თხევადი სისტემური ფუნგიციდი ვაზის ნაცრის წინააღმდეგ. პრეპარატი შედგება სპიროკეტალამინების ჯგუფის ფუნგიციდის — სპიროქსამინისა და ტრიაზოლების ჯგუფის ფუნგიციდის — დიფენოკონაზოლისგან. ხასიათდება ხანგრძლივი პროფილაქტიკური და მკვეთრად გამოხატული სამკურნალო მოქმედებით. სპიროქს დუოს 30% მცენარის მიერ შეიწოვება დამუშავებიდან 10 წუთში, რის შემდეგაც აკროპეტალურად გადაადგილდება. განსაკუთრებული დამცავი მოქმედების გარდა, ეფექტურად ებრძვის ფარულ ინფექციებს, რომლებიც გარედან უხილავია და შიგნიდან აზიანებს ფოთლებსა და მტევნებს. ასევე, სპიროქსამინს აქვს უკვე არსებული გარეგანი სიმპტომების აღმოფხვრის უნარი და შეუძლია ინფექციის განვითარების შეჩერება.