წინამდებარე ტესტების კრებული განკუთვნილია ზოგადსაგანმანათლებლო სკოლის დაწყებითი საფეხურის მოსწავლეებისთვის და გათვლილია უცხოური ენების სწავლების ოთხივე მიმართულებაზე: მოსმენა/წაკითხვა, გაგება, წერა და ლაპარაკი. შეიცავს ელექტრონულ რესურსს - მოსასმენ მასალას, რომელიც განთავსებულია გამომცემლობა „დიოგენეს“ ოფიციალურ ვებგვერდზე. მოსწავლეს შეუძლია მარტივად, გაჯეტის დახმარებით, გადავიდეს ამ რესურსზე და შეასრულოს მოსასმენი სავარჯიშოები. კრებულის ძირითადი მახასიათებლები: ✅ შინაარსობრივი მრავალფეროვნება: კრებული მოიცავს ეროვნული სასწავლო გეგმით გათვალისწინებულ ყველა სავალდებულო თემატურ ბლოკსა და ლექსიკურ-გრამატიკულ საკითხს და ორიენტირებულია მისაღწევ შედეგებზე. ✅შესაბამისობა: სავარჯიშოები მორგებულია შესაბამისი კლასის მოსწავლეების საჭიროებებსა და შესაძლებლობებზე, რაც ხელს შეუწყობს მოსწავლის ინდივიდუალურ განვითარებას. ✅ინტერაქტიულობა: კრებულში გამოყენებულია სხვადასხვა ტიპისა და სირთულის დავალებები, რომლებიც მოსწავლეს ინტერესს აღუძრავს და უზრუნველყოფს მის ჩართულობას პროცესში. ✅პროგრესის მონიტორინგის შესაძლებლობა: ყოველი სამი ტესტის შემდეგ მოცემულია შემაჯამებელი ტესტი. მოსწავლის მიერ დავალებების შესრულების ხარისხი საშუალებას მისცემს მასწავლებელს, განსაზღვროს, რამდენად მიაღწია მოსწავლემ ეროვნული სასწავლო გეგმით განსაზღვრულ მიზნებს, ხოლო მოსწავლეს - შეაფასოს თავისი წარმატება, საკუთარი ძლიერი და სუსტი მხარეები.