,,მეც განახლებაზე ვოცნებობ. ვგრძნობ, რომ შუაგულ შემოდგომაზე შეიძლება ჩემთვის გაზაფხული დადგეს და ახალი არსებობა დაიწყოს, ამიტომ ოცნებებს არ უნდა ავყვე, ჩემს ისედაც მყიფე თავდაჯერებულობას ეს დიდ საფრთხეს შეუქმნის. ასე მგონია, რომ შევძლებდი აქ მეცხოვრა იმ ბავშვთან ერთად, რომელიც ჩემი სხეულიდან რამდენიმე საათში გამოვა. ამას სამართლიანის მსგავსი დახუჭული თვალებითაც ასევე ნათლად ვხედავ, როგორც თვალგახელილი ვუყურებ ჩემს ხელს, რომელიც წერს. ჩვენ ორნი ერთ დიდ ოჯახს შევქმნიდით. იმდენად შეხმატკბილებულად ვიცხოვრებდით, ერთმანეთთან ისე ახლოს ვიქნებოდით, რომ მაგალითად, ჩემს ბაგეებს მოწყვეტილ ღიმილს ის აიტაცებდა. პატარა ფრთებს დავუვარცხნიდი და მის დაფრთიანებას დაველოდებოდი."გაეტან სუსი,,გოგონა,რომელსაც ძალიან უყვარდა ასანთი"ფრანგულიდან თარგმნა ირინა ლაბაძემ (2016)