"მეტრო 2035" წინამორბედი ისტორიების გამაოგნებელი და მოულოდნელი შეჯამებაა. ამბავი გრძელდება, მეტრო თავისი ჩვეული ცხოვრებით ცხოვრობს, მაგრამ არტიომს საკუთარი მიწისქვეშა ყოფა არ აკმაყოფილებს. იგი ყოველდღიურად ცდილობს რადიოსიგნალის დაჭერას და მტკიცედ სჯერა, რომ დედამიწის ერთ წერტილში მაინც გადარჩნენ ადამიანები. ამ დროს კი მეტროში ურთულესი პოლიტიკური ინტრიგები იხლართება. ლიდერთა თამაშებში ხალხი ვეღარ არჩევს, სად არის მათი ნამდვილი სურვილები და შესაძლებლობები. მოსკოვის მეტროში, მიწის ქვეშ, თანამედროვე მსოფლიოს მიკრომოდელში ადამიანები ურთულეს ფილოსოფიურ, ფსიქოლოგიურ და პოლიტიკურ საკითხებში გარკვევას ცდილობენ. მათი მცდელობები კი ურთულეს საიდუმლოებებს ხდის ფარდას.