ბრაზილია – 100% არაბიკა სან-პაულოს რეგიონიდან სამხრეთ ამერიკის საუკეთესო არაბიკა, შერჩეული მიკრო ზონიდან. მარცვლები დამუშავებულია მშრალი ანუ ბუნებრივი ტექნოლოგიით, რაც ყავას ანიჭებს უკეთეს სტრუქტურას და ტკბილ გემოს. საშუალო მოხალვა ქმნის ხავერდოვან და მდიდარ არომატს. ბრაზილიური ყავებიდან განსაკუთრებული ადგილი უკავია სანტოსის ყავას – სან-პაულოს რეგიონიდან, რომლის სახელწოდება მომდინარეობს იმ პორტისგან, საიდანაც ექსპორტზე გაედინება ყავის მოსავალი. სანტოსი ითვლება სამხრეთ ამერიკის უმაღლესი ხარისხის არაბიკად. ტკბილი, დაბალი მჟავიანობით, ხავერდოვანი და ნაზი არომატით, მსუბუქი შოკოლადის ელფერით – იდეალურია საუზმისთვის. საშუალოდ წვრილად დაფქული ტექსტურის გამო იდეალურია მოკასთვის. ასევე გამოიყენება ესპრესო აპარატისთვის – საჭიროა ოდნავ უფრო მჭიდროდ დაპრესვა ან მეტი ფხვნილის დამატება.