ვოვა სიხარულიძე - მეათე მოწმე და სხვა

ტიპი: პროზა

გვერდების რაოდენობა: 360

ფორმატი: 15 x 21

ვოვა სიხარულიძის ყველაზე ცნობილი მოთხრობა, „მეათე მოწმე“, პირველად 1967 წელს გამოქვეყნდა. მერეც არაერთხელ დაიბეჭდა ავტორის კრებულებსა თუ სხვადასხვა ანთოლოგიებში, თუმცა ყოველთვის, ყოველ ჯერზე, ამ მოთხრობის გამოქვეყნებას თან ახლდა მთიდან დაგორებული უზარმაზარი ლოდის ეფექტი. მკითხველი, რომელიც პირველად გაეცნობა „ინტელექტის“ მიერ გამოცემულ ვოვა სიხარულიძის „მეათე მოწმესა“ და სხვა ტექსტებს, აუცილებლად იგრძნობს ამ ეფექტის გამაოგნებელ ძალასა და სიმძლავრეს, რომელიც, როგორც მოთხრობაშია, სასიკვდილო საფრთხეს უქმნის ყოველივე უსამართლოს, მანკიერს, ყალბსა და უკეთურს, რაც ასე დამაჯერებლად არის აღწერილი გამოგონილი სოფლის, „საბალახოს“, მაგალითზე, და რომლისგანაც ვერც საბჭოთა კავშირის დანგრევის შემდეგ გავთავისუფლდით.