ტიპი: ქვაბების ნაკრები
მასალა: უჟანგავი ფოლადი
სახელური უცხელდება: არა
თავსახური მოჰყვება: დიახ
ერთეულთა რაოდენობა: 9
ფერი: ვერცხლისფერი
დამზადებულია მაღალი ხარისხის უჟანგავი ფოლადისგან. სიმხურვალე თანაბრად ნაწილდება და დიდი ხნით ნარჩუნდება. ქვაბის ტემპერატურა გავლენას არ ახდენს სახელურზე.
- დამზადებულია 18/10 ხარისხის უჟანგავი ფოლადისგან
- აქვს SIGMA Classic + ბაზა
- სიმხურვალე თანაბრად ნაწილდება და სითბო დიდ ხანს ნარჩუნდება
- სახელურებს აქვს “Stay Cool” მახასიათებელი, რაც ნიშნავს რომ სახელურები დიდი ხნის განმავლობაში რჩება სასიამოვნოდ გრილი
- თავსდება ყველა ტიპის ქურაზე, მათ შორის ინდუქციურზე
- გამოიყენება ჭურჭლის სარეცხ მანქანაში
- არ შეიცავს ჯანმრთელობისთვის მავნე ნივთიერებებს
- იდეალურია მრავალი წლის მანძილზე გამოსაყენებლად
- ნაკრები მოიცავს 5 ქვაბს და 4 თავსახურს
კოლექცია TWIN Classic ხასიათდება საოცრად მინიმალისტური, დახვეწილი და ელეგანტური დიზაინით. განკუთვნილია ყველასთვის ვისაც უყვარს გემრიელი კერძები – დამწყები მზარეულებისთვის, პროფესიონალი მზარეულებისთვის და დიასახლისებისთვის. იდეალურია ყველა ტიპის ქურაზე გამოსაყენებლად, მათ შორის ინდუქციურზეც. აქვს მაღალი ხარისხის უჟანგავი ფოლადის ძირი და Sigma Classic-ის მრავალშრიანი, ენერგოეფექტური ბაზა.
TWIN Classic-ის პროდუქცია უკიდურესად მდგრადია კოროზიის მიმართ და მარტივი მოსავლელია. ირეცხება როგორც ხელით, ისე ჭურჭლის სარეცხ მანქანაში. აღჭურვილია პრაქტიკული დეტალებით: აქვს ერგონომიული სახელური, რომელიც მზადებისას არ ცხელდება და სპეციალური მომრგვალებული კიდეები, რაც აიოლებს კერძის სერვირებას.
პირველ ჯერზე გამოყენებამდე, გარეცხეთ თბილი წყლის, ჭურჭლის სარეცხი საშუალების და ღრუბლის/რბილი ქსოვილის გამოყენებით. შემდეგ გულდასმით გაამშრალეთ, რათა არ დარჩეს წყლის წვეთების ლაქები.
ქურაზე დადგით მხოლოდ კარგად გამშრალებული ქვაბი, რათა თავიდან აირიდოთ დამწვარი ზეთი/წყალი. არასოდეს გაახუროთ ჭურჭელი ცარიელ მდგომარეობაში და თქვენი მეთვალყურეობის გარეშე – გადახურებამ შესაძლოა გამოიწვიოს ფერის შეცვლა (უბრალოდ ფერის შეცვლა გავლენას არ ახდენს ჭურჭლის ვარგისიანობაზე), ხოლო უკიდურესმა გადახურებამ შესაძლოა სამუდამოდ დააზიანოს ქვაბის ძირი! კერძი ყოველთვის მოამზადეთ ისე, რომ ცეცხლი არ სცდებოდეს ქვაბის დიამეტრს. სითბოს დაკარგვის მინიმიზაციის მიზნით, რეკომენდებულია კერძის თავდახურულ მდგომარეობაში მომზადება. ჭურჭელს აქვს შესანიშნავი თბოგამტარობა, ამიტომ სასურველია კერძის საშუალო ცეცხლზე მომზადება. გადადუღების ან კერძის დაწვის თავიდან აცილების მიზნით, რეკომენდებულია ქვაბი შეავსოთ 70-80%-ით. მარილი დაუმატეთ მხოლოდ ადუღების შემდეგ. ცივ წყალში მარილის დამატებამ შესაძლოა გამოიწვიოს ჭურჭლის ფერის შეცვლა. დაუშვებელია ქვაბის გამოყენება ცხიმის გარეშე!
კერძის მომზადების შემდეგ დაელოდეთ, რომ ქვაბიც და თავსახური ბოლომდე გაგრილდეს. დაუშვებელია ცხელი ჭურჭლის გარეცხვა! ტემპერატურის ცვლილებამ შესაძლოა დააზიანოს ჭურჭელი, განსაკუთრებით თავსახური. ჭურჭლის სარეცხ მანქანაში გარეცხვამდე, მოაცილეთ საკვები ნარჩენები თბილი წყლის, ჭურჭლის სარეცხი საშუალების და ღრუბლის მეშვეობით. და მხოლოდ ამის შემდეგ მოათავსეთ ქვაბი ჭურჭლის სარეცხ მანქანაში. არ გამოიყენოთ აგრესიული საწენდი საშუალებები. ნუ დაუშვებთ ჭურჭელში დარჩენილი საკვების გამოშრობას, რათა თავიდან იქნას აცილებული უჟანგავი ფოლადის დალაქავება ან ფერის შეცვლა.
