იუნონა გურულის „დიაგნოზის გარეშე“ ავტორის აქამდე გამოუქვეყნებელი მოთხრობების კრებულია. ათასჯერ დაცემისა და წამოდგომის, ოცნებების მსხვრევისა და საკუთარი თავის ძიების, ბეწვის ხიდზე სიარულის, თვითგანადგურებისა და სიყვარულის ამბებს ერთი რამ აერთიანებთ - სიმართლე, რომლისთვისაც თვალის გასწორება ხშირად არც ისე ადვილია ხოლმე. ამ მოთხრობებში არაფერია ყალბი, გადაჭარბებული ან შელამაზებული, თითოეულ მათგანში აღწერილია ცხოვრება, ისეთი, როგორიც სინამდვილეშია - ზოგჯერ ულმობელი, ზოგჯერ უსამართლო, მაგრამ მაინც მეტისმეტად ძვირფასი. ეს გადარჩენის ამბებია, რომლებშიც ადვილია, ყოველმა მკითხველმა ამოიცნოს თავი, რადგან არ არსებობს ადამიანი, რომელსაც ცხოვრებაში ერთხელ მაინც არ უვლია უფსკრულის პირას.