კოლინ მაკალოუს რომანი, „ბარდნარის ჩიტები“, ავსტრალიური ლიტერატურის ერთ-ერთი ყველაზე პოპულარული ნაწარმოებია. რომანის დაახლოებით 33 მილიონი ეგზემპლარია გაყიდული მთელ მსოფლიოში და არაერთ ენაზეა ნათარგმნი. წიგნმა მკითხველთა იმდენად დიდი აღიარება მოიპოვა გამოცემისთანავე (1977 წელს), რომ მთავარი გმირის, მეგი კლირის სიყვარულით, იმ პერიოდში დაბადებული გოგონებისთვის ყველაზე მოდურ სახელად მეგი და მეგანი იქცა. რომანს გამორჩეული პოპულარობა 80-იანი წლების ამერიკულმა, ამავე სახელწოდების ტელესერიალმა მოუტანა, რიჩარდ ჩემბერლენითა და რეიჩელ უორდით მთავარ როლში.