კორმაკ მაკარტი ყოველგვარი წინა პირობისა თუ წინასწარშემზადების გარეშე, პოსტაპოკალიფსურ სამაყროში მიგვიძღვება და მერე შეუბრალებლად შუა გზაზე გვტოვებს. კორმაკ მაკარტი - სამყაროს აღსასრულის მემატიანე. შემზარავი რეალობა: უიმედობისა და გამოუვალობის განცდა, კატასტროფის მოლოდინი, მუდმივი შიში და სიცივე. სიჩუმე. გვამები და კიდევ გვამები. მძაფრი განცდა - განცდით დაცლილ სამყაროში. ადევნებული სიკვდილის სიახლოვე. გამოსავალი - შიშით მაგრად დახუჭული თვალები. ეს გზაა, მაგრამ არა უკან დასახევი! ამიტომ იძულებული ვართ, ამ გზაზე დამდგარ მამა-შვილს კვალში ჩავუდგეთ, ავედევნოთ. ჩვენ აუცილებლად გავყვებით მაკარტის გზის ბოლომდე, რადგან მთავარი იქ გველოდება: სასოწარკვეთისა და უიმედობისგან თავის დაღწევის შანსი. ან აღსასრული. როგორია სამყაროს აღსასრული? „გამომცემლობა პალიტრა L“ პროექტით „წლის ბესტსელერი“ მკითხველს სთავაზობს უახლესი მსოფლიო ლიტერატურის საუკეთესო ნაწარმოებებს. თითოეული წიგნი და ავტორი არაერთი პრესტიჟული ლიტერატურული ჯილდოს მფლობელია. ბუკერის, ნობელის, პულიცერის, გონკურების, IMPAC-ის, სერვანტესის პრემიის ლაურეატი მწერლები და წიგნები კრიტიკოსებმა გამორჩეულად შეაფასეს და წლის ბესტსელერებად აღიარეს.