ჟანრი: შემეცნებითი ლიტერატურა

ავტორი: ნინო არსენაშვილი

ენა: ქართული

სკოლამდელთათვის განკუთვნილი სიუჟეტური ბარათები მიზნად ისახავს მეტყველების განვითარებას, რომელსაც უმნიშვნელოვანესი ფუნქცია აკისრია ბავშვის განვითარების პროცესში. მეტყველება ხომ აზროვნების მთავარი საყრდენია. ბავშვი საკუთარ აზრებს სიტყვების საშუალებით აყალიბებს და აცნობიერებს. მასწავლებელი ან მშობელი ბავშვს ავალებს განალაგონ სიუჟეტური ბარათები თანამიმდევრობით, მოთხრობაში გადმოცემული შინაარსის შესაბამისად; დააკვირდნენ და აღწერონ თითოეული სიუჟეტური ნახატი, სიტყვიერად გადმოსცენ სიუჟეტის შინაარსი. ბავშვს უვითარდება მოქმედების თანამიმდევრობის აღწერისა და გამართული მეტყველების უნარ-ჩვევები. ბავშვი იმდიდრებს ლექსიკას და თანდათანობით სულ უფრო გრძელ და კომპლექსურ წინადადებებს აყალიბებს, რაც უზრუნველყოფს ბავშვის მომზადებას წერა-კითხვა-მეტყველების იმ სისტემური კურსისათვის, რომლის გავლაც მას საგანმანათლებლო სისტემის მომდევნო ეტაპზე - პირველ კლასში მოუწევს.