დეფისის შემდეგ წარმოდგენილი ციფრი, აღნიშნავს ზეთის გამძლეობას მაღალტემპერატურულ ვითარებაში.
 

ძრავის ზეთები ექსტრზე 

Extra.ge-ზე ძრავის ზეთების შეძენა საუკეთესო შეთავაზებითაა შესაძლებელი. საძიებო ფილტრში მითითებულია ყველა ის მაჩვენებელი, რომლის მიხედვითაც უნდა შეარჩიოთ ზეთი. შეუკვეთეთ ონლაინ თქვენი მანქანისთვის შესაფერისი ისეთი ბრენდების მიერ წარმოებული ზეთები, როგორიცაა Motul, TOTAL, G-energy, Wolf, Abro, Mobil, NSL, Petronas, SRS, Champion და ა.შ. და ექსტრას კურიერები ადგილზე მოგართმევენ შენაძენს.
 
ექსტრა გთავაზობთ ავტომობილის მოსავლელად საჭირო პროდუქტების მრავალფეროვნებას. ავტომობილის ზეთის კატეგორიაში ძრავის ზეთთან ერთად შეგიძლიათ შეარჩიოთ კოლოფის ზეთი, ხიდის ზეთი, სამუხრუჭე სითხე და ა.შ. იზრუნეთ თქვენს ავტომობილზე ექსტრასთან ერთად.