აბრეშუმის შარფი - ფერადი ქართული ორნამენტი

ყელსახვევზე გამოსახულია ბრეთის წმ. იოანე ნათლისმცემლის ხატის ორნამენტები. ბრეთის „მამა პიროსი“ – სოფელი ბრეთის (ქარელის მუნიციპალიტეტი, რუისისა და ურბნისის ეპარქია) წმ. გიორგის ტაძარი (VI ს. II ნახ. – VIII-IX სს.) დააარსა ერთ-ერთმა ასურელმა მამამ, პიროს ბრეთელმა. ბრეთის მამა პიროსი და აქ არსებული მონასტერი მთელი შუა საუკუნეების განმავლობაში იყო კულტურულ-საგანმანათლებლო, მწიგნობრობისა და ხელოსნობის მნიშვნელოვანი ცენტრი.აქ შეიქმნა XI ს. იოანე ნათლისმცემლის ჭედური ხატი, რომელიც მონასტრის ერთ-ერთ უმთავრეს სიწმინდეს წარმოადგენდა (დღეს დაცულია ხელოვნების მუზეუმში). ამ ხატმა ჩვენამდე დაზიანებული სახით მოაღწია – აღარ არსებობს არც მოჩარჩოება, არც ფერწერული ნაწილი. წმ. იოანეს ხელთ უპყრია დისკოსი წარწერით „ხმა ღაღადებისაჲ უდაბნოსა ზედა“ (ესაია წინასწარმეტყველი), დისკოსის ქვემოთ მეორე წარწერაა: „მამა მიქაელი. წმ. იოანე ნათლისმცემელო, მეოხ ეყავ“. ზომა: