Beer პონგი

თამაშის პრინციპი მარტივია. ჭიქებს ანაწილებ თანაბრად მაგიდის ორივე მხარეს, როგორც კლასიკური Beer Pong-ის შემთხვევაში. ოღონდ, ნახე რა ხდება: ჭიქას ბოლომდე არ ავსებ სასმლით. ავსებ მხოლოდ ქვედა, ვიწრო ნაწილს (რასაც ერთ-ერთ სურათზე ხედავ) და ზევიდან ადებ კარტს. ეს პირველ რიგში ჰიგიენურობას ინარჩუნებს, რადგან ბურთი სასმელში არ ვარდება და შესაბამისად სასმელს სვავ სუფთად. ოღონდ ამ კარტის მთავარი მუღამი ისაა რომ ქვედა მხრიდან ახატია მოქმედება. შესაბამისად როცა ბურთს შენს ჭიქაში ჩააგდებენ, შენ არამხოლოდ უნდა დალიო სასმელი, არამედ შეასრულო ის მოქმედება რა ნახატიც კარტზე ამოგივა. არის ცოტა კომპლექსური ვარიანტიც, სადაც ჩართული ხართ არამხოლოდ მოთამაშეები, არამედ ისინიც ვინც ირგვლივ არიან, გიყურებენ და ელოდებიან თავიანთ რიგს. თუ ამ ვარიანტით თამაშს აირჩევთ, მაშინ კარტზე რა მოქმედებაც ამოვა ის უნდა შეასრულო არამხოლოდ შენ, არამედ ყველა მაყურებელმა და ბოლო/ყველაზე ნელი ვინც იქნება, იმანაც უნდა გადაკრას შოტი. იდეალური თამაშია სახლის წვეულებებისთვის და სიტუაციის შეხურებისთვის.