ალბერ კამიუ - პირველი ადამიანი

როდესაც მამა გარდაეცვალა, კატრინ კამიუ 14 წლის იყო, მაგრამ დედისგან იცოდა, რომ კამიუ უკმაყოფილო იყო რომანზე მუშაობის ტემპით. ამასთან ერთად, მეტი ნაწილის წაშლა და თავიდან დაწყება სურდა, მაგრამ საბოლოო ჯამში, არაფერი გაუნადგურებია (იქნებ ვერ მოასწრო) და რომანი ყოველგვარი შესწორებების გარეშე გამოვიდა, იმ სახით, როგორიც ის იყო იმ საბედისწერო ავტოკატასტროფის დღეს. კამიუს ჩანთაში "პირველი ადამიანის" ხელნაწერი ტექსტი, შექსპირის "ოტელო" და ნიცშეს წიგნი ედო. არავინ ელოდა, რომ კითხველი ასეთი აღფრთოვანებით შეხვდებოდა კამიუს უკანასკნელი, დაუმთავრებელი რომანის გამოქვეყნებას. წიგნის გამოსვლიდან ორი კვირის შემდეგ, გაზეთ "Le Mondis" კორესპონდენტთან ინტერვიუში, სასიამოვნოდ გაოცებულმა კატრინ კამიუმ განაცხადა: "სრულიად არ ველოდი, რომ ეს ახალი შეხვედრა კამიუსთან მკითხველებს ესოდენ დიდ ბედნიერებას მიანიჭებდა."