ავტორი: ნიკო მარი

გვერდების რაოდენობა: 220

ენა: რუსული

შავშეთსა და კლარჯეთში მოგზაურობის დღიური ნიკო მარმა 1902 წელს, იერუსალიმის ჯვრის მონასტერში ყოფნისას, გიორგი მერჩულეს „წმ. გრიგოლ ხანცთელის ცხოვრების“ ტექსტს მიაკვლია, გადმოწერა და გამოსაცემად მომზადებას შეუდგა. თუმცა, მის გამოქვეყნებამდე, მეცნიერმა 1904 წელს შავშეთ-კლარჯეთში იმოგზაურა, მოინახულა და აღწერა გრიგოლ ხანცთელის მოღვაწეობასთან დაკავშირებული ადგილები. საბოლოოდ, 1911 წელს გამოსულ ნაშრომში, რომელიც ნიკო მარის მდიდარი სამეცნიერო ბიოგრაფიის ერთ-ერთ მწვერვალადაა მიჩნეული, გამოქვეყნდა: შესავალი, „გრიგოლ ხანცთელის ცხოვრების“ ქართული ტექსტი, მისი რუსული თარგმანი და „შავშეთსა და კლარჯეთში მოგზაურობის დღიური“.

წინამდებარე გამოცემაში წარმოდგენილია ნაშრომის მხოლოდ უკანასკნელი ნაწილი, ფოტოტიპური სახით, შესაბამისი საძიებლებითა და ილუსტრაციებით.